விடை தெரியா
பயணம்
தினம் செல்லும்
சவப்பையாய்..
கோணிப்பையில்
கட்டி வைத்த
ஐஸ் கட்டியாய்..
லாந்தர் விளக்கினுள்
இருக்கும்
ஒளியாய்...
இத்தனை
உண்மை தெரிந்தும்
வேசியாய்..
பை நிறைய பாவம்...
வழிப்போக்கனுக்கு
மிகக் கொடிய தண்டனையாய்...
இன்னல் சேர்த்து
இன்னும் கொஞ்சம் பாவம் சேர்த்து
நிலையில்லாமல் அலைகிறாய்..
அலைகின்ற கண்களும்
போலி புன்னகையுமாய்
வலம் வருகிறாய் பத்தினியாய்..
ஓட்டைப் பானையில்
இருந்து சொட்டு சொட்டாய்
ஒழுகுகிறாய்..
தீயில் பொசுங்கி
நீரில் கரைந்து
காற்றில் கலந்து
காணாமல் போகப்போகும்
மனமே...
Bookmarks