பிரபஞ்ச பிரயாசை

[பூமகள்]

பூலோகம் தாண்டி
ஓசோன்
ஓட்டை வழியே..
பிரபஞ்சம்
பார்க்கிறேன்...

சொல்லவொண்ணா
எண்ணச்சிதறல்களாய்
நட்சத்திரங்கள்.. - விண்வெளியில்
சிறு துகளின் துகளாய்
மானுடம்..

உலகிற்கு உரைக்கப்படாத
நம் நேசத்தைப் போலவே..
உணரப்படாத உன்னத உண்மைகள்
ஊழியின் கையில்
பிரபஞ்ச மிச்சங்களாய்...!

[சிவா.ஜி]

துகள்களின் துகள்கள்தானே அகல..அகல...கால் பரப்பி அண்டத்தை ஆள ஆசைப்படுகிறது. அதைப்பார்த்து அண்டம் புன்முறுவல் பூக்கிறது...பாவம் இந்த துகள்கள்.. பிரபஞ்ச மிச்சங்கள் சொல்லும் கோடானு கோடி உண்மைகளில் ஒன்றையாவது,என்றைக்கு மானிடன் அறிந்து கொள்கிறானோ அன்று இந்த அண்டம் சொல்லும்...அட...!
உயர்ந்த சிந்தனை பூமகள். வாழ்த்துக்கள்.

[பூமகள்]

துகள்களின் துகள்கள்தானே அகல..அகல...கால் பரப்பி அண்டத்தை ஆள ஆசைப்படுகிறது. அதைப்பார்த்து அண்டம் புன்முறுவல் பூக்கிறது...பாவம் இந்த துகள்கள்.. பிரபஞ்ச மிச்சங்கள் சொல்லும் கோடானு கோடி உண்மைகளில் ஒன்றையாவது,என்றைக்கு மானிடன் அறிந்து கொள்கிறானோ அன்று இந்த அண்டம் சொல்லும்...அட...!
உயர்ந்த சிந்தனை பூமகள். வாழ்த்துக்கள்.

நன்றிகள் சகோதரரே...!
மானுடம் அறியா பல விடயங்கள் அண்டத்தாயின் கருவறையில்! அறிந்துவிட துடிக்கும் ஆவலில் மனிதனின் வாழ்வு கரையும்...!

[ஓவியன்]

உணரப் படாத
உண்மைகள் ஊழியின்
கைகளில் மட்டுமல்ல
எம் சமூகத்தின்
பார்வையிலும் தான்......

உறைக்காது உணராதவரை
மன்னித்து விடலாம்
ஆனால்.....
நன்றே உறைத்தும்
உணராதது போல்
நடிப்போரை என்ன செய்ய?

ஓசோனின் துளை வழி பிரபஞ்சம் நோக்கும் உங்கள் கற்பனையில் எனை இழந்தேன் - பாராட்டுக்கள் பூமகள்!.

[பூமகள்]

உணரப் படாத
உண்மைகள் ஊழியின்
கைகளில் மட்டுமல்ல
எம் சமூகத்தின்
பார்வையிலும் தான்......

உறைக்காது உணராதவரை
மன்னித்து விடலாம்
ஆனால்.....
நன்றே உறைத்தும்
உணராதது போல்
நடிப்போரை என்ன செய்ய?

ஓசோனின் துளை வழி பிரபஞ்சம் நோக்கும் உங்கள் கற்பனையில் எனை இழந்தேன் - பாராட்டுக்கள் பூமகள்!.

அருமையாக உமது ஆதங்கத்தை கவித்துவத்தோடு இயம்புனீர்கள். பாராட்டுதலுக்கு நன்றி தோழரே...! தொடரட்டும் உமது சாதனைகள்...!

[அமரன்]

ஒரு கவிதையில் இரு கருத்துகளை புதைத்துள்ளார் பூமகள்.

உலகிற்கு உரைக்கப்படாத
நம் நேசத்தைப் போலவே..

புடவையில் என்னதான் வர்ணங்கள் இருந்தாலும் ஜரிகை (பார்டரை புடவையில் எப்படி சொல்வது என்று தெரியாதே) எடுப்பாக இருக்கவேண்டும். அதுபோல இங்கே மானுடம் பரந்த புடவையாக ஜரிகையாக காதல். பாராட்டுக்கள் பூமகள். தொடருங்கள்.
ஓவியரே..பின்னுகின்றீர்.


உன்னில் என்னை
காண்பாயா..?
காதலிக்க மட்டுமல்ல
மானுடமும் பெருக்க.

[இனியவள்]

பூமகளின் கவிதையும்
அதற்கு பின்னூட்டமாய் வந்த
ஓவியரின் பதில் கவிதையும் அருமை
வாழ்த்துக்கள் இருவருக்கும்

[aren]

புது உறுப்பினர்
பூமகள்
புதுமைப்பெண்ணாக
அசத்துக்கிறார்
அதற்கு
ஓவியனின்
பின்னுட்டம்
மெருகேற்றுகின்றது.

பாராட்டுக்கள்.

நன்றி வணக்கம்
ஆரென்

[இதயம்]

நம் மன்றத்தின் கவிமகளாக வருகை தந்த பூமகளின் கவிதைகள் மனதை கொள்ளை கொள்கின்றன. குறிப்பாக இந்த கவிதையில் அண்டவெளி அறிவியலும், மானுட தத்துவமும் சொன்ன பூமகளுக்கு பாராட்டு மாலைகள்..!

[ஓவியா]

அருமையான எண்ணம், காவிதை சிந்தனையை ஓஷோனுடன் இணைத்து பார்பதர்க்கே திறமைகள் பல வேண்டும். பாராட்டுக்கள்.

[இலக்கியன்]

புதுமையாக கவிதைகள் படைக்கும் பூமகளுக்கு வாழ்த்துக்கள்

[அக்னி]

பிரபஞ்சம் ஓர் நாள்
வெல்லப்படலாம்...
ஆனால், அன்று...
மானுடம் பஞ்சமாக,
தேடலாய் போய்விடுமோ...
இன்று இங்கிருந்து தேடல்.
நாளை அங்கிருந்து நாடல்.
தொடரும்... என்றும்...
இன்று, நேசம் உணராவிட்டால்...

பாராட்டுக்கள் பூமகள்...
புதுமையான பார்வையில் விரியும் பூவாக உங்கள் வரிகள்...