தமிழில் நேரடி தட்டச்சு அறிமுகம்

[இராசகுமாரன்]

நண்பர்களே,

இன்று முதல் நேரடியாக தமிழில் தட்டச்சு செய்யும் முறை இங்கே பரிசோதித்துப் பார்க்கப் படுகிறது.

இது புதிய திரிகள் துவங்கும் போதும் (Post Thread), பின்னூட்டம் இடும் போதும் (Post Reply), அவசர பின்னூட்டம் (quick reply) மற்றும் தனிமடல்களில் (PM) தட்டச்சு செய்யும் பெட்டியின் மேல் Phonetic Keyboard/English Keyboard என்று தோன்றும்.

இந்த வசதி மூலம் இ−கலப்பை இல்லாத இடங்களிலிருந்தும் நமது தளத்தில் நேரடியாகவே தமிழில் தட்டச்சு செய்து பதிக்கலாம்.

மேலும், இந்த வசதி விண்டோஸ்98, விண்டோஸ்Me போன்ற பழைய ஆப்ரேட்டிங்க் சிஸ்டங்களிலும் வேலை செய்யும்.

இதில் இன்னும் சில குறைபாடுகள் உள்ளன, அவற்றை களைய முயற்சி செய்து கொண்டு தான் இருக்கிறோம், இருந்தாலும் அவை என்னென்ன என்று உங்களுக்கு இங்கே தெரிவித்து விடுகிறோம்.

கண்டு பிடிக்கப் பட்டுள்ள குறைபாடுகள் பின்வருமாறு:

1) உலாவிகளில் IE6, IE7, Firefox-ல் நன்றாக வெலை செய்கிறது. Opera-வில் வேலை செய்யவில்லை. Safari-யில் சோதிக்கவில்லை.

2) IE/WinOS உபயோகிப்பவர்களில் (சிலருக்கு மட்டும்) வெற்றிடங்களில், மற்றும் 'a' என முடியும் தமிழ் எழுத்துக்களில் * எனும் நட்சத்திரக் குறிகள் வருகின்றன.

3) அதிக வரிகள் தட்டச்சு செய்யும் போது ScrollBar தானாக கீழே செல்வது கிடையாது.

4) இது பெரிய பெட்டிகளில் மட்டுமே (TextArea Box) வேலை செய்யும், ஒரு வரி பதிக்கும் Title ஏரியா போன்ற இடங்களில் வேலை செய்யாது. அதனால், பெரிய பெட்டியில் தட்டச்சு செய்து அதை நகலெடுத்து Title போன்ற ஒரு வரி பகுதிகளில் பதிக்கலாம்.

5) Quote செய்து பதிக்கும் போது துவக்கத்தில் (Quote-க்கு மேல் பகுதியில்) பதிக்க முடியாது, அதன் கீழே தான் பதிக்க வேண்டும். மேலே பதித்தால் அது Editor Toolbar-ரினுள் பதிகிறது.

6) Quote செய்து பதிக்கும் போது அல்லது முன்பு தமிழ் தட்டச்சு செய்தவற்றுடன் மேலும் தொடரும் போது கடைசியாக ஆங்கில எழுத்துக்கள் இருந்தால், அவையும் தமிழ் எழுத்துக்களாக மாற்றுகிறது.

இதற்கு முதலில் ஆங்கில விசைப் பலகைக்கு மாறி, சிறிது இடைவெளி விட்டு பிறகு தமிழ் தட்டச்சுக்கு மாறி பிறகு தட்டச்சு செய்யவும்.

[paarthiban]

எனக்கு ஒரே மகிழ்ச்சி. ஆஹா நல்லா வேலை செய்கிறதே. நன்றி நிர்வாகி அவர்களே. பிரவுசிங் சென்ட்டர்களில் மிகவும் உதவும் ஐயா.

[சூரியன்]

இது மிகவும் உயயோகமாக உள்ளது.புதியவர்களுக்கு இது மிகவும் பயன்படும்.

