செந்தமிழில் எண் கணிதம் - சொல்லாடல்கள்..!!

[பூமகள்]

பண்டைய தமிழர் காலத்தில் இருந்து வந்த எண்களை எப்படி தமிழில் அழைத்தார்களென ஒரு திருமண வாழ்த்து மடலில் கண்டேன்..

அதை இங்கு பகிர்ந்து கொள்கிறேன்.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

இலக்கம் - சொல்

1 - ஒன்று
3/4 - முக்கால்
1/2 - அரை கால்
1/4 - கால்
1/5 - நாலுமா
3/16 - மூன்று வீசம்
3/20 - மூன்றுமா
1/8 - அரைக்கால்
1/10 - இருமா
1/16 - மாகாணி(வீசம்)
1/20 - ஒருமா
3/64 - முக்கால்வீசம்
3/80 - முக்காணி
1/32 - அரைவீசம்
1/40 - அரைமா
1/64 - கால் வீசம்
1/80 - காணி
3/320 - அரைக்காணி முந்திரி
1/160 - அரைக்காணி
1/320 - முந்திரி
1/102400 - கீழ்முந்திரி
1/2150400 - இம்மி
1/23654400 - மும்மி
1/165580800 - அணு
1/1490227200 - குணம்
1/7451136000 - பந்தம்
1/44706816000 - பாகம்
1/312947712000 - விந்தம்
1/5320111104000 - நாகவிந்தம்
1/74481555456000 - சிந்தை
1/489631109120000 - கதிர்முனை
1/9585244364800000 - குரல்வளைப்படி
1/575114661888000000 - வெள்ளம்
1/57511466188800000000 - நுண்மணல்
1/2323824530227200000000 - தேர்த்துகள்

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

அளவைகள்

@ நீட்டலளவு

10 கோன் - 1 நுண்ணணு
10 நுண்ணணு - 1 அணு
8 அணு - 1 கதிர்த்துகள்
8 கதிர்த்துகள் - 1 துசும்பு
8 துசும்பு - 1 மயிர்நுணி
8 மயிர்நுணி - 1 நுண்மணல்
8 நுண்மணல் - 1 சிறுகடுகு
8 சிறுகடுகு - 1 எள்
8 எள் - 1 நெல்
8 நெல் - 1 விரல்
12 விரல் - 1 சாண்
2 சாண் - 1 முழம்
4 முழம் - 1 பாகம்
6000 பாகம் - 1 காதம்(1200 கெசம்)
4 காதம் - 1 யோசனை

@ பொன்நிறுத்தல்

4 நெல் எடை - 1 குன்றிமணி
2 குன்றிமணி - 1 மஞ்சாடி
2 மஞ்சாடி - 1 பணவெடை
5 பணவெடை - 1 கழஞ்சு
8 பணவெடை - 1 வராகனெடை
4 கழஞ்சு - 1 கஃசு
4 கஃசு - 1 பலம்

@ பண்டங்கள் நிறுத்தல்

32 குன்றிமணி - 1 வராகனெடை
10 வராகனெடை - 1 பலம்
40 பலம் - 1 வீசை
6 வீசை - 1 தூலாம்
8 வீசை - 1 மணங்கு
20 மணங்கு - 1 பாரம்

@ முகத்தல் அளவு

5 செவிடு - 1 ஆழாக்கு
2 ஆழாக்கு - 1 உழக்கு
2 உழக்கு - 1 உரி
2 உரி - 1 படி
8 படி - 1 மரக்கால்
2 குறுணி - 1 பதக்கு
2 பதக்கு - 1 தூணி

@ பெய்தல் அளவு

300 நெல் - 1 செவிடு
5 செவிடு - 1 ஆழாக்கு
2 ஆழாக்கு - 1 உழக்கு
2 உழக்கு - 1 உரி
2 உரி - 1 படி
8 படி - 1 மரக்கால்
2 குறுணி - 1 பதக்கு
2 பதக்கு - 1 தூணி
5 மரக்கால் - 1 பறை
80 பறை - 1 கரிசை
48 96 படி - 1 கலம்
120 படி - 1 பொதி

[rajatemp]

ஆச்சரியம் அதிசயம்
தமிழன் பயன்படுத்தாதும் உண்டோ
தொடர்ந்து வழங்குங்கள்
நன்றி பூமகள்

[மதி]

இவ்வளவும் இருக்கா...????
பதித்தமைக்கு நன்றி..பூமகள்!

