மரணம் !!!

**தாமரை** · 04-01-2006, 12:44 PM

மனிதன்
ஒரு விசித்திரப் பிறவி..
பிணத்தைச் சுமந்தாலும்..
பிற்காலச் சிந்தனையின்றி
நாடுகிறான் இன்பத்தை...

ஆனால்...
இறுதிக் காலத்திலே
இரவு நேரமெல்லாம்...
அவனுக்கு
இறப்பு ஞாபகம்தான்...

மணக்க மணக்க
அலங்கரித்த உடல்..
மண்ணால் தின்னப் படுமோ...?

நிமிடத்திற்கு நிமிடம்
ஊதிய சிகரெட் போல்
ஊர்ச் சுடுகாட்டிலே
சாம்பலாய் போய்விடுமோ...?

எங்கே போகுமோ
என் எண்ணங்கள்...?
என்னும்
எண்ணங்களின் அலைகளிப்புகள் தான்..

எலும்புக் கூட்டை
பார்க்கும் போதெல்லாம்..
எழாத எண்ணங்கள்
எழ முடியாத போது தானே
எழுகின்றன..

சார்ந்தவர்களுக்கு...
நிமிடத்தில் வரும் மரணம்
துக்கத்தைத் தரும்..

தள்ளிப் போடப்பட்ட மரணம்
நரகம்..
சாகின்றவனுக்கும்.

**பென்ஸ்** · 04-01-2006, 12:59 PM

அருமை...
மரணபயம்...

தள்ளிப் போடப்பட்ட மரணம்
நரகம்..
சாகின்றவனுக்கும்

கலக்கல் வரிகள்....
நல்லவனோ, கெட்டவனோ... மரணம் யாரையும் விடுவதில்லை

**பாரதி** · 04-01-2006, 05:05 PM

பதில் தெரியாத கேள்விகளுக்கு உங்கள் கோணத்தில் கவிதையா..? நன்றாக இருக்கிறது நண்பரே.

**இளசு** · 04-01-2006, 10:23 PM

விளக்கை அணைத்து விட்டுப்போ எனச் சொல்லி
சட்டென உறக்கத்தில் மறைய ஒரு யோகம் வேண்டும்.

என் பேராசை அப்படிப்பட்ட மரணம்.

தள்ளிப்போடப்பட்ட மரணம்
நரகம்..

அவனுக்கும்,
அவனைச் சார்ந்தவர்களுக்கும்..

எழாத எண்ணங்கள் எழும் என்ற வரிகள் அருமை..

வாழ்த்துகள் செல்வன்..

**aren** · 04-01-2006, 10:33 PM

அருமை செல்வன். அதுவும் கடைசி வரிகள் நிச்சயம் நரகம்தான். எனக்கு அந்த வேதனை கூடாது என்று சுயநலம் இருக்கிறது.அது நடக்குமா?

எனக்கு நொடிப்பொழுதில் மரணம் வரவேண்டும் என்பதே என் விருப்பம். அது நடந்தால் அனைவருக்கும் நன்மை. மற்றவர்களை கஷ்டப்படுத்திவிட்டு இறப்பது ஒரு நரக வேதனையே. அது எனக்கு வரக்கூடாது என்று நினைப்பது சுயநலமாக இருந்தாலும், எனக்கு அதில் விருப்பமே.

தொடருங்கள் செல்வன்.

நன்றி வணக்கம்
ஆரென்

**அறிஞர்** · 04-01-2006, 10:37 PM

பாரதி சொல்வது கேள்விகளால் பிறந்த கவிதை அருமை.

இளசு, ஆரெனின் விருப்பமே அனைவரின் விருப்பமும்... தங்களில் கடைசி வரி போல்.. தள்ளிப்போடாமல்..... எவருக்கு தொல்லையில்லாமல் செல்வதே என் விருப்பமும்.

**தாமரை** · 05-01-2006, 04:12 AM

மரணத்தின் பயத்தை போக்கவே மதங்கள் உன்டாகின. மனிதன் மரணத்தை வென்றுவிட்டால்.. மதங்கள் தோற்றுவிடும்

**மனோஜ்** · 10-05-2007, 09:33 AM

என்பதில்
http://www.tamilmantram.com/vb/showt...130#post204130

**ஆதவா** · 10-05-2007, 10:06 AM

இந்த கவிதை ஏதாவது சம்பந்தப் படுகிறதா? பாருங்களேன்..

**சுட்டிபையன்** · 10-05-2007, 01:02 PM

நிமிடத்திற்கு நிமிடம்
ஊதிய சிகரெட் போல்
ஊர்ச் சுடுகாட்டிலே
சாம்பலாய் போய்விடுமோ...?

போய்விடுவம் இதை இளமையில் யாருமே சிந்திப்பதில்லை, ஊழிக்கால்த்தில்தான் சிந்திப்பார்கள்
அருமையான கரு
அழகான கவிதை
பாராட்டுக்கள்

**ஷீ-நிசி** · 10-05-2007, 04:07 PM

எலும்புக் கூட்டை
பார்க்கும் போதெல்லாம்..
எழாத எண்ணங்கள்
எழ முடியாத போது தானே
எழுகின்றன..

ரசிப்பார்கள் என்று தெரிந்தேதான் சிவப்பு வர்ணமிட்டீர்களா செல்வன்... மிகவும் கவர்ந்தது என்னை இந்த வரிகள்.... மனம் ஒருநிலையில் இருந்தால்தான் இப்படியான வரிகள் உதிக்கும்.. அருமை நண்பரே!