: வெயில் கவிதைகள் :

**samuthraselvam** · 30-04-2009, 07:28 AM

அறிவுப் பூர்வமான பதில், விமர்சனம், விவாதம், விதண்டாவாதம், பொதுவான அலசல்கள், வந்த சண்டையை பிடிப்பது, வம்பு சண்டைக்கு இழுப்பது, நக்கல், நையாண்டி, மொக்கை.................!!!!

இப்படி தான் உங்களின் எழுத்துக்களை இதுநாள் வரை ரசித்திருக்கிறேன்... ஆனால் ஒரு கவிஞராக இந்தத் திரியின் மூலம் தான் அறிகிறேன்.

அடேங்கப்பா... எவ்வளவு கவிதைகள்.. ஆதவனின் வெயில் கரங்களை விட உங்களின் கவிதைகள் அதிகமாகிவிடும் போல் தெரிகிறதே....

வெயில் என்ற தலைப்பில் ஒரு கவிதைத் தொகுப்பே வெளிவிடலாம்.....

இதே வேகத்தில் கவிதைகள் வந்து குவிந்தால், வெயில் காலம் முடிவதற்குள் இந்தத் திரி பல பக்கங்களை தாண்டிவிடும்.

அமர் அண்ணா, சிவா அண்ணா, பூமகள் ஆகியோரின் கவிதைகளும் அற்புதம்.

**பூமகள்** · 30-04-2009, 07:32 AM

அலைந்து திரிந்து
பசித்த மதியத்தில்..
உச்சிக் கதிர்கள்
உச்சி வகிடு வழி
வழியத் துவங்கியிருக்கும்..

எப்போதும் நிற்கும்
மரத்தடி நிழலின்
புழுது படிந்த இலைகளின்
வடிகட்டிய குளுமை
வெப்பக் காற்றோடு
ஈர முதுகு சில்லிக்க வைக்கும்..

ஓரமாய் பானையோடு
கம்பங்கூல் தாத்தாவும்..
அவர் கொண்ட சுத்தமான
ஆறுவகை வற்றல் குவியல்களும்..

நினைவில் எழுந்து
நாவின் நீர் சுரப்பிக்க..
காத்துக் கொண்டிருக்கிறேன்..
அடுத்த வருட
வெயில் காலத்துக்காக...!!

**மதி** · 30-04-2009, 07:51 AM

நீங்க சொன்ன மாதிரி எழுதலாம்..
ஆனா நான் தான் கவிஞன் இல்லையே... :(

கற்பனைகளை கடன் வாங்க வேண்டிய நிலையில் தானே இருக்கிறேன்.
வெக்கையில் மதியும் இழந்தாச்சு..

**பூமகள்** · 30-04-2009, 07:56 AM

Originally Posted by samuthraselvam

அறிவுப் பூர்வமான பதில், விமர்சனம், விவாதம், விதண்டாவாதம், பொதுவான அலசல்கள், வந்த சண்டையை பிடிப்பது, வம்பு சண்டைக்கு இழுப்பது, நக்கல், நையாண்டி, மொக்கை.................!!!! இப்படி தான் உங்களின் எழுத்துக்களை இதுநாள் வரை ரசித்திருக்கிறேன்... ஆனால் ஒரு கவிஞராக இந்தத் திரியின் மூலம் தான் அறிகிறேன்.

தங்கையே...
தாமரை அண்ணா ஒரு கடல்... அள்ள அள்ளக் குறையாத கருத்துகளுக்கும் படைப்புகளுக்கும் சொந்தக் காரர்..

அவர் அறியேன் என்று சொல்லி இது வரை நான் கேட்டதில்லை..

அவரின் பல் முகங்கள் நெருங்கியவர்களுக்கு நன்கு பரிச்சயம் ஆகும்.. இப்போது நீங்களும் அருகில் வந்திருப்பது புரிதலிலிருந்து தெரிகிறது..

