என் முரட்டுக் குரல்

[நாகரா]

நான்
உரக்கத் தான் பேசுகிறேன்

என்றாலும்
அந்த வார்த்தைகளால்
காதுகளைச் சுற்றிலும்
எழுப்பப்பட்ட
இருப்புச் சுவர்களைத்
தகர்க்க முடிவதில்லை

இருந்தாலும்
முட்டி மோதிச்
சிதையும் என் வார்த்தைகள்
அவற்றைத் தகர்க்கும் முயற்சியைக்
கை விடுவதில்லை

கரை மீறிப் பொங்கும்
அலைகளைப் போல
என் வார்த்தைகளும்
சுவர்களை மீறிக்
காதுகளில் பாயும்

செவிப் பறைகளின்
முழக்கத்தில்
நெற்றிகள் விழிக்கும்

முரட்டு அலைகளின் மீது
சத்தியம்

[arsvasan16]

நண்பரே உங்கள் முழக்கம் செவிப்பறை கிழிக்கிறதோ இல்லையோ...

மன அழுத்தத்தின் வெளிப்பாட்டை நன்றாக புரிய வைத்தது...

நீங்கள் உரக்கவே பேசுங்கள் அதுவும் நல்லது தான்...

என்றும் அன்புடன்...
உங்கள் நண்பன்.