புலம்பித் தவிக்கின்றது

[இனியவள்]

வெளிச்சத்துக்குள் இருட்டைத்
தேடுகின்றாய் குருடனாய்...

கடலில் நீராய் கரைந்தவனை
தேடுகின்றாய் கானலாய் போனதை
அறியாமல்....

அறிந்தும் அறியாமலும்
தெரிந்தும் தெரியாமலும்
புரிந்தும் புரியாமலும்
இருக்கின்றாய் உனக்குள்
அவன் அணுஅணுவாய்
கலந்து விட்டதை....

பட்டுப் போன மரத்தை
துளிர்விக்கப் பார்க்கின்றாய்
உன் கண்ணீரால் உரம்பாய்ச்சி...

சொர்க்கமாய் இருந்த அன்னையின்
அரவணைப்பு இன்று அனலாய்
சுடுகின்றது உன் இதயத்தில் இருந்தவன்
விலகிச் சென்றதும்...

விலகிச் சென்றது விலகியதாகவே
இருக்கட்டும் மூளை சொல்கின்றது...

விலகியது என் உடலவையம் இல்லையே
உயிரல்லவா இதயம் புலம்பித் தவிக்கின்றது
இதயம் இல்லாதவனை நேசித்ததால்......

[வெண்தாமரை]

எனது தோழியை நினைவு படுத்துகிறது.. வாழ்த்துக்கள்.. உணர்ச்சிகள் இன்னும் இருக்கின்றனவே..

[அமரன்]

காதல் கவிதைகளில் என்னைக் கவரும் விடயம் உவமான உவமேயங்கள். எப்படி எழுதினாலும் அள்ள அள்ள வற்றாத ஊற்றுக்கிணறு போன்றவை காதல் கவிதைகள். ஆனால் எழுதுவது கடினமானது. இனியவள் தொடர்ந்து கலக்குறாங்க...தொடருங்கள் . பாராட்டுக்கள்.

[இளசு]

கந்தக ஜீவநதியா − காதல்
இழந்த பெண் மனது?

தகிக்கிறது...

மனச்சூடு ஆறுமா − மங்கை
மனம் தேறுமா?

எதிர்காலம் இனி அவளுக்கு?

தவிக்கிறது!


பாராட்டுகள் இனிய*வளுக்கு!

[இனியவள்]

எனது தோழியை நினைவு படுத்துகிறது.. வாழ்த்துக்கள்.. உணர்ச்சிகள் இன்னும் இருக்கின்றனவே..

நன்றி தோழியே

[இனியவள்]

காதல் கவிதைகளில் என்னைக் கவரும் விடயம் உவமான உவமேயங்கள். எப்படி எழுதினாலும் அள்ள அள்ள வற்றாத ஊற்றுக்கிணறு போன்றவை காதல் கவிதைகள். ஆனால் எழுதுவது கடினமானது. இனியவள் தொடர்ந்து கலக்குறாங்க...தொடருங்கள் . பாராட்டுக்கள்.

நன்றி அமர்

[இனியவள்]

கந்தக ஜீவநதியா − காதல்
இழந்த பெண் மனது?
தகிக்கிறது...
மனச்சூடு ஆறுமா − மங்கை
மனம் தேறுமா?
எதிர்காலம் இனி அவளுக்கு?
தவிக்கிறது!
பாராட்டுகள் இனிய*வளுக்கு!

நன்றி இளசு அண்ணா

[aren]

இதயம் இல்லாதவனை நேசித்தால் புலம்பி தவிக்கத்தானே வேன்டும். ஆனால் கவலைவேன்டாம், நிச்சயம் துளிர்க்கும், உன் மேல் காதல் ஒருவனிடம் துளிர்க்கும், அதுவரை மனம் தளராதே. வாழ்த்துக்கள்.

[விகடன்]

காதல் கவிதை விறப்பாக வடித்துள்ளீர்கள். உவமனானங்களின் பிரயோகம் தாராளமாக காணப்படுகிறது நண்பர்கள் கூரியது போல.

கடலில் நீராய் கரைந்தவனை
தேடுகின்றாய் கானலாய் போனதை
அறியாமல்....

இந்த வரியில் கடலோடு கரந்தவன் என்று சொல்லியிருக்கிறீர்கள். தொடர்ந்தே கானல் நீராக என்றும் சொல்லியிருக்கிறீர்கள். இரண்டுமாக எப்படி முடியும்.?

கடல் நீர் கண்ணில் புலப்படும். ஆனால் கானல் நீரோ????

[சிவா.ஜி]

இன்னுமொரு காதல் கவிதை சுவையுடன். பாராட்டுக்கள் இனியவள்.