எங்கள் அனைவருக்கும் அவ்வப்போது தேவைப்படும் அனைத்து பதில்களும் இந்த மகா சமுத்திரத்திடமிருந்து அன்புடன் கிட்டிவருகிறது...

இவரின் ஆழம் அறிந்தவர் எவருமில்லை என்றே சொல்லலாம்.. உணர்ந்ததால் இத்தனை சொல்கிறேன்..

மொத்தத்தில்..

தாமரை அண்ணா..

அளக்க முடியாத ஆழமறிய இயலாத அறிவுச் சுரங்கம்...
வற்றா ஜீவ நதி...
எல்லாவற்றையும் பார்த்துக் கொண்டிருந்தாலும் சற்றும் சலனப்படாத ஆழ் கடல்..

இதுக்கு மேல சொன்னா.. தாமரை அண்ணா எத்தனை ஈ-பணம் கொடுத்தார் இப்படி பேச என்று ஒரு கூட்டம் கேட்டு வரும்...

ஆகவே.. இத்தோடு நிறுத்திக் கொள்கிறேன்..

**அமரன்** · 30-04-2009, 08:19 AM

தங்கையே...
தாமரை அண்ணா ஒரு கடல்... அள்ள அள்ளக் குறையாத கருத்துகளுக்கும் படைப்புகளுக்கும் சொந்தக் காரர்

அதான் குடிக்கக் குடிக்க தாகம் தணிவதில்லை.

**பூமகள்** · 30-04-2009, 08:24 AM

தாகம் தணிந்து விட்டால் தேடல் இருக்காதே அமர் அண்ணா...!!

(நாங்களும் சொல்வோம்ல....!!

)

**தாமரை** · 30-04-2009, 08:43 AM

Originally Posted by samuthraselvam

அறிவுப் பூர்வமான பதில், விமர்சனம், விவாதம், விதண்டாவாதம், பொதுவான அலசல்கள், வந்த சண்டையை பிடிப்பது, வம்பு சண்டைக்கு இழுப்பது, நக்கல், நையாண்டி, மொக்கை.................!!!!

இப்படி தான் உங்களின் எழுத்துக்களை இதுநாள் வரை ரசித்திருக்கிறேன்... ஆனால் ஒரு கவிஞராக இந்தத் திரியின் மூலம் தான் அறிகிறேன்.

.

**அமரன்** · 30-04-2009, 08:48 AM

என் சேமிப்பிலிருந்து சில..

http://www.tamilmantram.com/vb/showthread.php?t=6994

http://www.tamilmantram.com/vb/showthread.php?t=6258

http://www.tamilmantram.com/vb/showthread.php?t=6294

http://www.tamilmantram.com/vb/showthread.php?t=6471

http://www.tamilmantram.com/vb/showthread.php?t=6052

http://www.tamilmantram.com/vb/showt...?t=7056

http://www.tamilmantram.com/vb/showthread.php?t=6683

மேலும் தேவைப்பட்டால் தனிமடலிடுங்க.

**தாமரை** · 30-04-2009, 10:39 AM

சுருக்கங்கள் விழுந்த கரங்கள்
சுருள் முடியைக் கோதி
உருண்டைச் சோறெடுத்து
ஊட்டிய தருணங்களில்
எரிந்தான் சூரியன்

பனைவிசிறிகள்
அசையாமல் நின்ற
காற்றுக்கு
நடனம் சொல்லித்தந்து
ஆடவைத்ததில்
இன்னும் கோபம் கொண்டு
உக்ரமாய்
எரிகிறான் சூரியன்

நீ விசிறி விடு

அவன் எரியட்டும் பாட்டி

**தாமரை** · 30-04-2009, 10:46 AM

Originally Posted by பூமகள்

நினைவில் எழுந்து
நாவின் நீர் சுரப்பிக்க..
காத்துக் கொண்டிருக்கிறேன்..
அடுத்த வருட
வெயில் காலத்துக்காக...!!