[பூமகள்]

நன்றிகள் ராஜேந்திரன் அவர்களே..
எனக்கு கிடைப்பவற்றை நிச்சயம் பகிர்கிறேன்..!!
முதல் பின்னூட்டமிட்டு ஊக்குவித்தமைக்கு நன்றிகள்..!

[பூமகள்]

நன்றி மதி...

இன்னும் கூட இருக்கலாம்.. மன்ற தமிழ் சான்றோர் வந்து சொல்வார்களென நினைக்கிறேன்..

நமக்கு தெரிஞ்சதை எல்லாம் கொடுத்தாச்சுங்க...!!

[shibly591]

நன்றி தங்கையே....

இதை எனது கோப்பில் இடப்போகிறேன்...

அனுமதி தர முடியுமா..?

[பூமகள்]

மன்றத்தின் பதிவுகள் அனைவருக்கும் சொந்தமே...!! எதற்காக அனுமதி எல்லாம்??
தாராளமாக எடுத்துக் கொள்ளுங்கள் ஷிப்லி அண்ணா...!

தவறுகள் இருப்பின் சுட்டியும் காட்டுங்கள்.

[பாரதி]

மிக நல்ல பதிவு பூ!

எத்தனை அளவு முறைகளை நடைமுறையில் இழந்திருக்கிறோம்..??
இதில் உள்ளவற்றில் நான் கேட்டவை மிகச்சிலவே...

முகத்தல் அளவிற்கும் பெய்தல் அளவிற்கும் உள்ள வேறுபாடு என்ன என கூற முடியுமா...?

கஃசு என்பதுதான் காசு ஆனதா..?

அறிந்ததை அறியத்தந்தமைக்கு மிக்க நன்றி பூ.

[பென்ஸ்]

வீட்டில் அரிசி அல்லது அவல் அளக்கும் போது உளக்கு அல்லது படியில் அளப்பார்கள்...
நெல் அளக்கும் போது அது மரக்கால் (மரைக்கால் என்று சொல்லுவாங்க) வைத்து அளப்பார்கள்...
அதுவே நெல்லை கட்டு வைக்க வேண்டி "பறை அளவுக்கு நார் பெட்டி செய்து கட்டுவார்கள்....
நிலத்தின் அளவை கூட ஏக்கருக்கு பதிலாக இன்றும் "மரைக்கால் விதைபாடு" என்ற அளவில் சொல்லுவார்கள்....

குன்றுமணி அளவுக்கு.... என்றும்
பாம்படங்களை "கழஞ்சு" அளவால் சொல்லுவதும் இன்னும் நியாபகம் இருக்கு...

[அக்னி]

இவ்வளவு நுணுக்கமாக பண்டைய தமிழனின் கணித அறிவு இருந்துள்ளமை வியப்புக்குரியதே...
கணனி, கணினி என்பவற்றின் வரவுகள், மனித மூளையை எவ்வளவிற்கு மழுங்கடிக்க வைக்கின்றன என்பதற்கு இந்த அளவைகளே சாட்சி.
அனைத்தையும் அறிந்த, பயன்படுத்திய தமிழன், இன்று இரவல் வாங்கி வாழ்வது வேதனைக்குரிய விடயமானாலும், தவிர்க்க முடியாததாகிவிட்டது.

பகிர்தலுக்கு நன்றி பூமகள்...

[ராஜா]

நன்றி பூ..!

தமிழ் தவிர வேறு எந்த மொழியிலும், இவ்வளவு அளவைக்கூறுகள் இருக்குமா என்பது ஐயமே..

அவ்வளவு நுண்மைத்திறம் படைத்த தமிழன் இப்போது எங்கே..?

[ராஜா]

முகத்தல் அளவிற்கும் பெய்தல் அளவிற்கும் உள்ள வேறுபாடு என்ன என கூற முடியுமா...?

முகத்தல்:- பால், மோர், நெய் போன்ற நீரியல் பொருளை உழக்கு படிகளால் மொண்டு எடுத்து அளப்பது முகத்தலளவை ஆகும்.

பெய்தல்:- நெல் முதலியவற்றை படி, மரக்கால்களில் சொரிந்து அளப்பது பெய்தலளவை ஆகும்.