கற்பனை கேள்வி பதில்கள்

[leomohan]

ஒரு நாள் ஆசிரியர் என்னை அழைத்து நம் பத்திரிக்கையில் கேள்வி பதில் பகுதி தொடங்கினால் என்ன என்று கேட்டார். நானும் என்னுடைய வழக்கமான குறும்புடன் ஐயா அதற்கு யாராவது கேள்வி கேட்க வேண்டும். அப்போது தான் நாம் பதில் எழுத முடியும் என்றேன்.

ஏம்ப்பா நீ தான் கற்பனை பேட்டியெல்லாம் எடுக்கிறாயே. கற்பனை கேள்வி பதில் தொடங்கேன் என்றார்.

அவர் சொன்னது நியாயமாக படவே இந்த கேள்வி பதில்.

கே: த்ரிஷாவின் இடையளவு என்ன? மன்னார்குடி கலியபெருமாள்.

ப: மன்னிக்கவும் நீங்கள் தவறான முகவரிக்கு இந்த கேள்வியை அனுப்பிவிட்டீர்கள். சற்று பொரும் குமுதத்தின் முகவரியை தருகிறேன்.

கே: சன் டிவி ஃபளாஷ்நியூஸில் சென்னையில் பயங்கரம் என்று படித்து பதறிவிட்டேன். என்னாச்சு?
திருகழுகுன்றம் செந்தில்.

ப: அதுவா ஒரு சைக்கிளும் ஒரு ரிக்ஷாவும் மோதி கொண்டுவிட்டது. இப்படியெல்லாம் செய்தால் தானே நீங்கள் 2 ரூபாய் கொடுத்து தமிழ் முரசு வாங்கி படிப்பீர்கள்.

கே: ஐயா ஒரு ஜோக்?
சென்னை சொக்கலிங்கம்.
ப: ஏம்ப்பா மெனக்கெட்டு தபால் நிலையம் போய் தபால் அட்டை வாங்கி இந்த மாதிரி கேள்விகளுக்கெல்லாம் காசை வீணடிக்கிறீர். போய் வேலையை பாருமய்யா.

கே: சமீபத்தில் நடந்த எம் எல் ஏ கொலையை பற்றி நீங்கள் என்ன நினைக்கிறீர்கள்? சேத்தியாதோப்பு சேகர்.

ப: கொலை என்பது நிஜம். அதைப்பற்றி நினைத்து நான் எழுதினால் அது கற்பனை. என்ன நினைக்கிறார்கள் என்பதை படிக்க வேண்டுமானால் ஜூனியர் விகடன், நக்கீரன் வாங்கி படியுங்களேன்.

கே: தனுஷின் வீட்டில் ஏதாவது நல்ல செய்தியா?
திருப்பூர் தினகரன்.

ப: யோவ். இந்த மாதிரி விசயத்துக்குதான் விகடன்-ற ஒரு மாபெரும் பழைய பத்திரிக்கை இருக்கே என்னை ஏய்யா தொந்தரவு பண்றே!

[ஆதவா]

அருமை மோகன்....... சிரிக்கவைத்து நெத்தியடி

[tamil81]

அற்புதம்
மீண்டும் மீண்டும் படித்து பார்த்து
ரசித்தேன்

[மயூ]

சிரிக்க வைத்தவை விட சற்றே சிந்திக்க வைத்தது...

[ஷீ-நிசி]

நல்ல தைரியமாக உங்கள் கருத்துக்களை சிரிப்போடு விலாசுகிறீர்கள். அருமை அருமை

[leomohan]

அருமை மோகன்....... சிரிக்கவைத்து நெத்தியடி

நன்றி ஆதவா. இது தேனீ மாத இதழுக்காக முன்பு நான் எழுதியது. தேனீ இப்போது இணைய மாத இதழாக வருகிறது. நீங்களும் பங்களிக்கலாமே.

[leomohan]

அற்புதம்
மீண்டும் மீண்டும் படித்து பார்த்து
ரசித்தேன்

இது சாம்பிள் தான் தமிழ். தமிழ் நாட்டில் பல காரியங்கள் நகைச்சுவையாகத்தான் இருக்கிறது. என்ன செய்வது நாட்டின் நிலைமை அப்படி.

[leomohan]

சிரிக்க வைத்தவை விட சற்றே சிந்திக்க வைத்தது...

நன்றி மயூரேசன். ஐயோ நான் சிந்திக்க வைக்கலைங்கோ.

[leomohan]

நல்ல தைரியமாக உங்கள் கருத்துக்களை சிரிப்போடு விலாசுகிறீர்கள். அருமை அருமை

நம்ம நாட்டில் Freedom of Speech மட்டும் தான் இன்னும் பாக்கியிருக்கிறது. இதையே தமிழ் நாட்டில் இருக்கும் போது சொல்லியிருந்தால் ஆசிட் ஊற்றியிருப்பார்கள்.

[ஷீ-நிசி]

நம்ம நாட்டில் Freedom of Speech மட்டும் தான் இன்னும் பாக்கியிருக்கிறது. இதையே தமிழ் நாட்டில் இருக்கும் போது சொல்லியிருந்தால் ஆசிட் ஊற்றியிருப்பார்கள்.

நீங்க தமிழ் நாட்ல இல்லை என்பதை மறந்துட்டேன் நண்பரே..

ஆனாலும் அதற்கும் ஒரு துணிவு வேண்டும்.. உங்களிடல் நிறையவே உள்ளது.

[மதுரகன்]

நல்லா நகைச்சுவை எழுதுகிறீர்கள் மோகன்...
வாழ்த்துக்கள்..
இப்படியே நிறுத்திவிடாது தொடருங்கள்...

[pradeepkt]

நடத்துங்க மோகன்.
இனி மன்றத்தில் மோகனின் கேள்வி பதில் பகுதி ஆரம்பிச்சுற வேண்டியதுதான்