[ஷீ-நிசி]

மிகவும் வரவேற்கத்தக்க முயற்சி.. இது.. அருமை அருமை.. இகலப்பையே தேவையில்லை.... அருமை அருமை

[ஷீ-நிசி]

நான் AVENT BROWSER உபயோகிக்கிறேன்... நன்றாகவே வேலை செய்கிறது.

[அமரன்]

தலைவரே எனக்கு இது மிகவும் பயனுள்ளது. பிரான்சில் உள்ள எனது தட்டச்சுப்பிரச்சினை நீங்கள் அறிந்ததே. இப்போ எனக்கு தட்டச்சுவதில் பிரச்சினை இல்லை. அதிகம் சந்தோசப்படுபவன் நானாகத்தான் இருக்கும். நன்றி.

[ஆதவா]

துரித பதில் (quick reply) யில் அதிகமாக அடித்தால் * வருகிறதே..... அது பிரச்சனையாகிறது...

[மனோஜ்]

நான் உபயோகிப்பது 30 நாள் இ கலப்பை அதனால் தேதியை மாற்றி மாற்றி வைத்து தான் உயோகித்து வருகிறோன் இனி அது வேண்டி வராது என்று நினைக்கிறொன் நன்றி அண்ணா

[praveen]

சோதனை தட்டச்சு safari browser for windoந்ச்லிருந்து.
(நான் வின்டோஸ்2000−ல் புது முயற்சியாக சபாரி பதிவிறக்கம் செய்து இதை பதிந்து பார்க்கிறேன்.)

[praveen]

சோதனை தட்டச்சு safari browser for windoந்ச்லிருந்து.
(நான் வின்டோஸ்2000−ல் புது முயற்சியாக சபாரி பதிவிறக்கம் செய்து இதை பதிந்து பார்க்கிறேன்.)

சபாரி பிரவுசரில் சோதனை செய்து பார்க்கவில்லை என்று நிர்வாகி குறிப்பிட்டிருந்தார், அந்த குறை இருக்க வேண்டாம் என்று நான் முயன்று பார்த்தேன். இனையத்தில் தேடிய போது, அது மேக் ஓஎஸ் க்கானது என்று தெரிய வந்தது, தற்போது விண்டோஸ் எக்ஸ்பி மற்றும் விஸ்டாவிற்கும் என்று ஒரு பீட்டா பதிப்பு வெளியிட்டிருக்கிறார்கள்.

அதை பதிவிறக்கம் செய்து நான் தற்போது உலாவும் 2000 (சர்வீஸ் பேக்4) உள்ள கணினியில் பதிந்து இயக்கி பார்த்தேன். யுனிகோடில் உள்ள எழுத்துக்கள் சரியாக வரவில்லை, என்கோடிங்க் மாற்றினாலும் அது டிபால்ட் என்பதிலே தான் இருக்கிறது. சரி குழம்பிய இந்த நிலையிலே பதிந்து பார்ப்போம் என்று பதிந்து பார்த்தது தான் மேலே உள்ளது, சரியாகத்தான் வந்திருக்கிறது. நான் இதனி எக்ஸ்பியிலும் பதிந்து முயற்சித்து பார்க்கிறேன்.

[அக்னி]

மன்றம் மேம்படுத்தப்படுவது சந்தோஷமாக உள்ளது.
விரைவில் குறைகள் களையப்பட்டு, இன்னும் பொலிவு பெற வேண்டும் என்று வாழ்த்துகின்றேன்.
மேம்படுத்தும் நிர்வாகி அவர்களுக்கு, நன்றிகள்...

ஆனாலும், திஸ்கி பதிவுகளும் மன்றத்தில் இருப்பதால், தற்போதைக்கு மாற்றியை அகற்றிவிட வேண்டாம் என்று கோரிக்கை வைக்கின்றேன்...

[வெற்றி]

சோதனை பதிப்பு: ஆஹா அருமையாக எளிதாக இருக்கிறது...