பத்திரமா உன்னிடம்..
படிப்பாய் என
நான் தந்த நோட்டுப்புத்தகமும்..
மடிப்பாய் தந்த எழுத்தோவியமும்...??
பத்திரமா உன்னிடம்..
திகைப்பாய்
நான் தந்த நாணமும்..
நகைப்பாய் நறும்பிய
புன்னகையும்...??
பத்திரமா உன்னிடம்..
என்றோ நாம்
ஒன்றாய் பயணித்த
ரயில் பயணச்சீட்டும்...
என்றோ தொலைத்துவிட்ட என்
முதல் தொலைபேசி எண்ணும்..??
பத்திரமா உன்னிடம்..
உனக்காய் சேமித்த
சீர்கொண்ட சிப்பிகளும்..
எனக்கான நினைவாய்
நிதம் நினைவுறுத்தும் கைக்கடிகாரமும்...??
பத்திரமா உன்னிடம்..
நான் கடைசியாய்
விட்டு வந்த
உனக்கான கண்ணீரும்...
உயிர் கொன்று
கொடுத்து வந்த
நமக்கான காதலும்.....????!!!!
Bookmarks