கவிச்சமர் - விமர்சனம்.

[ஆதவா]

கவிச்சமர் ஆரம்பித்த இரண்டு நாட்களில் 175க்கும் மேற்பட்ட கவிதைகள் எழுதப்பட்டு சிறப்பாக சென்றுகொண்டிருக்கின்றன.

கவிச்சமரில் எழுதப்பட்ட கவிதைகளில் பிடித்தமான கவிதைகள் ஏதாவது இருந்தால் எடுத்து விமர்சனமிடலாமே!!
ஓவியா அவர்கள் இதற்கு துணை புரிவார்கள் என்று நினைக்கிறேன். கவிஞர்கள் அனைவரும் கவிச்சமரில் பங்கேற்று பிடித்தமான கவிதைகளின் விமர்சனத்தை தனியே இடுமாறு கேட்டுக் கொள்கிறேன்..
சமர் ஆரம்பித்த சுட்டிக்கு மீண்டுமொரு நன்றி.

[ஷீ-நிசி]

(12-05-2007)

கவிச்சமர் கவிதைகள் என்னை வெகுவாக கவர்ந்ததா என்றால்... பதில் இல்லை என்பதே உண்மை. நம் மக்களிடம் திறமை இல்லாமல் இல்லை.. வேகமாக பதித்திடவிரும்பி... செதுக்கபடாத சிற்பங்களாயே உள்ளன பல கவிகள்... கவிச்சமரில் எழுதும் ஒவ்வொரு கவிதைகளும் விமர்சன பகுதிக்கு வந்து 'அட' போட வைக்கவேண்டும் என்பதே என் ஆசை.. மக்களே உள்ளத்தில் உள்ளதை சொன்னேன்.. தவறாக நினைக்கவேண்டாம்...
-----------------------------------------------------------

கீழே காணப்படும் சில கவிதைகள் படிக்கும்போதே ஒரு கணம் என்னை 'அட' போட வைத்தது....

ஆயுள் தண்டனை அல்ல
ஆயில் தண்டனை..
ஆயுசு முழுதும்
நியாய விலைக் கடையில்
எண்ணை வாங்க
கியூவில் நிற்கக் கடவது..

STசெல்வன்...

இவரின் கவிச்சமர் கவிதைகள் பலவற்றிலும் சமூக பார்வையே அதிகம் பதிந்திருப்பதைக் கண்டேன்.. பாராட்டுக்கள் செல்வன்.. கொளுத்தும் வெயிலில் நிற்கும் பல மூதாட்டியர்களைக் கண்டுள்ளேன்... எப்படா கடை திறப்பான், எப்ப எண்ணை ஊத்துவான் என்று காத்திருக்கும் வேதனை.... அதை அழகாக ஆயுள் தண்டனை .. ஆயில் தண்டனை என்று வார்த்தை அழகுற செய்துள்ளார்.. மிக வேகமாக எழுதும் கவிதைகளில் இதுபோல் சிக்கியது தனித்திறமைதான்...
-----------------------------------------------------------

இளைப்பாற
என் மனம் என்ன
சத்திரமா?
நிலையாக
வந்தால் எனக்குள்
நீ இருப்பாய்
பத்திரமா...

அக்னி..

அக்னி அருமையாக உள்ளது இந்தக் கவிதை.... காதல் கவிதைகள் என்றால் அக்னியின் உள்ளம் குளிரும் போல....
விருந்தாளிபோல் வராதே என் உள்ளத்தில்... அப்படி வந்தால் என் உள்ளம் இருக்கும் சத்திரமாய்
வெறும்தாலி ஒன்றாகிலும் கட்டிக்கொள் என்னால்... அப்பொழுது என் உள்ளத்தில் இருப்பாய் நீ பத்திரமாய்..
வார்த்தைகளை சரிவிகிதத்தில் கலந்து தந்துள்ளீர்கள் நண்பரே... அருமை....
-----------------------------------------------------------

நீ
என்னை நீங்கிச் சென்றதால்
நான் இன்னும் நானாகவே
இருக்கிறேன்
நீ என்னை வாங்கிச் சென்றிருந்தால்
நான் நாமாக இருந்திருப்போமே!!!

