சத்தமாய்..!!

[பூமகள்]

பேரலையோடு
பரள் பேசும்
புதுக்கவிதை
சங்கமச் சத்தம்...

பூ அவிழ
பூக்காம்பு கேட்டு
மயங்கும் மரகத
வனப்புச் சத்தம்..

இளவெயில் பட்டு
இலையூஞ்சல் ஆடும்
குயில் பாட்டு
குழையும் சத்தம்...

மூங்கில் காட்டில்
முட்டும் காற்று
முத்தம் தந்து
முனகும் சத்தம்..

மெல்விரல் படின்
இலை மூடும்
தொட்டாச்சிணுங்கி
நாணிச் சிணுங்கும்
வெட்கச் சத்தம்...

காதல் மொழி
பேசும் அழகு
பேடைக்கிளி இரண்டும்
கொஞ்சும் சத்தம்...

நள்ளிரவு நிலாநேரம்
நீரின் மேலே
தவளை தாவும்
தளுக் சத்தம்...

வண்டு வரும்
பூச்செண்டு அறியும்
ரம்மிய கமக
ரீங்காரச் சத்தம்...

கேட்கா சத்தம்
கேட்கும் நித்தம்
கேள்விக் குறியாய்
வாழ்க்கை மட்டும்..

வாழச் சொல்லி
வார்த்தை முட்டும்
சத்தமே சத்தமாய்..
சொல்லும் மனதின்
சத்தம்...!!

[இணைய நண்பன்]

அழகான கவிவரிகள்.சத்தமாய் சொல்லிவிட்டீர்கள்...நன்றி

[பூமகள்]

அழகான கவிவரிகள்.சத்தமாய் சொல்லிவிட்டீர்கள்...நன்றி

நன்றி சகோதரரே...!

[சிவா.ஜி]

மூங்கில் காட்டில்
முட்டும் காற்று
முத்தம் தந்து
முனகும் சத்தம்..
மூங்கிலை முட்டும் காற்றின் ஓசையை முத்த சத்தமாய் வர்ணித்தது அழகு.
மெல்விரல் படின்
இலை மூடும்
தொட்டாச்சிணுங்கி
நாணிச் சிணுங்கும்
வெட்கச் சத்தம்...
மிக அழகான..நாசூக்கான அந்த சுருங்கலை..நாணத்தோடு ஒப்பிட்ட நயமான வரிகள் பிரமாதம்.
வாழச் சொல்லி
வார்த்தை முட்டும்
சத்தமே சத்தமாய்..
சொல்லும் மனதின்
சத்தம்...!!
முத்தாய்ப்பான இந்த வரிகள்..புத்துணர்ச்சியூட்டும் வரிகள்.
புதுப்பூவாய் பூத்து நிற்கும் நல் கவிதை பூமகள் அளித்த இந்த புதுக்கவிதை.வாழ்த்துக்கள் பூமகள்.

[பூமகள்]

மூங்கிலை முட்டும் காற்றின் ஓசையை முத்த சத்தமாய் வர்ணித்தது அழகு.
மிக அழகான..நாசூக்கான அந்த சுருங்கலை..நாணத்தோடு ஒப்பிட்ட நயமான வரிகள் பிரமாதம்.
முத்தாய்ப்பான இந்த வரிகள்..புத்துணர்ச்சியூட்டும் வரிகள்.
புதுப்பூவாய் பூத்து நிற்கும் நல் கவிதை பூமகள் அளித்த இந்த புதுக்கவிதை.வாழ்த்துக்கள் பூமகள்.

முத்தாய்ப்பாக நன்கு புரிந்து கொண்டு தந்த ஆய்ந்த உங்களின் விமர்சனத்திற்கு நன்றிகள் சிவா.

[jpl]

ஆம் ஆழிப் பரளாய் ஒரு கவி பூமகளிடமிருந்து..

பேரலையோடு
பரள் பேசும்
புதுக்கவிதை
சங்கமச் சத்தம்...

வாழச் சொல்லி
வார்த்தை முட்டும்
சத்தமே சத்தமாய்..
சொல்லும் மனதின்
சத்தம்...!!

மௌனமாய் கவியில்,வாழ்க்கையை வாழ இயற்கையோடியியந்து சத்தமாய் சொல்லும் பூ மகளுக்கு ஒரு பாமாலை தொடுக்கலாம் இனிமையாக.

[ஷீ-நிசி]

செம புகைப்படம். செம கவிதை.. பூமகள் வாழ்த்துக்கள்!

[சாராகுமார்]

சத்தமான கவிதையை சத்துடன்,அருமையாக படைத்து விட்டீர்கள்.படமும் வெகு அற்புதம்.

[பூமகள்]

ஆம் ஆழிப் பரளாய் ஒரு கவி பூமகளிடமிருந்து..
மௌனமாய் கவியில்,வாழ்க்கையை வாழ இயற்கையோடியியந்து சத்தமாய் சொல்லும் பூ மகளுக்கு ஒரு பாமாலை தொடுக்கலாம் இனிமையாக.

மிக்க நன்றி சகோதரரே...! தொடந்து விமர்சியுங்கள்..!

[பூமகள்]

செம புகைப்படம். செம கவிதை.. பூமகள் வாழ்த்துக்கள்!

மிக்க நன்றி ஷீ−நிசி. உங்களின் வாழ்த்து கண்டு பெருமகிழ்ச்சி அடைகிறேன்.

[பூமகள்]

சத்தமான கவிதையை சத்துடன்,அருமையாக படைத்து விட்டீர்கள்.படமும் வெகு அற்புதம்.

மிக்க நன்றி சாரா அண்ணா..!

[அமரன்]

அன்றாடம் கேட்கும்.
பலசத்தங்கள் கவித்துவத்தோடு.
வாழ்வைக் கற்றுக்கொடுக்கும்
பல* கருத்துகளோடு.

இயற்கையிடம் மனிதனும்
பூமகளிடம் நானும் கற்கப் பல உண்டு.
பரள் என்பதின் அர்த்தம் அதிலொன்று.
பாராட்டுக்கள் பூமகள். தொடருங்கள்.