வெளிச்சம் தேடி....!!
இருட்டு அப்பிய
இரவு நேரம்..
அலையும் தூங்கும்..
அந்திச் சாமம்..
ஆழ்கடல் அருகே..
தனியே பயணம்
துடிப்பே துணையாய்..
உப்புக் காற்றும்
உவர்ப்புக் கொண்டே
உறங்கும் மெல்ல..
வெள்ளிப் பரள்கள்
வான முகட்டில்
வந்து வந்து
வெளிச்சம் காட்டும்...!!
விண்ணில்
நகபதி நகர்வலம்..
நட்சத்திரத் திருவிழா..!!
வெளிச்சம் பிடிக்க..
வலையை வீசியேன்..
விண்ணை நோக்கி....
முகிலில் மாட்டிய
விண்மீன்களாய்..
வலையில் சிக்கின
வண்ணமீன்கள்..!!
Last edited by பூமகள்; 07-10-2007 at 06:29 PM.
பிரமாதம் பூமகள்...அருமையான முன்னிரவு வர்ணனைகள்.
ஆழ்கடல் அருகே..
தனியே பயணம்
துடிப்பே துணையாய்..
துடுப்பே துணை என்பதற்கு பதிலாய் துடிப்பே துணை என்று பாவித்திருப்பது அசத்தல் சிந்தனை.
முகிலில் மாட்டிய
விண்மீன்களாய்..
வலையில் சிக்கின
வண்ணமீன்கள்..!!
இதை......
முகிலில் மறைந்த
வின்மீன்கள்
வலையில் சிக்கின
வண்ண மீன்களாய்...
இப்படி எழுதினால் எப்படி இருக்கும்...?அழகான கவிதை,ரம்மியமான சூழலை காட்சியாய் முன்னிறுத்துகிறது,தேர்ந்த வரிகள்..வாழ்த்துக்கள் பூமகள்.
அன்புடன் சிவா
என்றென்றும் மன்றத்துடன்
கவலை என்பது கைக்குழந்தையல்ல
எல்லா நேரமும் தோளில் சுமக்க
கவலை ஒரு கட்டுச் சோறு
தின்று தீர்க்க வேண்டும் அல்லது
பகிர்ந்து தீர்க்க வேண்டும்...!!!
ஆகா...அருமையான கவித்திறன் சிவா.ஜி அவர்களே...Originally Posted by சிவா.ஜி
கடைசி வரிகள் அசத்தி விட்டீர்கள்... அழகாய் இருக்கிறது உங்களின் சொல்லாடல்..
நன்றிகள் சகோதரரே..!
கவிதையின் வர்ணனையையும் வனப்பையும் சிவா அட்சரசுத்தமாக சொல்லி என்னையும் என்னால் பூமகளின் கவிதை கடித்துக்குதறப்படுவதையும் காப்பாற்றி விட்டார் சிவா.
நெய்தலின் உயிர்வாயுவான வலை வீசுவதை கவித்துவமாக சொன்னமைக்கு பாராட்டுக்கள் பூமகள். துள்ளும் மீன்கள் சிமிட்டும் உடுக்களாக...ஒப்புமை நன்றி...வலை வீசுகையில் அடிவானை நோக்கி வீசப்படுவதை அழகாக சொன்னது மிகச் சிறப்பு. தலைப்பு முத்தாய்ப்பு. அதுவே போதும் கவிதையின் கரு சொல்ல. நெய்தலின் வலி சொல்ல. தொடருங்கள்.
Last edited by அமரன்; 24-08-2007 at 09:20 AM.
நன்றிகள் அமர் அண்ணா.
ரொம்ப நல்லாருக்கு பூமகள்... வாழ்த்துக்கள்!
Email: arpudam79@gmail.com
Web: www.nisiyas.blogspot.com
Web: www.shenisi.blogspot.com
கண நேரத்தில் உண்மைகள் பரிமாறிக்கொள்ளப்படுவது, நட்பில் மட்டும்தான்.. காதலில் கூட இது சாத்தியப்படுவதில்லை. - ஷீ-நிசி
__________________________________________________
என் கவிதை அறிமுகம் - ஷீ-நிசி
நெய்தல் காட்சி மிகவும் அற்புதம் நானும் பயணித்த அனுபவம் பெற்றேன் வாழ்த்துக்கள் சகோதரி. தொடரட்டும் உங்கள் கவிதைகள்
ரொம்ப நன்றிங்க ஷீ−நிசி அண்ணா.
வாழ்த்துக்கள் பூமகள்
இணையத்தில் ஒரு தோழன்
வாழ்த்துக்கள் நன்றாக இருக்கிறது பூ மகள்
தமிழை வளர்க்க,
தமிழரோடு தமிழில் பேசுங்கள்
நன்றி நண்பரே... தொடர்ந்து விமர்சியுங்கள்..!!
பூமகள் கவிதை என்பது ஒவ்வொருவரது மனம், சூழலுக்கு ஏற்றபவே வெளிப்படும் என்பது தான் எவ்வளவு உண்மை.........
உங்கள் கவிதையில் இயற்கையழகும் ரம்மியமும் கொஞ்சி விளையாடுகிறது, ஆனால் உண்மையில் மீனவரது வாழ்க்கை எவ்வளவு கொடுமையானது............
கடலிலே இறங்குவார், மீளக் கரையேறுவோமோ என்ற நம்பிக்கையையும் கரையிலே வைத்து விட்டுத் தான் கடலிலே இறங்குகின்றனர்..........
அந்த நம்பிக்கையைக் கையிலே இருக்கிப் பிடித்தபடி அவர்களது துணைவிமார் கரையிலே தூக்கமின்றி................
அவர்கள் மீள வரும் தருணத்திற்காக கடலிலே விழி வைத்து.........
அப்பப்பா கொடுமையான வாழ்க்கை அது பூமகள்!
அந்த கொடுமை அங்கே இழையோடும் இயற்கை அழகோடு முரணாகவே எப்போதும் இருக்கின்றது...........
இப்போது உங்கள் கவிதைக்கு வருகிறேன் பூமகள், அழகான வரிகள் பூமகள், வரிகளில் நேர்த்தி தெரிகிறது − பாராட்டுக்கள், இன்னமும் நிறையப் படையுங்கள் சகோதரி........!
மகள்களைப் பெற்ற அப்பாக்களுக்கு மட்டும் தான் தெரியும்,
முத்தம் - காமத்தில் சேர்ந்ததில்லை என்று
-இயக்குனர் ராம்
There are currently 1 users browsing this thread. (0 members and 1 guests)
Posting Permissions
Reply With Quote
Bookmarks