ஓவியா

ஓவியா எழுதின பல கவிச்சமர் கவிதைகளில் இது என்னை வெகுவாய் கவர்ந்தது....
நான் ஆவதற்கும்.. நாம் ஆவதற்கும் இடையே உள்ள மெல்லிய வித்தியாசம்... நீ என்னை நீங்கிச் சென்றதற்கும், வாஙகிச் சென்றதற்குமான இடைவெளி... மிகவும் ரசித்தேன் வார்த்தை கோர்வைகளை......
-----------------------------------------------------------

நடையிலே கண்டுகொண்டேன்
நீ பேசன் ஷோ மங்கை
உடையிலே தெரிந்துகொண்டேன்
நீ தேசத்தின் நாச நங்கை

ஆதவா

ஆதவாவின் ஸ்பெஷல் இதுமாதிரி சில நேரங்களில் பளிச்சிடும்... நடை, உடை.. மங்கை, நங்கை... சின்ன சின்ன வார்த்தைகளில் வீரியமான கவி.... ஆதவா அதிகமாய் மெனக்கெட்டிருந்தால் கவிச்சமர் கவிதைகளில் அவரின் கவிதைகளின் எண்ணிக்கை குறைந்திருக்கும்.. ஆனால் இதுபோல் பளிச்சிடும் கவிதைகளின் எண்ணிக்கை கூடியிருக்கும்.. அருமை நண்பரே, அருமை நண்பரே....
-----------------------------------------------------------

ஜாதகம் பார்த்தேன்
ஏழில் கேது
அவளைப் பார்த்தேன்
என்னிலை சேது

STசெல்வன்...

விவரிக்க ஒன்றுமில்லை சிம்பிள்... ஆனால் வார்த்தை ஜாலம் கவருகிறது இந்தக் கவிதையில்....
ஏழில்.. என்னிலை... படிக்கும்போது எவ்வித நெருடலும் இல்லாமல் அமைந்திருக்கிறது...
-----------------------------------------------------------
வாழ்த்துக்கள் நண்பர்களே..
மற்றவர்கள் கவிதைகளையும் விமர்சிக்க ஆவலாய் உள்ளேன்...
என்னை 'அட' போட வையுங்களேன்.....

[gragavan]

கவிச்சமர் என்பது படக்படக்கென்று கவிதைத் தொடர்களை இடுவது. அதில் மிகப் பெரிய கவிதைகளளப் படைக்க முடியாது என்றாலும்..அவ்வப்பொழுது நல்ல கவிதைகள் எட்டிப் பார்க்கின்றன. பங்கு பெற்ற கவிஞர்கள் அனைவருக்கும் பாராட்டுகள். தொடர்ந்து கொண்டு செல்லுங்கள்.

[ஷீ-நிசி]

என்னவோ
ஏதோ என கலங்காதே
நான் கடைபிடிப்பது
ப்ரம்மச்சாரியம்
நீ
ப்ரம்மத்தின் ஆச்சர்யம்

அல்லிராணி

உங்களின் கவிதைகளை நான் கவனித்துக்கொண்டுதான் வருகிறேன்.. மிக அருமையாக எழுதுகிறீர்கள் தோழி... முதலில் வாழ்த்துக்கள்....

மேலே உள்ள வார்த்தை ஜாலம் என்னை வெகுவாய் கவர்ந்தது..... அருமை..

[ஓவியா]

முதல் நாள் எட்டிப் பார்த்ததும், அட அருமையான திரி என்று எனக்குள் சொல்லிவிட்டு முருக்கு மாவு போல் 'நைஸாக' நழுவி விட்டேன். பின் இருப்புக்கொள்ளாமல் வந்து வந்து எட்டி எட்டிப்பார்த்தேன்.....இன்று குட்டையில் ஊரிய மட்டையாகிவிட்டேன்.

சஞ்சய் என்ற சுட்டிப்பபையன் ஆரம்பித்த திரி இவ்வலவு சிறப்பாக பீடுநடை போடுவதற்க்கு அன்னாருக்கு எமது நன்றிகள்.

ஓவ்வொரு கவிதைகளும்
பவளங்களைப்போல்,
முத்துக்களைப்போல்,
மாணிக்கங்களைப்போல்,
கோமேதங்களைபோல்,
வைரங்களைப்போல்,
வைடூரியங்களைப்போல்,
நீலங்களைப்போல்,
மரகதங்களைப்போல்,
புஷ்பரகங்களைப்போல்
சிறப்பனவைகளாக இருக்கின்றன

கவிதைகளை நேற்று அள்ளிக்குவித்தும், இன்று அள்ளிக்குவித்துக் கொண்டிருக்கும் மற்றும் நாளை அள்ளிக்குவிக்கப் போகும் மன்ற கவிமணிக்களுக்கு அடியேனின் வந்தனங்களும், வாழ்த்துக்களும், பாராட்டுக்களும், ஆசிகளும்.

