நாவிடம் பாவிடம்

[கீதம்]

(மக்களே... பயந்துவிடாதீர்கள். கவிதைப் பட்டறையில் தட்டி செம்மைப்படுத்துவதற்காகவே இக்கவிதை(?)

எவரும் படித்தால் எளிதில் புரியும் என்று நினைக்கிறேன். புரியவில்லையெனில் விளக்கம் பிறகு தருகிறேன்.)

*****************

நாவிடம் பாவிடம்

விதைப்பை உருவிடம் வரப்பை உறைவிடம்
கருப்பை வாழ்விடம் உடைப்பைச் சூழ்விடம்
அகப்பை வழிவிடம் இரைப்பை நிறைவிடம்
படிப்பை அறிவிடம் பகுப்பை உணர்விடம்
இருப்பை அறிவிடம் இயல்பை உணர்விடம்!

மசிப்பைத் துளிவிடம் வனப்பைப் பொழிவிடம்
கனிப்பை வடிவிடம் முகப்பைக் கனிவிடம்
விழிப்பைக் கருவிடம் இமைப்பைக் கனவிடம்
அகப்பை உறைவிடம் வதைப்பை உணர்விடம்
இனிப்பைத் தருவிடம் இனிப்பைத் திருவிடம்!

மணப்பை பூவிடம் மனப்பை மகிழ்விடம்
நகைப்பை மனைவிடம் களிப்பை மகவிடம்
மிதப்பைத் தருவிடம் மதிப்பைச் சரிவிடம்
பணப்பை அசைவிடம் பழிப்பை அழைவிடம்
பிழைப்பை நுழைவிடம் தலைப்பை சுழிவிடம்!

புகைப்பை நுழைவிடம் நுரைப்பைத் தீவிடம்
மதுப்பை பூவிடம் இரைப்பை மதுவிடம்
இருப்பைப் பாய்விடம் இருப்பைத் தேய்விடம்
அரிப்பை குறைவிடம் குடற்பை அரிவிடம்
அகப்பை அயர்விடம் இறப்பை உணர்விடம்!

உயிர்ப்பை நோவிடம் உடற்பை சாவிடம்
சிதைப்பை எருவிடம் சதைப்பை கழிவிடம்
நெருப்பைச் சேர்விடம் கரிப்பை முடிவிடம்
கலப்பை வாழ்விடம் உழைப்பைச் சூழ்விடம்
விதைப்பை உருவிடம் வரப்பை உறைவிடம்!

[பிரேம்]

பரவா இல்ல க்கா..ஒரு சில வரி நல்லாவே புரியுது...
ஆமா இது நீங்களே எழுதினதா..? (ஆஹா..தப்பா கேட்டுட்டேனோ..!)

[செல்வா]

வாழ்க்கை ஒரு வட்டண்டா...

கரு உருவாவதில் இருந்து சிதையாகி மீண்டும் கருவாகும் வரை என்பது என் சிற்றறிவுக்குப் பனிபடலம்போல் புரிகிறது.

வார்த்தைக்கு வார்த்தை பொருள் விளங்கிக் கொள்ளுமளவு நான் இன்னும் வளரவில்லை...


ஆமா இதுக்கு தலைப்பு நாவிடம் - பாவிடம் னு இருக்கே... ஏன்.

அப்புறமா ஆற அமர மறுபடியும் படிச்சுப் பாக்குறேன். இப்போ அலுவலில்... :(

தமிழாசான்களுக்காகக் காத்திருக்கிறேன்.

[முரளிராஜா]

சத்தியமா புரியல கீதம் அவர்களே
என் நண்பன்ட்ட படிச்சி கான்பித்தேன் அதுக்கு அவன் எனக்கு சொன்ன பதில்
மச்சான் உடம்ப பாத்துக்க, நல்ல டாக்டரா போய் பாரு

[பிரேம்]

சத்தியமா புரியல கீதம் அவர்களே
என் நண்பன்ட்ட படிச்சி கான்பித்தேன் அதுக்கு அவன் எனக்கு சொன்ன பதில்
மச்சான் உடம்ப பாத்துக்க, நல்ல டாக்டரா போய் பாரு

கரீட்டாதான்..சொல்லி இருக்காரு..லேட் பண்ணிடாதிங்க..

[முரளிராஜா]

பரவா இல்ல க்கா..ஒரு சில வரி நல்லாவே புரியுது...
ஆமா இது நீங்களே எழுதினதா..? (ஆஹா..தப்பா கேட்டுட்டேனோ..!)

யாரோ சித்தர் எழுதினதுன்னு நினைக்கிறேன்

[ஆதவா]

சத்தியமா புரியல கீதம் அவர்களே
என் நண்பன்ட்ட படிச்சி கான்பித்தேன் அதுக்கு அவன் எனக்கு சொன்ன பதில்
மச்சான் உடம்ப பாத்துக்க, நல்ல டாக்டரா போய் பாரு

தலைப்பு பாத்தீங்களா?? நா+விடம்... பா+விடம். (விடம் - விஷம்)

தலைதெறிக்க ஓடறீங்களா???

[கீதம்]

யாரோ எழுதியதையெல்லாம் தட்டி செம்மைப்படுத்துங்கன்னு உரிமையோடு தர முடியுமா? நான் எழுதியதுதான். தைரியமாப் படிங்க. எழுதின நானே இன்னும் டாக்டரைப் பார்க்கும் நிலைமைக்கு வரலை.

[முரளிராஜா]

யாரோ எழுதியதையெல்லாம் தட்டி செம்மைப்படுத்துங்கன்னு உரிமையோடு தர முடியுமா? நான் எழுதியதுதான். தைரியமாப் படிங்க. எழுதின நானே இன்னும் டாக்டரைப் பார்க்கும் நிலைமைக்கு வரலை.

இத எங்க தைரியமா படிக்கறது?
எச்சரிக்கை என்கிற தலைப்பில் எங்க எல்லோரையும் குழப்பினிங்க
அடுத்து இப்ப, எனக்கென்னமோ நீங்க சீக்கிரம் டாக்டரை பாக்கறது நல்லது
வெய்யில் காலம் வேற ஆரம்பம் ஆயிடுச்சி. நாங்க தமிழ் மன்றத்துக்கு
அப்பப்ப வரனும் இத மனசுல வச்சுக்குங்க

[கீதம்]

இத எங்க தைரியமா படிக்கறது?
எச்சரிக்கை என்கிற தலைப்பில் எங்க எல்லோரையும் குழப்பினிங்க
அடுத்து இப்ப, எனக்கென்னமோ நீங்க சீக்கிரம் டாக்டரை பாக்கறது நல்லது
வெய்யில் காலம் வேற ஆரம்பம் ஆயிடுச்சி. நாங்க தமிழ் மன்றத்துக்கு
அப்பப்ப வரனும் இத மனசுல வச்சுக்குங்க

ராணாக்கள் பண்ணுகிற அட்டகாசத்தை விடவா என் அட்டகாசம் பெரிசாப் போயிட்டு? இது உங்களுக்கே ஓவராத் தெரியல?

[Nivas.T]

சொல்லவே வெக்கமாத்தான் இருக்கு என்ன பண்றது

எனக்கும் புரியல

[முரளிராஜா]

சொல்லவே வெக்கமாத்தான் இருக்கு என்ன பண்றது

எனக்கும் புரியல

அட நீங்க வேற நிவாஷ்
அத எழுதினவங்களுக்கே புரியலையாம்
இதுக்கெல்லாம் போய் வெட்கபட்டுகிட்டு