நண்பர்களே..!
மன்றத்தில் ஏற்படுத்தப் பட்டுள்ள புதிய மாறுதல்கள் பின்வருமாறு:
1) வீடியோ படங்களின் கீழ் பதிவிறக்க சுட்டி கொடுக்கப் பட்டுள்ளது, இதன் மூலம், அதன் மூல தளத்திற்கு சென்று அசைபடங்களை காணலாம், அவர்கள் அனுமதித்தால் பதிவிறக்கம் செய்து கொள்ளலாம்.
2) மல்லி மன்றத்தில் ஒரு பகுதியாக இருந்த கவிதைப் பகுதியில் பங்களிப்பு அதிகமாக இருந்ததனால், பிரித்து தனியாக "செவ்வந்தி மன்றம்" உருவாக்கப் பட்டுள்ளது.
3) கவிதைப் போட்டியில் வென்ற பதிப்புகளின் மீது "விருது படம்" சேர்க்கப் பட்டுள்ளது.
4) கதைப் போட்டியில் வென்றவர்களுக்கு "பதக்கங்கள்" கொடுக்கப் பட்டுள்ளது. இதை வென்றவர்களின் பதிப்புகளிலும், அவர்கள் ப்ரோஃபைல்களிலும் காணலாம்.
இது தவிர மேலே உள்ள "மெனு" பாரிலும் "Award Winners" சுட்டியில் காணலாம்.
கதையை தவிர இன்னும் பல போட்டிகள் வைத்து அவற்றிற்கும் பதக்கங்கள் கொடுக்க நிர்வாக உறுப்பினர்கள் விவாதிக்கிறார்கள். இது பற்றிய உங்கள் ஆலோசனைகள் வரவேற்கப் படுகின்றன.
5) புதிய iCash என்னும் இ-பணம் (இணைய பணம்) நாளை முதல் அறிமுகப் படுத்தப் படுகிறது. இது நமது மன்றத்தில் உறுப்பினர்களை உற்சாகப் படுத்த உபயோகப் படுத்தப் படும் Virtual Currency. இது ஒரு வகையான "பாயிண்ட் சிஸ்டம்" பொதுவாக அனைத்து இணைய மன்றங்களிலும் காணலாம்.
நீங்கள் பதிக்கும் ஒவ்வொரு திரிக்கும், கருத்துகளுக்கும் உங்களுக்கு தானாக இந்த இ-பணம் கூடும். இது தவிர தரமாக படைப்புகள் கொடுப்பவர்கள், தரமாக கருத்துக்கள் வழங்குபவர்கள், புதியவர்களுக்கு உதவுபவர்கள், மற்றும் சிறந்த ஆலோசனைகள் வழங்குபவர்களுக்கு நமது நிர்வாக உறுப்பினர்கள் அவ்வப்போது இந்த "ஐ-கேஷ்" சன்மானம் கொடுப்பார்கள். இது தவிர மாதம் தோறும் சிறந்த 3 பழைய உறுப்பினர்களுக்கு 200 இ-பணம் கொடுத்து அவர்கள் மூலமாகவும் சிறந்த படைப்பாளிகளுக்கு கொடுக்க கூறுவோம்.
நீங்களும் மன்றத்தில் சிறந்த படைப்புகள், சிறந்த கருத்துக்களை காணும் போது அதன் படைப்பாளிக்கு அவரது பதிப்பின் வலது பக்கத்தில் உள்ள "Donate Me" என்ற பட்டனை அழுத்தி அவருக்கு உங்களிடம் உள்ள "ஐ-கேஷை" வெகுமதியாக வழங்கலாம்.
"ஐ-கேஷ்" உள்ளவர்கள் தாராளமாக வழங்குங்கள். அது நிறைய பேரிடம் சேரச் சேர அவர்களும் நிறைய பேருக்கு சன்மானம் வழங்கி ஊக்குவிக்க முடியும்.
இந்த ஐ-கேஷில் ஒரே ஒரு சிறிய பிரச்சனை உள்ளது, அதன் காரணமாகவே இதை தாமதப் படுத்தி வந்தேன். தமிழில் பயனாளர் பெயர் உள்ளவர்களுக்கு சன்மானம் வழங்கும் போது அவ்ர்கள் பெயரை நீங்கள் மீண்டும் தட்டச்சு செய்ய வேண்டும், ஏனெனில் அது "?????" என்று தோன்றும்.
இது தவிர உங்களிடம் வேறு ஆலோசனைகள் இருந்தால், அவையும் வரவேற்கப் படுகின்றன்.
நன்றி..
இராசகுமாரன்
பின்சேர்ப்பு: ஆங்கிலத்தில் பதிவுகள் செய்பவர்கள். மற்றும் விதிமுறை மீறிய பதிவுகள் செய்பவர்களிடம் தானாக போய் சேர்ந்த iCash-கள் அவ்வப்போது திருப்பி பெற்றுக் கொள்ளப் படும்.
Bookmarks