நீ யாரோ..?!

[சுகந்தப்ரீதன்]

தூரத்தில் புள்ளியாய்
வானத்தில் பலவிதமாய்
நரம்புகளில் விரைந்தோடும்
இரத்தத்தின் சிறுதுளியாய்...
என்பாலைவன படுகையிலே
பாய்ந்தோடும் ஜீவநதியாய்..
நினைவுகளில் நிறைந்தோடி
சிந்தனைகளில் சிதறும்...
சின்னப்பூவே நீ யாரோ..?!

[சிவா.ஜி]

வேறு யார்....? நாளை...மாலையாகக் காத்திருக்கும் கன்னிப்பூதான். கட்டுப்பாடின்றி ஓடும் காட்டாற்று வாழ்க்கைக்கு கரைகளாய் வரப்போகும் நிறைமகள்தான். வாழ்த்துகள் சுபி.

[ஷீ-நிசி]

பாலைவன படுக்கையிலே பாய்ந்தோடும் ஜீவநதி.... நல்ல வித்தியாசமான வரியமைப்பு....

ஜீவநதி ஓடிவந்தாயிற்று... இனி அது பாலைவன படுக்கையல்லவே....

வாழ்த்துக்கள் ப்ரீதன்!

[பூமகள்]

கொஞ்சம் கண்ணைத் திறந்து பார்த்தால் தெரிஞ்சிடப் போகுது சுகு??!!

கனவுல தானே இத்தனையும் பார்த்தே??!! (சும்மா லுலுவாய்க்கு... )

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
வருங்காலத்துக்காக
வரவேற்புக் கம்பளமா??!!

கடந்த காலத்தின்
வழியனுப்பு திருவிழாவா??!!

எதுவாகினும்... நிம்மதியும் சந்தோசமும்..
வானத்து நீலம் போல்
என்றும் நிலைக்க வாழ்த்துகள் சுகு...!!

[அமரன்]

தூரத்துப் பறவையாய்
பிறந்து..
வானத்தில் பலவிதமாய்
பறந்து..
உன் உதிரத்தில் பரந்து..
உளத்தில் நிறைந்திருக்க..
எங்கே தேடுகிறாய்?

உன்னை நீ அறியலையோ??

[ஓவியா]

அந்த ஃபீலீங்க்சை அப்படியே அமிர்தமாய் வடித்துள்ளாய். சபாஷ்.

ரசித்தேன்.

[மதி]

தினமும் இப்படி கேள்வியா கேட்டுக்கிட்டு இருந்தா....
சிவாண்ணா சொல்றது உண்மைன்னா.. வாழ்த்துகள்..

[shibly591]

கண்ண முழிச்சி உலகத்த பாருங்க.....

யாருன்னு புரியும்..(உங்கட அம்மா தண்ணீர் ஊற்ற முன் எழும்பிடுங்க)

[இளசு]

''தமிழ் மன்றம்'' என ஒளிரும்
கணினித் திரையா சுகந்தா?




கவிதைக்கு வாழ்த்துகள்!

[நாகரா]

தூரத்தில் புள்ளியாய்
வானத்தில் பலவிதமாய்
நரம்புகளில் விரைந்தோடும்
இரத்தத்தின் சிறுதுளியாய்...
என்பாலைவன படுகையிலே
பாய்ந்தோடும் ஜீவநதியாய்..
நினைவுகளில் நிறைந்தோடி
சிந்தனைகளில் சிதறும்...
சின்னப்பூவே நீ யாரோ..?!

தூரத்தில் - சுத்தவெளியில்(வெட்டவெளியில்)
புள்ளியாய் - அருளொளியாய்
வானத்தில் பலவிதமாய் - பருவெளியில்(Material Space) அண்டங்களாய்(Universes), நட்சத்திர மண்டலங்களாய்(Galaxies), நட்சத்திரங்களாய்(Stars, Suns), கிரகங்களாய்(Planets), உபக்கிரகங்களாய்(Moons)
நரம்புகளில் விரைந்தோடும் - அறிவாய்(மனமாய்)
இரத்தத்தின் சிறுதுளியாய்... - உணர்வாய்(இருதயமாய்)
என்பாலைவன படுகையிலே - மெய்யாய்(அது மெய்யாகவே மெய்யாய் நிலைக்கும் வரை வரண்டது தானே!)
பாய்ந்தோடும் ஜீவநதியாய்.. - அன்பின் வெள்ளமாய்
நினைவுகளில் நிறைந்தோடி
சிந்தனைகளில் சிதறும்... - எண்ணங்களில் நிறைந்து வழியும்
சின்னப்பூவே நீ யாரோ..?! - ஆன்ம நேய ஒருமையோ?!

சின்னப்பூ ஆன்ம நேய ஒருமையால் மட்டுமே மலர்விக்க முடிந்த தைமஸ் சுரப்பியைக்(Mystic Heart, Sacred Heart, Etheric Heart, தூய இருதயம்) குறிக்கிறது!

ஆழமான குறியீட்டுக் கவிதையைத் தந்து மெய்ஞ்ஞானம் புகட்டி அசத்தி விட்டாயே சுகந்தத் தம்பி! சபாஷ்! கவிதை நனி மிகச் சிறிது, அது சொல்லும் மெய்ஞ்ஞானம் அரிது, பெரிது! ப்ரீதத் தம்பி, அண்ணன் தலை வணங்குகிறேன், நன்றி

[மயூ]

அண்ணாச்சி வயசுக்கு வந்துட்டார்.. அவருக்கு காதல் வந்துடுச்சி... வாழ்த்துகள்... சீக்கிரமே முடிவ கேட்டு எங்களுக்கும் தெரியப்படுத்துங்க :P

[meera]

உங்க அவதாருக்கு ஏத்த கவிதை தான். முகம் மூடி வெக்கம் வந்தது இதனால் தானா?

ம்ம் தொடரட்டும் சுகந்தன்....