இவளே என் மனைவி!!!

[aren]

எதிர்வீட்டில் புதுக்குடித்தனம்
என் மனம் புதிதாக துடித்தது
கல்லுரியில் படிக்கும் பெண் இருக்குமா!!!

பார்த்தேன் வழிமேல் விழி வைத்து
யாரோ வருகிறார்கள் வெளியில்
எட்டிப்பார்த்தேன்
வீட்டுத் தலைவர்!!!

மறுபடி யாரோ வருகிறார்கள் வெளியில்
எட்டிப்பார்த்தேன்
வீட்டுக் கடைக்குட்டி சிறுவன்!!!

மறுபடி யாரோ வருகிறார்கள் வெளியில்
எட்டிப்பார்த்தேன்
வீட்டு இல்லத்தரசி!!!

மறுபடி யாரோ வருகிறார்கள் வெளியில்
எட்டிப்பார்த்தேன்
வயதான பாட்டி!!!

வெறுத்துப் போனேன்
இந்த வீட்டில்
பைங்கிளியே கிடையாதே
தவிப்புடன் நான்!!!

மறுபடி யாரோ வருகிறார்கள் வெளியில்
எட்டிப்பார்த்தேன்
அழகான பெண்
அப்சரஸ் மாதிரி
அசந்துவிட்டேன் பார்த்ததும்!!!

என் தோளில் கை
திரும்பினேன்
என் தாய்!!!

எதிர்த்தவீட்டுற்கு
புதிதாக குடித்தனம்
வந்திருக்கிறார்கள்!!!

பாவம் இந்த இளம் வயதிலேயே
விதவையாகிவிட்டாள்
கணவர் ஒரு விபத்தில் இறந்துவிட்டார்
என்றார் என் தாய்!!!

மறுபடியும்
அந்தப் பெண்ணை நோக்கினேன்
இவளே என் மனைவி
அப்பொழுதே முடிவெடுத்தேன்!!!

[அமரன்]

அழகான பூவனத்தின்
அனைத்து பூக்களுமே
வாழப் பிறந்தனவே...!

பூசைக்கு போனபூ
புனிதமானது என்பதை
அறிந்தவர்கள் சிலரே...!

பவித்தரமான காதலால்
கவிதையை சிங்காரித்த

அண்ணாவுக்கு பாராட்டுகள்..!

[இனியவள்]

வீரப் பேச்சில் விளைந்திடாது
விதவைக்கு மறுவாழ்வு
வீரச்செயலில் நிகழ்ந்திடும்
அந்த நல்வாழ்வு

வாழ்த்துக்கள் அண்ணா..

[aren]

அழகான பூவனத்தின்
அனைத்து பூக்களுமே
வாழப் பிறந்தனவே...!

பூசைக்கு போனபூ
புனிதமானது என்பதை
அறிந்தவர்கள் சிலரே...!

பவித்தரமான காதலால்
கவிதையை சிங்காரித்த

அண்ணாவுக்கு பாராட்டுகள்..!

நன்றி அமரன். விதவை மறுமணம் நிச்சயம் புனிதமானது அதை அனைவரும் வரவேற்க வேண்டும் என்பதே என் விருப்பம்.

நன்றி வணக்கம்
ஆரென்

[aren]

வீரப் பேச்சில் விளைந்திடாது
விதவைக்கு மறுவாழ்வு
வீரச்செயலில் நிகழ்ந்திடும்
அந்த நல்வாழ்வு

வாழ்த்துக்கள் அண்ணா..

நன்றி இனியவள்.

அவன்தான் முடிவெடுத்துவிட்டானே
இவளே என் மனைவியென்று!!!

அவனுடைய மனதில்
அவள் அன்றே மனைவியானாள்!!!

என் கண்களில்
அவன் தான் மனிதன்!!!

நன்றி வணக்கம்
ஆரென்

[ஷீ-நிசி]

நன்றாக இருந்தது ஆரெனாரே... கவிதையின் வரிகளில் முன்னேற்றம் தெரிகிறது. வாழ்த்துக்கள்!

[aren]

நன்றாக இருந்தது ஆரெனாரே... கவிதையின் வரிகளில் முன்னேற்றம் தெரிகிறது. வாழ்த்துக்கள்!

நன்றி ஷீ. எல்லாம் உங்களைப் போன்ற மன்ற நண்பர்கள் சொல்லிக்கொடுத்ததன் பயன் தான் என்று நினைக்கிறேன்.

நன்றி வணக்கம்
ஆரென்

[சூரியன்]

விதவைக்கு மறுமணம் கொடுக்கும் எண்ணம் கொண்ட கவிதை அருமை அண்ணா... வாழ்த்துக்கள்.. தொடருங்கள் உங்கள் படைப்பை..

[aren]

நன்றி சூரியன்.

எனக்கு கவிதை எழுதத்தெரியாது. ஏதோ என் மனதில் தோன்றியதை எழுதுகிறேன். அவ்வளவே.

நன்றி வணக்கம்
ஆரென்

[சாராகுமார்]

விதவை
ஆகவேண்டும் மறுமணம்
அதற்கு வேண்டும் நல்மனம்
உங்கள் கவிதையில் நல்வனம்.

வாழ்த்துக்கள் ஆரென் அவர்களே வாழ்த்துக்கள்.

[ஓவியன்]

மொழி படத்திலே ஒரு வசனம் வரும் "டேய் நான் ஒண்ணும் வாழ்க்கை கொடுக்கணும்னு நினைக்கலையடா, நான் அவளோட என் வாழ்க்கையை ஷேர் பண்ணிக்கணும்னு நினைக்கிறேனடா" என்று...

இவ்வாறான சந்தர்பங்களிலே வாழ்க்கை கொடுக்கிறம் என்ற எண்ணமே ஏற்படக் கூடாது, எப்படி ஏற்பட்டால் அந்த வாழ்க்கையில் எப்போவது ஒரு நாள் புயல் வீசக் கூடும். நான் ஏன் இதனைக் கூறுகிறேன் என்றால் உங்கள் கவிதையில் அம்மா அந்தப் பெண் விதவை என்றபின் முடிவெடுத்ததாகக் கூறியிருந்தீர்கள். முன்னமே அப்படி முடிவெடுத்து தாய் அப்படிக் கூறியும் அவளைத் தான் மணமுடிப்பேன் என்று வந்திருந்தால் எனக்கு இன்னமும் பிடித்திருக்கும்.

ஆரென் அண்ணா வித்தியாசமான கவிக் கருக்கள் உங்களிடம் சிக்குகின்றன வாழ்த்துக்கள்.

[பூமகள்]

நல்ல சமூக சிந்தை உள்ள கவி. எனக்கும் மொழி படத்தில் பிரகாஷ் ராஜ் சொன்ன வசனம் நியாபகம் வந்தது.
வாழ்க்கை கொடுப்பதாய் நினைக்காமல் தமது வாழ்க்கை அவரோடு ஷேர் பண்ணி வாழப்போவதாக நினைக்கும் நினைவே அற்புதமானது. எதிர்காலத்தில் புயல்கள் வராமல் தடுக்கும் சிந்தையே அது.
வாழ்த்துகள் அரென் அண்ணா. நிறைய வித்தியாசமான கவிதைகளால் மன்றத்தில் அசத்திவருகிறீர்கள்.. பாராட்டுக்கள்.