[ஓவியா]

இன்று இங்கே நான் விமர்சிக்கும் அனைத்து கவிதைகளும் எனக்கு பிடித்தமானவைகளே.

முதல்க்கவிதையை கண்டிப்பாக விமர்சிக்கவேண்டும். இதோ

கவிதைகளைத் திருடுவதில்
அலாதி சுகமெனக்கு.
உனக்குப் பிடிக்கும் வரை
பிறர் கவிதைகள் என்னுடையது.
என்றாவது ஒருநாள்
சொந்தமாக கிறுக்கியிருப்பேன்..
பிடித்துவிட்டதென்று என்னை
கவிஞனாக்கிவிட்டாயடி பாவி..

ஒரு பெண்ணால் பல மனிதன் பிறப்பான், அது போல் ஒரு பெண்ணால் பல கவிஞனும் பிறக்கிறான்..

முதல் கவிதையிலே ஒரு கவிஞன் எப்படி பிறக்கிறான் என்று காட்டிவிட்டாய். கவிதை அருமை ஆதவா.

பாவி
அவள் கூறினால்
உள்ளத்தில் உள்ளவைகள்
உருக்கி வைத்தால்
உருகிடும் கவிஞர்கள்
வடிப்பது நிஜமே
உண்மையை கூறினேன்
ரசிகன் நானே

உண்மை பேசும் ரசிகனின் கவிதை. பலே.

பாவி யாகிப் போனேன் - நீ
பாராது போனதாலே
காவி யாகிப் போகும் - ஆடை
கந்தலான மனமே
ஆவி யிருகி அழுது - கண்ணீர்
ஆறாகி வருமே
தேவி எந்தன் ராகம் - உனைத்
தேடித்தேடி அழுமே!

இந்த பகுதியில் இன்னொரு சிறப்பு, தாமரை அண்ணாவின், 'நீ பார்க்கவிட்டால் நான் தாமரயானந்தா' என்று பாடும் அழகிய கவிதை.

பாவியடி நான்! - உன்
அழகை ரசிக்காமல் இருந்ததால்!
உன் முகம் உரசியதில்
சிராய்ப்புகள் என் இதயத்துக்கு!
இருந்தும் மருந்து போடவில்லை.
காரணம் என் மனதில்
ஆறாமல் இருக்கும்
உன் நினைப்புக்காக!

மூர்த்தி காதலை பிழிஞ்சி கட்டறீகளே, என்ன ஆழமான வரிகள்....சூப்பர்..

[ஓவியா]

அழுமே எந்தன் கவிதைகள்
நீ நின்று சுவாசிக்காததால்
தொழுமே எந்தன் காதல்
நீ நின்று நேசிக்காததால்
விழுமே என் வியர்வைகள்
நீ நின்று ஆசிக் காததால்
உழுமோ காதற் பயிற்
நீ நின்றுஇதை வாசிக்காததால்?

இப்படியெல்லாம் எழுத்து ஜாலத்தை போட்டு கவுக்கறீகளே ஆள.

அழுமே எனதுள்ளம் உன்னைத்தேடி
அதுவறிந்தும் உன்மனம் கசியவில்லை
என் காதல் உனக்கு செல்லாக் காசு
உன் மௌனம் எனது மரணம்
அதை புரிந்து கொள்வாயா
என் மனதறியா காதலியே........?

மன்றத்து பில் கேட்சின் காதலே செல்ல காசா ஆச்சே.....அடடா போட வைக்கும் சுட்டிக்கவிதை.

வாசித்துவிட்டால் என்னை
தன் இமையாலும்

உபதேசித்து விட்டால்
தன் வார்த்தையால்

நான் தான் கல்நோஞ்சன்
நீ கூறிய வார்த்தைகளை
மனதினில் பூட்டியதால்

கல்நெஞ்சனுக்குள் இப்படியும் கவிதை வருமா?? அடெங்கெப்பா

பூட்டியதால் நெஞ்சம்
சொன்ன சொல்லை மறுக்கிறது.
வாட்டியதால் கண்கள்
குருதி அடித்து ஓடுகிறது
மாட்டியதால் இதயம்
அலறியடிக்க மறுக்கிறது
சூட்டினால் ஒருவேளை
உண்டோ என் காதல் உயிர்?

கண்களில் குருதி வடிவது காதலில் சகஜமப்பா..

