நல்லதைக் கண்டு ரசித்துவிட்டு - ஒன்றும்
சொல்லாமல் போவது பாவம்!
நல்ல நண்பர் நம் மன்றத்தில் எனக்கு
சொல்லித் தந்த பாடம்!
(இது வெண்பா அன்று பூர்ணிமா- இன்னும் அது எனக்கு வசப்படவில்லை..
முதல் கவளம் வாயில்..
மறுகணம் சமையல் பற்றி கருத்து..
உண்ணும்போது என் பழக்கம் இது..
அதே பழக்கம் - பணியிலும் மன்றத்திலும்...
கற்றுக்கொடுத்தவருக்கு நன்றியாய் என்றும் என்னுடன் இருக்கும்..
நன்றி உங்கள் பின்னூட்ட வெண்பாவுக்கு..)
எத்தனை மனிதர்கள் உலகத்திலே...
எத்தனை உலகங்கள் இதயத்திலே...
சற்றே மாற்றிப் பார்த்தேன் - வெண்பாவுக்காய்..Originally Posted by இளசு
நல்லதைக் கண்டு ரசித்திட்டு ஒன்றுமே
சொல்லாமல் போவது பாவம் - இதைசொன்ன
நண்பரின் பாடம் படிநடந்தேன் மன்றத்தில்
வெண்பா வருமா எனக்கு.
பி.கு : உலகத்தில் வசப்படாதது என்று எதுவுமே இல்லை.இன்னும்
நாம் அதைக் கற்றுக் கொள்ளவில்லை அவ்வளவே..
Last edited by poornima; 26-07-2008 at 02:41 PM.
ஆஹா!
உங்கள் அடி ஒற்றி நடந்தால் விரைவில் வெண்பாவும் வசப்படலாம்..
நன்றி + பாராட்டுகள் பூர்ணிமா!
எத்தனை மனிதர்கள் உலகத்திலே...
எத்தனை உலகங்கள் இதயத்திலே...
உங்கள் விருப்பப்படி உங்கள் அனுமதியின்றி
தளைத் திருத்தம் செய்யப்பட்டது
சொல்லித் தந்திடநாம் - தளை தவறுவதாக எண்ணுகிறேன். தெரிந்தவர்கள் விளக்குமாறு கேட்டுக்கொள்கிறேன்.
இடமெல்லாம் சிறப்பாய் - இங்கும் ஐயமாக உள்ளது.
வெண்பா விலக்கணம் வேகமாய்க் கற்றிட
நண்பனே நம்மிடையே ஆசிரியர் உண்டிங்கு
அன்பாய் அதைஅவர் சொல்லித் தரவேநாம்
வெண்பா வடிக்கலாம் வா.
நல்லார் பதிவுக்கும் நல்லபடி பாராட்டி
எல்லார் பதிவிலும் பின்னூட்டி - செல்லும்
இடமெல்லாம் சீராய் பதில்தந்து ஊக்குவிக்கும்
இன்முக நண்பரி ளசு.
இப்படித்தான் வரவேண்டும்.
இந்தத்திரி முழுவதும் வாசித்தேன். எவரும் தொடங்கிய பாடத்தைத் தொடரவும் இல்லை முடிக்கவும் இல்லை.
இடையிடையில் சிலரது வெண்பாக்கள் தளையும் சீரும் தனிச்சீரும் ஒத்துவராமல் வெண்பா இலக்கணம் திணறியும் இருக்கின்றன.
வெண்பா எழுத இலக்கணம் இலேசாகத் தெரிந்தால் போதும். எழுத எழுதத் தான் அது நம் கைவரும்.
சுருக்கமாக ஒரே பதிவில் வெண்பா இலக்கணம் சொல்லிவிடுகிறேன்.
பொதுவான பலவகை வெண்பா இருப்பினும் ஒருவிகற்ப இருவிகற்ப பலவிகற்ப நாலடி வெண்பாக்கள் மட்டுமே எளிமையானதும் கைவரப்பெற்றதும் ஆகும்.
