கட்டுநாயக்க வான்படைத் தளம் மீது வான்புலி

[மயூ]

சிறிலங்கா கட்டுநாயக்க வான்படைத் தளம் மீது வான்புலிகளின் இரு வானூர்திகள் இன்று திங்கட்கிழமை அதிகாலை 12.45 மணியளவில் தாக்குதல்களை நடத்திவிட்டு பாதுகாப்பாக வன்னி படைத்தளத்திற்கு திரும்பிவிட்டதாக தமிழீழ விடுதலைப் புலிகள் தெரிவித்துள்ளனர்.

வான் படையினரின் கிபீர் மற்றும் மிக் ரக வானூர்திகளின் தரிப்பிடங்களே வான் புலிகளின் தாக்குதல் இலக்குகளாக இருந்ததாகவும், இதில் கிபீர் மற்றும் மிக் ரக வானூர்திகளுக்கு பெரும் அழிவுகள் ஏற்பட்டுள்ளதாகவும், எதிர்காலத்தில் படையினரின் கேந்திர நிலையங்களின் மீது இவ்வகையான தாக்குதல்கள் நடத்தப்படும் எனவும் விடுதலைப் புலிகள் மேலும் தெரிவித்தனர்.
சிறிலங்கா வான்படையைச் சேர்ந்த 12 பேர் காயமடைந்த நிலையில் நீர்கொழும்பு மருத்துவமனைக்கு கொண்டு வரப்பட்டிருப்பதாக மருத்துவமனை வட்டாரங்கள் தெரிவிக்கின்றன.

மூவர் கொல்லப்பட்டுள்ளதுடன் 16 பேர் காயமடைந்துள்ளனர் என்று சிறிலங்கா வான்படைப் பேச்சாளர் தெரிவித்துள்ளார்.
வான் படைத்தளம் பகுதி ஒரே புகைமண்டலமாக காட்சியளிப்பதாக அப்பகுதி தகவல்கள் தெரிவிக்கின்றன.
தாக்குதலைத் தொடர்ந்து அனைத்து வானூர்தி சேவைகளும் இரத்துச் செய்யப்பட்டு, யாரும் உள்ளே அனுமதிக்கப்படவில்லை என்பதுடன், அங்கிருந்தும் யாரும் வெளியேறவும் அனுமதிக்கப்படவில்லை.

வானூர்தி நிலையத்துக்கான அனைத்துப் பாதைகளும் பாதுகாப்புக் காரணங்களுக்காக மூடப்பட்டு அப்பகுதிக்கு மேலதிக படையினர் வரவழைக்கப்பட்டு தேடுதல் வேட்டை நடத்தப்படுவதாகவும், விடுதலைப் புலிகளின் வானூர்திகளை தமது வான்படை தேடி வருவதாகவும் சிறிலங்கா வான்படையின் பேச்சாளர் தெரிவித்துள்ளார்.
தாக்குதல் ஆரம்பித்தவுடன் தமது வானூர்தி எதிர்ப்புச் சாதனங்கள் இயங்கியதாகவும் வான்படையின் பேச்சாளர் மேலும் தெரிவித்தார்.

சிறிலங்காவை நோக்கி வரும் வானூர்திகள் அனைத்தும் இந்தியாவின் தமிழ்நாட்டின் சென்னை வானூர்தி நிலையத்துக்கு திருப்பி விடப்படுவதாகவும், இன்று காலை 8.30 மணிவரை வானூர்தி சேவைகள் அனைத்தும் இரத்துச் செய்யப்பட்டுள்ளதாக தெரிவிக்கப்படுகின்றது.
தாக்குதல் தொடங்கிய பின்னர் வானூர்தி நிலையத்தில் உள்ள பயணிகள் பாதுகாப்பான இடங்களுக்கு அப்புறப்படுத்தப்பட்டதாகவும், இத்தாக்குதலில் இரு உலங்கு வானூர்திகளும் வானூர்திகள் தரித்து வைக்கப்படும் இடம் ஒன்றும் சேதமடைந்துள்ளதாக அனைத்துலக ஊடக நிறுவனம் தெரிவிக்கின்றது.

வானூர்திகளின் தாக்குதல்கள் தொடரும் என விடுதலைப் புலிகள் எச்சரிக்கை விடுத்ததனைத் தொடர்ந்து கொழும்பின் சகல பகுதிகளிலும் இரவு நேரங்களில் மின்விளக்குகளை எரிய விடவேண்டாம் என்று பொதுமக்களுக்கு சிறிலங்கா வான்படையினர் அறிவுறுத்தியிருக்கின்றனர்.