[ஓவியா]

பூட்டியதால் உன்னை இதயத்தில்
பூத்ததே ஒரு காதல் பூ
இருட்டிலும் மலரும்
இனிமையாய் மணக்கும்
உன் நினைவுகள்
கண்கள் மூடி
இதயம் திறந்து
சிந்திக்கிறேன்
பூட்டிய மனதில்
முட்டிப் போராடிய நீ
திறந்த இதயத்தில்
அமர்ந்துவிட்டாய்

அண்ணா,
தாங்களே சொல்லிவிட்டீர்கள் காதல் இருட்டிலும் மலரும் இனிமையாய் மணக்கும்....நன்றி.

உயிரே!
ஏன் உயரே போகிறாய்
என்னவள் இன்னும் வரவில்லை
அவள் முகம் காண
உனக்குமா துணிவில்லை?

பொண்னுங்களே கேப்பில் வாருவதே ஆண்களின் செயல்.

துணிவில்லை என்னிடம்
தூறலுக்குள் ஒளிந்துறங்கும்
உன்னிடம் வார்த்தை சொல்ல
ஏ மழையே
நீயாவது சொல்லிவிடு
என் காதல் தூதை,
இரக்கமில்லாமல்
உன்னைக் கொல்லும்
என் காதலியிடம்...

ஆதவா, 'தூறலுக்குள் ஒளிந்துறங்கும் என்னவள்'' இந்த வரி மிகவும் பிரமாதம்.

காதலியாய் நீ இருக்க
காதலனாய் நானிருக்க
காதல் உலகினில் பறந்திடலம்
என எண்ணிடும் வேலையில்
வந்ததடி என் முன் என் உறவுகள்
உன் எதிரியாய்

ஆமாம் உலகத்திலே எதிரிகள் அதிகம் நிரைந்த இடம் காதல் தேசம்தான்.

[ஓவியா]

காதலியிடம் என்ன கண்டாய்
அம்மா குமுறினாள்
அப்பா அடிக்க வந்தார்
அக்காவும் அண்ணனும் பொருமித்
தீர்த்தனர்
ஆமாம்
யார் இவர்கள்?

சரியான கேள்வி...யார் இவர்கள்? காதலுக்கு காதலியும் காதலனும் காதலும்தான் முக்கியம்...

காதலியிடம் சொல்லச் சொன்னேன்
அவள் என் காதலி என்று
நண்பனும் சொன்னான்
அவள் என் காதலி என்று.

அடடா இன்னொரு மின்சாரக்கனவு....வரி தூள் மாமே

எதிரியாய் யாரோ
என் திரியில் வருவாரோ
உதிரியாய் இருந்தாலும்
உறுதியாய் இருப்பாரோ
கதிரும் பதரும்
கல்லும் புல்லும்
எதுவும் புரிபடாமல்
ஆயிரம் கவிதைகள்
தெளிக்கப்படுமோ

அண்ணா
உங்கள் கவி ரசனையே தனிதான்...என் திரி எதிரி அடடா

தெளிக்கப்படும் கவிகள் யாவும்
ஆதவனுடைய கவியே
விளித்து நீங்களும் எழுதுங்கள்
அவனடி வார்த்தை பற்றியே
குளித்து மூழ்குங்கள் என்
காதல் கவிகளிலே - நாளும்
களித்து மகிழுங்கள் என்
ஒவ்வொரு வரிகளிலே

இந்த கவிதை ஒன்றே போதும் உன் கவி'மை'க்கு யாம் அடிமை என்று. சபாஷ் தலிவா..

[ஓவியா]

வரிகளிலே
கவி கோர்க்க முன்னரே,
வருகிறதே
பல கவிதைகள்...
புரிகிறதா நண்பர்களே
எனது வேகம்..?

போட்டியில் கவிதை மழை கொட்டுவதையும் கவியாக்கிய நீர் கவிஞர்தான்...

வேகம் உம்முடையது நன்று என்று
மோகம் கொண்டு நானும்
தேகம் சிலிர்க்க எழுதுகிறேன்
சோகம் மிகுந்த கவிதை
" மறந்திடாதே காதலியே "

சோகத்திலும் காதலை நினைத்தால் தேகம் சிலிர்க்குமா!!!!!!!!!!!!

காதலியே
மன்னிக்க
காதல் வலியே
காதல் வரலியே!

எந்த வலியும் காதல் இருந்தால் சுகமே!!!

காதலியே என் சோகத்தை
உன்னிடம் சொல்ல நினைத்திடும்
நேரத்தில் நான் உன்அருகில் இல்லை
நீயும் என்னருகில் இல்லை

அவன் அருகில் இல்லையென்பதே சோகமல்லவா!!

