மறுத்தேன்

[இனியவள்]

நிலவு என்று
சொல்ல மறுத்தேன்
தேய்ந்தும் வளர்ந்தும்
வருவதால்....

வானம் போன்ற எம்
காதல் எல்லையற்றது
கண்கள் கொண்டு
அளக்க முற்படாதே...

கனவில் கூட உன்னைக்
காண மறுத்தேன்
கண்விழித்தால் நீ
கலைந்து போவதால்...

[அமரன்]

நிலவு..வானம்
எழுதாத கவி இல்லை
எழுத எழுதக குறையவுமில்லை.
ஒவ்வொரு தடவையும்
புதிதாக தெரிகிறது−புதிது
புதிதாகவும் தோன்றுகிறது...

நிலவை பார்க்கையில்
நிரந்தமில்லாதிருக்கிறது..காதல்
வானத்தை பார்க்கையில்
நிறைந்திருக்கிறது....காதல்

காதல் புதிர் மட்டுமல்ல
முரண் தொடர் கூட..

கனவில் பார்த்தால்
முற்றுப்பெறாது...காதல்
கவிகூட அப்படித்தான்
தோன்றுகிறது...

பாராட்டுக்கள் இனியவள்.

[ஓவியன்]

நிலவு!
வானம்!
தேவதை!
இவையில்லாமல்
கவி எழுது
என்றாள்!
எழுதினேன்
ஓர் கவிதையை
அவள் பெயராக............!

[அமரன்]

நிலவு!
வானம்!
தேவதை!
இவையில்லாமல்
கவி எழுது
என்றாள்!
எழுதினேன்
ஓர் க*விதையை
அவ*ள் பெய*ராய்............!

வர்ணங்கள் தொலைந்த காரணம் புரிந்தது.
நிலவும் நீ(அன்று அமாவசை. தெரியவில்லையே உமக்கு)
தே வதையும் நீ
வானரம் நீ.

சொல்லாமல் சொன்னால்
திருடித்தான் செல்வாள்.
வர்ணங்களை...
இன்று எழுதியதுபோல்
அன்றும் எழுதி இருக்கலாம்..

[ஷீ-நிசி]

மூன்றுமே மூன்று குறுங்கவிகள்.. வாழ்த்துக்கள்!

[ஓவியன்]

சொல்லாமல் சொன்னால்
திருடித்தான் செல்வாள்.
வர்ணங்களை...இன்று எழுதியதுபோல்
அன்றும் எழுதி இருக்கலாம்..

சொல்லித் தெரிவதா
காதல்?
சொல்லாமல்
அள்ளிப் போவதும்
காதல் தானே?

தன்னுடையது
என உரிமையில் தானே
அள்ளிப் போனாள்!
நான் அவளாகி
அவள் நானான பின்
எல்லாம் அவளதே
எல்லாம் என்னுடையதே.....!

[அமரன்]

அள்ளிப்போவதல்ல..
அள்ளிப்பருகுவது காதல்.
சொல்லித்தெரிவதே காதல்-பலர்
சொல்லித் தெளிவதே வாழ்க்கை.


தன்னுடையவன்
என நினைத்தால்
எடுத்துச் செல்லாள்..
விட்டுச் செல்வாள்
உடைமைகளை.

[சிவா.ஜி]

டம்..டம்..டம்... இதனால் சகலோருக்கும் தெரியப்படுத்துவது என்னவென்றால்.... இனியவள் என்பவரால் பரப்பப்பட்ட காதல் வைரஸ் எங்கெங்கும் வெகு வேகமாக பரவி வருகிறது. பாதிக்கப்பட்ட இளைஞர்கள்
அமரனும்,ஓவியனும் இப்போது பாவம் காதல் காதல் என்று அனத்திக்கொண்டிருக்கிறார்கள். எனவே நன்பர்களே எச்சரிக்கையாக இரூங்கள். இனியவள் நிலவையும்,வானத்தையும் துணைக்கு வைத்துக்கொண்டு இந்த காரியத்தை செய்து வருகிறார். வைரஸ் மிக அழகாக வேறு இருக்கிறது.ஜாக்கிரதை.

[இனியவள்]

நன்றி அமர்

பதில் கவிதை அருமை அமர் வாழ்த்துக்கள்

கவிதை என்னும்
சுரபியில் அமுதம்
போன்றவை நிலவும் வானமும்
அள்ள அள்ள குறையாதது
போல் எழுத எழுத
குறையாது சுவைகளையும்
அள்ளி வழங்கிச் செல்கின்றது....

நிரந்தரமற்ற எம்மில்
நிரந்தரமானவை காதல்
மட்டுமே....

[அமரன்]

என்ன சிவா இப்படிச் சொலிட்டீங்க...காதல் கவிதைகள் எனக்கு சிக்குவதில்லை...சும்மா ஒரு ட்ரெயிலர் பார்கிறேன். வரவேற்பைப் பார்த்து படமே போட்டுடுவேன்..அத*ற்கான* முய*ற்சி இது..

[இனியவள்]

நிலவு!
வானம்!
தேவதை!
இவையில்லாமல்
கவி எழுது
என்றாள்!
எழுதினேன்
ஓர் கவிதையை
அவள் பெயராக............!

கண்மூடி கவிதையெழுது
என்றாய் கண்னை மூடினே
அருவியாய் கொட்டிக் கொண்டிருந்தாய்
உன் சிரிப்பை ஆம் எழுதினேன்
கவிதை நிலவு சிரிக்கின்றது

[அமரன்]

நிரந்தரமற்ற எம்மில்
நிரந்தரமானவை காதல்
மட்டுமே....

தரமற்றது.
நிரந்தரமாயின்
நிறந்தருமா..




Currently Active Users Viewing This Thread: 5 (5 members and 0 guests)
அமரன், இனியவள்+, சிவா.ஜி, விராடன்+, ஓவியன்+
என்ன நடக்குதிங்கே...