படங்கள்: விடுதலைப் புலிகள்

[மயூ]

செய்தி புதினம்.காம் இல் இருந்து எடுக்கப்பட்டது

[ஓவியா]

நேற்று இரவு பிபிசி'யில் படித்ததுமே மனம் கலங்கிவிட்டது.

மீண்டும் போரா.....அச்சோ. கடவுளுக்கே வெளிச்சம்.

[மயூ]

ஓவியா அக்கா எங்க இருக்கிறீங்க...
இங்க யுத்;தம் தொடங்கி எத்தனையோ நாள் ஆகிட்டுது!!!!
வழமையா தமிழர் படையில் இலங்கை வானூர்திகள் குண்டு மழை தூவும்... ஆனால் இம் முறை சற்றே மாறுதலாக.....
அரச தலைவர் இப்ப என்ன செய்கிறாரோ தெரியாது!!!!

[ஓவியா]

அப்படியா!!!

குட்டிக் -குட்டி செய்தியாகதான் போடுகிறார்கள்.
நேற்றுதன் முதல் பக்கத்தில் முதல் செய்தியா போட்டார்கள்.

[விகடன்]

தங்களிடமுன் வான்வழி தாக்கக் கலங்கள் இருக்கின்றது என்பதனை காட்டி விட்டார்கள். இனிமேல் அடக்கி வாசித்தால்த்தான் நாட்டிற்கு நல்லது...

[kavitha]

இப்போதைய நிலை என்ன மயூரேசன்?

[சே-தாசன்]

தமிழின விடுதலைப் போராட்டத்தில் ஒரு புதிய சகாப்த்தம் ஆரம்பம்.

[ஓவியன்]

போரிலே புலிகளிடம் முறையாக வாங்கிக் கட்டும் பொழுதெல்லாம் ஸ்ரீலங்கா அரசாங்கத்தின் பதிலடி அப்பாவி மக்களை இலக்கு வைத்து நடாத்தப் படுவதே வழமை. மக்கள் மீது தாக்கி விட்டு விடுதலைப் புலிகளின் இலக்குகளை அழித்து விட்டதாக அறிக்கை விடுவது அவர்களுக்கு கை வந்த கலை. இதில் வேடிக்கை என்னவென்றால் அந்த அறிக்கையை பல ஊடகங்கள் தலைப்புச் செய்தியாக வெளியிடுவது தான்.

வழமை போல் இன்றும் மக்கள் குடியிருப்புக்காளை இலக்கு வைத்து அரச பயங்கரவாதம் தாக்கியுள்ளது.

வன்னியில் சிறிலங்கா வான்படையினர் வான் தாக்குதல்

சிறிலங்கா வான்படையினரின் வான்படைத் தளம் மீது தமிழீழ வான்படை நடத்திய தாக்குதலின் அழிவுகளை மறைக்கும் நோக்கில் சிறிலங்கா வான்படையினரின் கிபீர் வானூர்திகள் வன்னிப் பகுதியில் குண்டுத்தாக்குதலை நடத்தியுள்ளன.

வன்னிப் பகுதியில் உள்ள வெள்ளாங்குளத்தில் இன்று திங்கட்கிழமை பிற்பகல் வேளையில் கிபீர் ரக வானூர்திகள் குண்டுத் தாக்குதலை நடத்தியதாக வன்னிப்பகுதி தகவல்கள் தெரிவிக்கின்றன.

நன்றி - புதினம்.கொம்

சிறீலங்காவின் கிபிர் விமானங்கள் மன்னாரில் வான்வெளித் தாக்குதல்களை நடத்தியுள்ளன. இன்று மதியம் 12 மணியளவில் மன்னார் வெள்ளாங்குளத்தில் மக்கள் குடியிருப்புகளை இலக்கு வைத்து தாக்குதலை நடத்தியுள்ளன. தாக்குதலில் ஏற்பட்ட தேசவிபரங்கள் இதுவரை அறிய முடியவில்லை.

நன்றி - பதிவு.கொம்

[rmsachitha]

சபாஸ் சரியான பதிலடி சிங்களர்களுக்கு

[அமரன்]

அதிசயமான செய்தி. படங்களைத் தவிர்த்திருக்கலாமே.

[rajasi13]

மிகவும் பாராட்டத்தக்க சாதனை புலிகளிடமிருந்து. ஆனால் இது எந்த அளவுக்கு பயன் கொடுக்கும் என்பதை பொறுத்திருந்துதான் பார்க்க வேண்டும். ஏனென்றால் புலிகளின் வான் வழித்தாக்குதல்களால் இந்தியா கவலைக்குள்ளாகியிருக்கிறது. இது சிங்களவற்க்கு ஆயுத பலத்தை இந்தியா அளிப்பதற்க்கு ஒரு காரணமாகி விடக்கூடாது.