இந்திய அணி தடை??

[அறிஞர்]

உலக கோப்பையில் பெரிதும் எதிர்பார்க்க பட்ட இந்திய அணியும், பாகிஸ்தான் அணியும் சூப்பர் 8ல் தேர்வு பெறாமல் வெளியேறியுள்ளது.

இந்திய அணியின் தோல்விக்கு காரணம் யார்?
1. தேர்வாளர்கள்.
2. பயிற்சியாளர்.
3. அணித்தலைவர்
4. ஒவ்வொரு உறுப்பினரும்.
5. கிரிக்கெட் வாரியம்.

இந்தியாவில் அதிக பணம் புழங்கும் வாரியம் கிரிக்கெட் வாரியம். வீரர்கள் கோடி கோடியாக சம்பாதித்து உள்ளனர். அவர்கள் சம்பாதித்த பணத்தை... வசூலிக்க இயலுமா??.

கிரிக்கெட் அணியை ஒரு வருடத்திற்கு தடை செய்யலாமா??...

கிரிக்கெட் வீரர்கள் வரும் விளம்பர பொருட்களை மக்கள் வாங்காமல் இருந்து கோபத்தை வெளிப்படுத்தலாமா??

ஒவ்வொரு அணி வீரருக்கு என்ன தண்டனை கொடுக்கலாம்.

பழைய (சாதனைகளை) ஆட்களை வைத்தே சவாரி செய்யும் பழக்கம் மாறுமா?

அணியில் 5-6 மூத்த வீரர்களை வீட்டுக்கு அனுப்பலாமா??

மனதளவில் இந்திய வீரர்களுக்கு தெம்பு இல்லை.... அதை பலப்படுத்த பயிற்சி அளிக்கலாமா?

இது விளையாட்டில் ரொம்ப சகஜம் என சொல்லலாம்.... ஆனால் இது மாதிரியான தோல்வியை என்ன பண்ணுவது??

இந்தியாவில் கிரிக்கெட்டை பலர் தெய்வம் போல் போற்றுகிறார்கள்.... இவர்களின் நிலை இனி என்ன?

இப்படி பல கேள்விகள் உண்டு... பதில் உங்கள் விவாதத்தில் வெளிப்படட்டும்.

[தமிழ்பித்தன்]

(("இந்தியா மண்ணைக் கவ்வியது".)) பல சந்தர்ப்பங்கள் கிடைத்தும் அதனால் அதை சரியான முறையில் பயன்னடுத்த முடியாமல் போனது கிடைத்த அரிய சந்தர்ப்பங்கள்
1)இலங்கையின் நம்பிக்கை நட்சத்திரம் ஜெயசூரியா வந்தவுடனே ஆட்டம் இழந்து
2)இலங்கை எடுத்த குறைந்த அளவான ஓட்டம்
3)செவாக்கின் பிடியை சங்ககாரா நழுவ விட்டது
4)ராகுல்ராவிட்டின் பிடியை ஆனோல்ட் நழுவ விட்டது
இத்தனை சந்தர்ப்பம் இருந்தும் இந்தியாவால் இலங்கையை வெல்லமுடியவில்லை
வெல்ல முடியாமல் போனதற்க்கான காரணங்கள்
1) இலங்கையின் அனுபவ ஆட்டக்காரர்கள் புது ஆட்டக்காரர்களை நன்கு வழிநடத்தியதும் பயன் படுத்தியதும்
2) இந்திய முக்கிய வீரர்கள் ஓட்டம் எதுவும் எடுக்காமல் ஆட்டமிழந்தமை

உண்மையில் இந்தியாவில் அனுபவமும் திறமையும் உள்ள பல வீரர்கள் இருந்தார்கள் இலங்கை ஜெயசூரியா போனவுடனேயே இனிதேறுமா என்கின்ற நிலமை ஆனால் இந்தியா அப்படி இல்லை டோனி வரை முதல் தர ஆட்டக்காரர்களே
நான் கடைசியாக கேட்ட ஆட்ட வர்ணனை
" ALL IINDIA GO HOME "

இலங்கை ரசிகர்களுக்கு வாழ்த்துக்கள் இந்திய ரசிகர்களுக்கு ஆறுதலும் தமிழ்பித்தன் சார்பாக தெரிவிக்கப் படுகிறது

இந்திய ரசிகர்கள் அதிக கோபம் யார் மீது என்று உங்கள் கோபத்தை தீர்த்து விட்டுப் போங்கள்
வாக்குப்போட இங்கே செல்லுங்கள

[அறிஞர்]

இந்தியர்கள்.. உலகிலேயே தங்களிடம் பெரிய பேட்டிங் வரிசை உள்ளது என வாய் சவுடால் பேசி இறங்கினர்... அதற்கு சரியான ஆப்பு வைத்தார்கள்..

கடைசி ஆட்டத்தில் இந்திய நிலை...

