வந்துவிட்டேன்...

**கனிவேல்ப்ரியா** · 26-08-2012, 03:43 PM

உங்கள் கூட்டத்தில் வந்து இன்று இணைந்து கொண்டேன். இதைப் பெருமையாக நினைக்கிறேன். மூத்த உறுப்பினர்களுக்கு என் பணிவான வணக்கங்கள்!

***aasaiajiith*** · 26-08-2012, 03:58 PM

உங்கள்.வரவு.நல்வரவாகுக!!!!

**M.Jagadeesan** · 26-08-2012, 04:08 PM

கனிவேல் பிரியாவுக்குக் கனிவான வணக்கங்கள்!

**அமரன்** · 26-08-2012, 04:11 PM

நல்வரவு கனிவேல்ப்ரியா!

உங்கள் இணைய இல்லத்திற்கு வருகை தந்தேன். முகப்பில் கவர்ச்சியான எழுத்து அலங்காரம் கண்டேன். மன்ற சொந்தங்கள் பயனுற வேண்டும் என்பதில் உங்களைப் போல எனக்கும் ஆசை உண்டு. ஆனால், எதையும் அலசி, ஆராய்ந்து, எண்ணித் துணிய வேண்டிய கால கட்டத்தில் நிற்ன்கிறோம். உங்களுடைய இல்ல முகப்பின் எழுத்தலங்காரத்தை இங்கேயும் கொடுத்து, அலசி ஆய்ந்தால் மன்றமக்கள் அனைவரும் மனமொத்துப் பயணிக்க வசதியாக இருக்கும்.

புரிதலுக்கு நன்றி.

**கனிவேல்ப்ரியா** · 26-08-2012, 11:53 PM

என்னை வரவேற்ற நல்லுள்ளங்களுக்கு என் மனமார்ந்த நன்றிகள். நான் பல வருடங்களாக அரசுத் துறையில் பணிபுரிந்தவள். அலுவலகத்துக்கும் குடும்பத்துக்கும் ஒருசேர நேரம் ஒதுக்க முடியாமல் திண்டாடியவள். இணையம், எல்லொரையும் போல் என்னையும் கவர்ந்தது. எண்ணியதைத் தரும் காமதேனுவாக இருக்கும் இந்த இணையம், எனக்கு வேண்டிய வருமானமும் தந்தால், நான் பணியிலிருந்து விருப்ப ஓய்வு பெற்றுக் கொண்டு, வீட்டிலிருந்தபடியே வேலை செய்யலாமே என்று எண்ணி, அதற்காக வலைத் தளைன்களில் வலைவீசித் தேட ஆரம்பித்தேன்.

ஆனால், நீங்கள் கூறியதுபோல், சரியான பாதையைத் தேர்ந்தெடுப்பது அவ்வளவு சுலபமாக இல்லை. கடைசியில் நான் கண்டெடுத்த ஒரு முத்தான வழிதான், affiliate marketing என்றழைக்கப்படும் இணையத் தரகு. மக்கள் தினந்தோறும் தங்களுக்கு வேண்டிய எவ்வளவோ பொருள்களை இணையத்தில் விலை கொடுத்து வாங்குகிறார்கள். அவர்கள் தேடும் பொருளை அவர்களுக்கு காட்டிக் கொடுப்பதன் மூலம், விற்பனையாளருக்கு ஒரு முகவராகச் செயல்படுவதுதான், இணையத் தரகு. இதற்காக விற்பனைத் தளங்கள் நமக்கு கமிஷன் தருகின்றன. விற்பனை செய்யத் தரமான பொருள்களைத் தேர்ந்தெடுப்பதன் மூலம், நாம் வாங்குவோருக்கும், விற்போருக்கும் ஒருங்கே நன்மை செய்தவர்களாவோம். இதனால் வரும் வருமானமும் மனதுக்கு நிம்மதியைத் தருகிறது.

இந்தத் துறையைப் பற்றி ஒரு மின்புத்தகம் எழுதி, என் இணைய தளத்தில் வெளியிட்டுள்ளேன். அதை அங்கு உறுப்பினராகப் பதிவு செய்துகொள்வதன் மூலம் இலவசமாகப் பதிவிறக்கம் செய்து கொள்ளலாம். அனைத்து நண்பர்களும் அதைப் படித்துவிட்டுத் தங்கள் கருத்துக்களைக் கூற வேண்டுகிறேன்.

நன்றி!