புதுமைப் பெண்

[ஷீ-நிசி]

எட்டி நிற்கும்
நிலவு மட்டுமல்ல,
சுட்டெரிக்கும்
சூரியனும் தான் நீ!!

முகமூடிகளை
அணியாதவள்!
முகம் வாடி தலை
குனியாதவள்!

உன் விரல் சிந்தும்
வார்த்தைகளோ
ஞானிகளின் ரகம்!

உன் இதழ் சிந்தும்
புன்னகைகளோ,
ராணிகளின் ரகம்!

வாழ்வின் ஒரு பாதி,
கற்றுக்கொள்ளாமலே
பெற்றுக்கொண்டவள்!

மறுபாதி,
பெற்றுக்கொள்ளாமலே
கற்றுக்கொண்டவள்!

தமிழ் மொழியென்றால்
உன் விழிகளிரண்டும்
பரவசமடையும்!

கலாச்சாரமும், பண்பாடும்
உன் மொழிகளிலின்று
மறு பிரசவமடையும்!

இன்று!
பாரதியிருந்தால்
சொல்லியிருப்பான் -நீதான்
புதுமைப் பெண்னென்று!

அன்று,
சொன்னவளுக்கு
இட்டிருப்பான் பேரை
முதுமைப் பெண்னென்று!

[ஓவியன்]

அடடா அருமை ஷீ-நிசி!!
யார் அந்த புதுமைப் பெண் என்பதனை மட்டும் சொல்லாமலே,
ஊகத்திற்கு விட்டது அருமையிலும் அருமை
வாசிப்போர் எல்லோருக்கும் மனதில் ஒரு பிம்பம் தோன்றும்
அப்படித் தோன்றின் அது இந்த கவியின் வெற்றிக்கு மேலும் ஆதாரம்.
எனக்கும் தோன்றியது - வாழ்த்துக்கள்

உன் விரல் சிந்தும்
வார்த்தைகளோ
ஞானிகளின் ரகம்!

உன் இதழ் சிந்தும்
புன்னகைகளோ,
ராணிகளின் ரகம்!

வாழ்வின் ஒரு பாதி,
கற்றுக்கொள்ளாமலே
பெற்றுக்கொண்டவள்!

மறுபாதி,
பெற்றுக்கொள்ளாமலே
கற்றுக்கொண்டவள்!

[ஓவியன்]

ஷீ-நீசி அந்த பாரதியாரின் கோட்டோவியம் உங்கள் கை வண்ணம் தானே அதற்கும் எனது பாராட்டுக்கள்.

கோடுகளைச் சிக்கனமாகப் பாவிக்கும் உங்கள் திறமை ஒன்றே போதும் உங்களை நல்லதொரு ஓவியனாகவும் வெளிப்படுத்த.

[ஷீ-நிசி]

அடடா அருமை ஷீ-நிசி!!
யார் அந்த புதுமைப் பெண் என்பதனை மட்டும் சொல்லாமலே,
ஊகத்திற்கு விட்டது அருமையிலும் அருமை
வாசிப்போர் எல்லோருக்கும் மனதில் ஒரு பிம்பம் தோன்றும்
அப்படித் தோன்றின் அது இந்த கவியின் வெற்றிக்கு மேலும் ஆதாரம்.
எனக்கும் தோன்றியது - வாழ்த்துக்கள்

நன்றி ஓவியன்.. ஊகங்களுக்கு விட்டிருக்கிறேன் என்று நீங்கள் சொன்னது நான் என்ன நினைத்தேனோ அதை நீங்கள் சொல்லிவிட்டீர்கள்...

ஷீ-நீசி அந்த பாரதியாரின் கோட்டோவியம் உங்கள் கை வண்ணம் தானே அதற்கும் எனது பாராட்டுக்கள்.

கோடுகளைச் சிக்கனமாகப் பாவிக்கும் உங்கள் திறமை ஒன்றே போதும் உங்களை நல்லதொரு ஓவியனாகவும் வெளிப்படுத்த.

ஐயய்யோ இல்லை ஓவியரே! நெட்டிலிருந்து சுட்டது அந்த பாரதியாரின் படம்! ஆனால் இதை அப்படியே பார்த்து என்னால் வரைய முடியும்...

[ஓவியன்]

ஐயய்யோ இல்லை ஓவியரே! நெட்டிலிருந்து சுட்டது அந்த பாரதியாரின் படம்! ஆனால் இதை அப்படியே பார்த்து என்னால் வரைய முடியும்...

பரவாயில்லை நீங்கள் ஓரு ஓவியரும் கூட என்று தெரிந்தமையால் தான் அப்படிக் கூறினேன்.

[அக்னி]

பாரதி கண்ட புதுமைப் பெண்...
அது... அன்று..,
பெண்விடுதலையின் தொடக்கம்...
ஷீ-நிசி காணுகின்ற புதுமைப் பெண்...
இது... இன்று..,
பெண்கொண்ட சிறப்புக்களின் அடக்கம்...

மேலும், உங்கள் தமிழ் தளைத்தோங்கட்டும்...

[ஷீ-நிசி]

பாரதி கண்ட புதுமைப் பெண்...
அது... அன்று..,
பெண்விடுதலையின் தொடக்கம்...
ஷீ-நிசி காணுகின்ற புதுமைப் பெண்...
இது... இன்று..,
பெண்கொண்ட சிறப்புக்களின் அடக்கம்...

மேலும், உங்கள் தமிழ் தளைத்தோங்கட்டும்...

நன்றி அக்னி.....

[அன்புரசிகன்]

இந்த மரமண்டைக்கு இலகுவாக விளங்கிய கவி. பாராட்டுக்கள் நிஷி.

அன்று மட்டுமல்ல இன்றுமே முதுமைபெண்கள் உள்ளனர். ஆனாலும் சிலர் தத்துவம் கூறுகின்றனர். தமது மனைவிமாரை அடக்கியாழ்வதிலேயே குறியாக இருக்கின்றனர்.

[ஷீ-நிசி]

இந்த மரமண்டைக்கு இலகுவாக விளங்கிய கவி. பாராட்டுக்கள் நிஷி.

அன்று மட்டுமல்ல இன்றுமே முதுமைபெண்கள் உள்ளனர். ஆனாலும் சிலர் தத்துவம் கூறுகின்றனர். தமது மனைவிமாரை அடக்கியாழ்வதிலேயே குறியாக இருக்கின்றனர்.

நன்றி அன்புரசிகரே!

[சக்தி]

புதுமைப்பெண்
யாரவள்
எங்கே இருக்கிறாள்
பாரதி முதல்
ஷீ�-நிஷி வரை
தேடிக்கொண்டிருக்கிறோம்
கவிதைகளில் மட்டும்.
மதம், இனம், ஜாதி
இவைகளைத் தாண்டி
ஒரு புதுமைப்பெண்?????
ம்ம்ம்(மனதின் ஏக்கப் பெருமூச்சு)
கனவு மெய்ப்பட வேண்டும்
ஆம்
பாரதி,ஷீ-நிஷி மற்றும்
நமது கனவும்
மெய்ப்படவேண்டும்.

[ஷீ-நிசி]

நன்றி ரோஜாராஜா....

[ஓவியா]

வாழ்வின் ஒரு பாதி,
கற்றுக்கொள்ளாமலே
பெற்றுக்கொண்டவள்!

மறுபாதி,
பெற்றுக்கொள்ளாமலே
கற்றுக்கொண்டவள்!

ஷி,

இதை கொஞ்சம் விளக்குங்களேன். பின் விமர்சனம் போடுகிறேன்.

நன்றி.