1. இரண்டு ஆட்டங்களில் சொதப்பிய உத்தப்பாவை எதற்கு எடுத்தார்கள்.

2. கங்குலிக்கு வாஸ் பந்து என்றாலே அலர்ஜி.. அப்படி பட்டவரை பேட்டிங்க் வரிசை மாற்றி இறக்கியிருக்கலாம்.

3. டெண்டுல்கர்... நல்ல பந்துவீச்சை இன்னும் திறமையாக எதிர்கொண்டு இருக்கலாம்.

4. சேவாக்-டிராவிட் ஒரளவு விளையாடினார்கள்.. அதை அப்படி காப்பாற்றி விக்கெட்டை காத்து இருக்கலாம். சேவாக் ரன்னை மட்டுமே பார்த்து ஆடினார்...

5. யுவராஜ்.. அவுட் பெரிய தற்கொலை.

6. தோனி.... கில்கிறிஸ்டோடு ஒப்பிடப்பட்டவர்.... முதல் பந்தில் இப்படியா.....

7. டிராவிட் ஒரு ஓவரில் 17 ரன் எடுத்தது பத்தாதா.... இன்னும் வேண்டும் என்ற ஆசை...

8. ஹர்பஜன்.. பந்து வீச்சு சுத்த மோசம்.. விக்கெட் எடுக்காமல் சும்மா ரன் கொடுக்க எதற்கு சிறப்பு பவுலர்.. ஒரே ஆறுதல்.. சுமாரான பேட்டிங்க்..

9. ஜாகீர் கான்... முதல் ஓவரில் ரன்னை வாரியிறைத்து.... எதிர் அணியினருக்கு தெம்பு தருபவர்.

10. அகர்கர், முனாப் படேல்... ஏதோ.. வந்தார்கள் போனார்கள்....

பரிதாபத்து உரியவர்கள்...

மிகுந்த நம்பிக்கையுடன் எதிர்பார்க்கப்பட்ட ஆல்ரவுண்டர் பதான்.

மேற்கு இந்திய தீவுகளில் ஜொலித்த ஸ்ரீசாந்த்.

தமிழர்களுக்கு ஆறுதலாக அணியில் இடம் பெற்ற தினேஷ் கார்த்திக்.

[அறிஞர்]

இந்திய ரசிகர்கள் அதிக கோபம் யார் மீது என்று உங்கள் கோபத்தை தீர்த்து விட்டுப் போங்கள்
வாக்குப்போட இங்கே செல்லுங்கள

இது என்ன நீங்கள் உருவாக்கிய ஓட்டு பகுதியா...

[pradeepkt]

நான் கூட அறிஞர் இந்திய அணியே இந்தியாவுக்குள் நுழையத் தடை கோருவாரோ என்று ஆவலுடன் "ஆம்" என்று ஓட்டுப் போடலாம் என்று ஓடி வந்தேன்....

இந்திய அணியை என்ன செய்யலாம் என்று வேறு கேட்கிறீர்களே..

நல்லவேளையாக கீழ்க்காணும் நிகழ்ச்சிகளுக்கு இன்றைய ஆட்டம் உறுதுணையாயிருக்கும்
1. வெட்டிக் கிரிக்கெட் வெறியர்களுக்கு இது ஒரு பாடம்
2. என்னைப் போல் ஆடிக்கொரு முறை பார்ப்பவருக்கும் ஒரு பாடம்
3. இனி இந்தியாவில் இருந்து உலகக்கோப்பைப் போட்டிக்கான வருமானம் குறையும்.
4. இந்திய அணியில் (இனிமேலாவது) ஒரு நல்ல மாற்றம் வரும். நாமும் மீண்டும் மீண்டும் பெர்முடாஸ் போட்ட பசங்களோடு விளையாடி மனத்தெம்பு பெறலாம்.

இப்ப யோசிச்சுப் பாத்தா இந்தப் பதிவே எனக்கு வெட்டியாத் தோணுது... கிரிக்கெட்டு எக்கேடு கெட்டால் நமக்கென்னங்க...

[தமிழ்பித்தன்]

ஆமாம் அறிஞர் நான் உருவாக்கியது தான் ஏதும் தப்பு நடந்தால் கூறுங்கள் இங்கே எப்படி உருவாக்கவது என்று எனக்கு தெரியவில்லை நானும் உங்கள் போல் இங்கேயே வாக்குபதிவு உருவாக்கலாமா?

[ஆதவா]

இந்த பாழாய்ப்போன பதினோரு பேரால் எதற்கு அணியை தடைசெய்யவேண்டும்?,,, வேண்டுமென்றால் அவர்கள் அறிமுகப்படுத்தும் விளம்பரப் பொருள்களை நாம் உபயோகிக்காமல் இருக்கவேண்டும்... அது சாத்தியமல்ல...

இனி என்ன செய்யலாம்?