வெயில் காலத்து விடுமுறையும்
பாட்டி வீடும்
ஆகஸ்ட் பதினைந்தை
மிட்டாய் நாளாக்கி
கேலி செய்கின்றன..

**ஆதவா** · 30-04-2009, 10:58 AM

படர்ந்திருக்கும் வெயில்
உச்சியைக் குத்தியிழுக்கிறது
அடர்ந்திருக்கும் ரோமங்களின் வழி
கைகளில் ஊடுறுவப் பார்க்கிறது
முகமெங்கும் வெயிலின் தடங்கள்
அப்பிவிடா தடயங்கள் இருக்கின்றன
என் தோள் தேடி வருகிறார்கள்
பறவையினத்தவர்கள்
வெப்பத்தை வென்றுவிட்ட சந்தோஷத்திலும்
சலனமற்று இருக்கிறது.
என் காலடி நிழல்

**தாமரை** · 30-04-2009, 11:03 AM

மதிய உணவு முடிந்து
மெல்ல நடக்கிறேன்
நீளமாய் சோம்பி உறங்கும்
கருநாகச் சாலை அரவின் மீது..

இத்தனை வருடங்கள் தொலைத்து விட்ட
வெய்யில் சகவாசத்தை
ஆதவன் சுட்டு உணர்த்த
அசை போட ஆரம்பிக்கிறேன்,,

முதுகும் உச்சந்தலையும்
சுள்ளென சுட
மனது மட்டும்
சில்லென்று இருக்கிறது..

நாற்புறம் மட்டுமல்ல
வானத்தையும் அண்ணாந்து பார்க்கிறேன்..

வியர்த்து வழிந்த சூரியன்
முகம் துடைத்துப் போட்ட
கைக்குட்டை வெண்மேகம்

பறவைகளே இல்லா வானம்
முகம் வெளிறிக் கிடக்கிறது..

மரங்களெல்லாம் அசையாமல்
இழந்து விட்ட இயற்கைக்கு
மௌன அஞ்சலி செய்து கொண்டிருக்கின்றன

அவசர அவசரமாய்
கரியாய் இருமிக் கொண்டு
வாகனங்கள்
விரைந்து கொண்டிருந்தன,..

வெளியில் தெரிந்தவை எல்லாம்
வேகங்கள் சோகங்கள்

ஆழ மூச்சிழுத்து
பெயர் தெரியா மொட்டை மரத்தடியில்
உள்ளுக்குள் எனை வாங்கி
நானறிந்த வெயில் காலங்களை
தேடிப் பார்த்து
குளிர்ந்து போகிறேன்..

மீண்டு(ம்) மெல்ல நடக்கிறேன்
உச்சிச் சூரியன் வெப்பத்தை
உள்ளிருந்து வந்து நீர்
தணித்துக் கொண்டிருக்கிறது...

உதடுகள் உப்புக் கரிக்கின்றன..
கைகால்கள் பிசுபிசுக்கின்றன
வெற்றுக் கால்களால்
நடக்க ஆசை என்றாலும்
இயலாமையினால்
குறுகித் தலைகுனிகிறேன்

தூரத்துக் கானல் நீரில்
வாகனங்களின் பிரதிபலிப்புகள் கண்டு
எத்தனை ஆண்டுகள் ஆகின்றன
அசை போடுகிறேன்..

சாக்கடை நீரை ஒரு குருவி
தயங்கித் தயங்கி அருந்துவதைக் கண்டு
சட்டென
உறுதி எடுத்துக் கொள்கிறேன்

நாளை முதல் ஒரு வாளித் தண்ணீர்
பால்கனியில் வைத்திட வேண்டும்..
சட்டெனப் தோன்றியது
வெய்யிலின் பிரஹாசம்
உள்ளிருந்தும்...

Thread: : வெயில் கவிதைகள் :

Thread Tools

Display

Thread Information

Users Browsing this Thread

Bookmarks

Bookmarks

Posting Permissions