கவிதையின் தலைப்பு ஈ என்று பறக்கும் என் காதல்

இல்லை என்று கூறுவதால்
இருக்கும் என் காதல்
இல்லாமல் போகாது
இல்லையென்பதுதான் - காதலில்
இருக்கும் என்ற வசனமாம்.

எறும்பூர கல்லும் தேயுமாம்.

[ஓவியா]

வரலியே என்றல்லவா ஆரம்பித்திருக்க வேண்டும்?? சரி வசனத்தில் ஆரம்பிக்கிறேன்..

வசனமாம் என் கவிதை
வசவுகள் வந்தன
விமர்சனமாக
விஷமாக
விமர்சனங்கள் போகட்டும்
விசனங்கள் வேகட்டும்
சொந்த சனங்கள்
சொல்வதென்ன
காதலா காவியமா?

சொந்தசனங்கள் தான் இப்ப விசயமா? காதலுக்கு கண்ணில்ல நைனா.

காவியம் ஆக உதவும்
சில காதல்கள்....
காதல் ஆக உதவும்
சில காவியங்கள்....

நச்சுனு நாலு வார்த்தை.

காவியங்கள் படைத்தேன்
கவிதைகளால்.
கண்மணியே
உன்னைக் கண்ட பின்பு!
கலைந்து போனது-என்
காவியக் கனவு-நீ
என்னை நீங்கி சென்றதால்!

உண்மை காதலி நீங்கி செல்ல மாட்டாள்.....ஆனால் இப்படியும் காதலர்கள் இருக்கத்தான் செய்கிறார்கள்.

நீ
என்னை நீங்கிச் சென்றதால்
நான் இன்னும் நானாகவே
இருக்கிறேன்
நீ என்னை வாங்கிச் சென்றிருந்தால்
நான் நாமாக இருந்திருப்போமே!!!

ஹி ஹி ஹி ஹி ஒரூ உண்மை.

இருந்திருப்போம்
இருவரும் ஒன்றாக
என் இதயத்தில்! - அதில்
காணவில்லையடி - உன்
இதயத்தை!

இணைந்திருக்கும் சமயம் இதயமும் இணைந்து ஒன்றாகிவிட்டதோ!!!!!!காணாத இதயத்தை தேட போலிஸ் கம்ப்லேன் குடுங்களேன்.

உன்
இதயத்தை
நீயே வைத்துக்கொள்
என்
இதயத்தை மட்டும்
எடுத்துச் செல்
அது என்றுமே
உன்னுடையதுதான்.

அதானே ஓவி, அவன் பொருள் நமக்கு எதுக்குலே...அவன்கிட்டே குடுத்துருமா!!

[ஓவியா]

அது
என்றுமே உன்னுடையதுதான்!
உனக்காக பிறந்த
என்னுடைய இதயம் மட்டுமல்ல.
என் உயிரும்தான்!

அதுசரி, ஆரம்பமே இனிக்கும். காதலில் ஆரம்பமே இனிக்கும். உயிரையும் வாங்கும் காதலுக்கு ஒரூ ஓ

என் உயிரும்தான்
என் உடலும்தான்
என் உள்ளமும்தான் - அனைத்தும்
என்னைகாக்கும்
என் ஏசு பிரானுக்கே

நல்லா சொல்லு ஓவி, அனைத்தும் கடவுளுக்கே!!!

ஏசு பிரானையே
ஏசியபோதும்
ஏசாதிருந்தது - இந்த
ஏழையின் திருவுள்ளம்!

கடவுளிடம் எப்படீங்க சண்டை பிடிப்பது!!! சும்மா ஒரு கண்ணாமூச்சிதான்.

திரூவுள்ளம் இல்லையோ
காதல்
பெருவெள்ளம் பாய்ந்திட
கவிதை கருவெல்லாம்
உனைச் சூல்கொண்டு
கற்பனையை பிரசவித்திட

உள்ளம் இணைந்தால் தானே காதல் மலர. கவிதை மட்டும் வெள்ளமா பாய்ந்து என்ன பயன்

பிரசவித்திடும் ஒவ்வொரு கவிதையும்
உன் பெயர் சொல்லியே அழுகிறது.
ஒரு தாயாக வேண்டாம்
ஒரு செவிலியாகவாவது
இனிப்பூட்டு அந்த புதுக் கவிதைக்கு...

பின்னிட்டீங்க ஆதவா!!!! சிந்தனையின் உச்சம். மாற்றாந்தாயாகவாவது வந்து என்னை விமர்சி!!!!