• முதலில் சாதனை வீரர்களைத் தூக்கி எறியவேண்டும். பழைய சாதனைகளையே சொல்லி சொல்லி அணியைக் கெடுக்கும் வீரர்களை அணியை விட்டுத் தூக்குவதுதான் சிறந்தது.
• மனதளவில் இந்தியாவுக்கு பயிற்சி கொடுக்கவேண்டும்
• நல்ல நல்ல வீரர்களை நல்ல பயிற்சி கொடுத்து சேர்க்க வேண்டும்
• விளம்பரப் படங்களில் நடிப்பதை தடுக்கவேண்டும்
• அணியில் உள்ளே வருவது சிரமம் என்ற நிலைக்கு வரவேண்டும். சரியாக ஆடாவிட்டால் இரண்டு அல்லது மூன்று போட்டிகளில் தூக்கிவிடுவார்கள் என்ற பயம் கொண்டு வரவேண்டும்.

மேலும் அதிகப்படி கருத்துக்கள் இரவு சொல்லுகிறேன்..

[jasmin]

நான் கூட அறிஞர் இந்திய அணியே இந்தியாவுக்குள் நுழையத் தடை கோருவாரோ என்று ஆவலுடன் "ஆம்" என்று ஓட்டுப் போடலாம் என்று ஓடி வந்தேன்....

இந்திய அணியை என்ன செய்யலாம் என்று வேறு கேட்கிறீர்களே..

நல்லவேளையாக கீழ்க்காணும் நிகழ்ச்சிகளுக்கு இன்றைய ஆட்டம் உறுதுணையாயிருக்கும்
1. வெட்டிக் கிரிக்கெட் வெறியர்களுக்கு இது ஒரு பாடம்
2. என்னைப் போல் ஆடிக்கொரு முறை பார்ப்பவருக்கும் ஒரு பாடம்
3. இனி இந்தியாவில் இருந்து உலகக்கோப்பைப் போட்டிக்கான வருமானம் குறையும்.
4. இந்திய அணியில் (இனிமேலாவது) ஒரு நல்ல மாற்றம் வரும். நாமும் மீண்டும் மீண்டும் பெர்முடாஸ் போட்ட பசங்களோடு விளையாடி மனத்தெம்பு பெறலாம்.

இப்ப யோசிச்சுப் பாத்தா இந்தப் பதிவே எனக்கு வெட்டியாத் தோணுது... கிரிக்கெட்டு எக்கேடு கெட்டால் நமக்கென்னங்க...

நண்பர் கூறுவதுதான் எனக்கு சரியாகபடுகிறது. தற்போது கிரிகெட் என்பது ஒரு சூதாட்டம் என்பதை இந்தியா அணியும், பாக்கிஸ்தான் அணியும் நிருபித்து இருக்கிறது. இந்தியா மற்றும் பாக்கிஸ்தான் அணிகள் தோற்றதுக்கு எனக்கு மிகவும் மகிழ்சி. இனியாவது நமது இந்திய மற்றும் பாக்கிஸ்தான் நண்பர்கள் அலுவலகத்தில் ஒழுங்காக பணி செய்வார்கள், மாணவர்களும் ஒழுங்காக படிப்பார்கள்

[Mathu]

இப்படி ஒரு அணி இப்போதே வீட்டுக்கு போவது தான் எல்லோருக்கும் நல்லது.




இதை விட அனியாயம் இந்த ஆட்டங்களை பார்க்க 200டாலர் கொடுத்து காட்வாங்கியது.

[மனோஜ்]

இந்திய கிரிகெட் இரசிகர்களுக்கு ஒரு பாடம் இனி பைத்தியமாய் இருக்க மாட்டார்களே
இந்திய அணியூம் மாற்றம் பெறும் ஆரேக்கியமான எதிர்காலம் பிறக்கும்

[அமரன்]

இந்திய ரசிகர்கள் அதிக கோபம் யார் மீது என்று உங்கள் கோபத்தை தீர்த்து விட்டுப் போங்கள்
வாக்குப்போட இங்கே செல்லுங்கள

அதிக வாக்கு சச்சினுக்கு. இரண்டாம் இடத்தில் திராவிட்.
இந்திய ஒட்டுமொத்த அணியை தடைசெய்ய வேண்டாம்.
சச்சின் யுவராஜ் திராவிட்டின் தலைமை ஹர்பஜன் சப்பல் பல கிரிக்கட் போர்ட் உருப்பினர் என்போரை லைவ்டைம் தடை பண்ணனும். விளம்பரங்களில் இவர்கள் பங்கை தடை பண்ணனும்.

[மன்மதன்]

விளம்பரம் நடிப்பதை தடுக்க முடியாது. ஓடுகிற குதிரை மேல் பணம் கட்டுவதுதானே வாடிக்கை. அந்த குதிரை இரண்டு மேட்சில் ஓடலேன்னா 10 மேட்ச் உட்கார வைக்கணும்.. யாரும் அந்த குதிரை மேல் பணம் (விளம்பரம்) கட்ட தயங்குவார்கள்.