மிக முக்கிய கருத்துகள். நினைவில் வைக்கவேண்டியவை. இவை போதும் வெண்பாவுக்கு. ( ஆச்சரியமா இருக்கா..? பொறுங்க.. )
1. நான்கு அடிகள். முதல் மூன்று அடிகள் நாற்சீர். இறுதி அடி முச்சீர்.
உ - ம்
பாலும் தெளிதேனும் பாகும் பருப்புமிவை
நாலும் கலந்துனக்கு நாந்தருவேன் - கோலம்செய்
துங்கக் கரிமுகத்துத் தூமணியே நீயெனக்கு
சங்கத்த மிழ்மூன்றும் தா.
2. முதல் இரண்டு அடிகளும்
முதல் சீரிலும் இரண்டாம் அடியின் நான்காம் சீரிலும் ( அது தனிச்சொல் (-) இடப்பட்டு காண்பிக்கப்படும்)
அடுத்த மூன்றாம் நான்காம் அடியின் முதல் சீரும்
எதுகை இருத்தல் நலம்.
உதாரணம் :
பாலும் நாலும் கோலம்செய்
துங்க சங்க
3.கடைசி சீர் (அதாவது நான்காம் அடியின் மூன்றாம் சீர் )
ஒற்றைச்சீராக அமைதல் நலம். உதாரணம் : நாள் மலர் காசு பிறப்பு
நாள் = நேர்
மலர் = நிரை
காசு = நேர்பு
பிறப்பு = நிரைபு
இதே வாய்பாட்டில் தான் இறுதிச் சீர் அமைதல் வேண்டும்.
4. மிக முக்கியமானது:
வெண்பாக்களில் தளை மிக முக்கியம். வெண்டளை என்னும் வெண்பாக்குரிய தளைகள் மட்டுமே வரவேண்டும்.
அவை :
நேர் முன் நிரை ( மா முன் நிரை )
நிரை முன் நேர் ( விளம் முன் நேர் )
மூச்சீரின் இறுதி நேர் முன் நேர் ( காய் முன் நேர் )
முச்சீரில் கனிச்சீர் வராது அதாவது மூன்றாம்சீர் நிரையாக வராது.
5, மோனைகள் முடிந்தவரை இயல்பாக வரலாம் வரவில்லை என்றாலும் பாதகமில்லை.
இப்போது மீண்டும் நான் மேலே தந்த உதாரணத்தை இவ்விளக்கமுடன் பொருத்திப்படித்து புரிந்துகொண்டு எழுத முயலலாம்.
இந்த ஐந்து பாயிண்ட்களை மனதில் வைத்தால் போதும். நீங்கள் வெண்பா எழுதலாம்..!!
Last edited by கலைவேந்தன்; 12-04-2012 at 04:29 AM.
இக்கட்டு வாழ்க்கையில் ஆயிரம் இருந்தாலும்
விக்கெட்டு வீழ்ந்ததென விம்முகிறார்- திக்கெட்டும்
தீராப் பிணிபோல் பரவும் கிரிக்கெட்டை
வேரோடு சாய்த்திடுவோம் வா.
வெண்பா எழுதி எனக்கு அவ்வளவாகப் பழக்கமில்லை. மேலே கண்ட வெண்பாவில் குறையிருப்பின் , சுட்டிக் காட்டவும்.
Last edited by M.Jagadeesan; 12-04-2012 at 02:43 AM.
இருந்தமிழே உன்னால் இருந்தேன் இமையோர்
விருந்தமிழ்தம் என்றாலும் வேண்டேன்.
ஆயிரம் இருந்தாலும் - நிரையொன்று ஆசிரியத்தளை வந்துள்ளதே ஐயா.
ஆயிரம் என்றாலும் --- என்று இருந்தால் இயற்ச்சீர் வெண்டளை வந்து வெண்பா சரியாகிவிடும் ஐயா.
மற்றபடி எல்லாம் சரியாக உள்ளது. நாள் என்ற வாய்பாட்டில் முடித்துள்ளீர்கள். நல்ல வெண்பா ஜெகதீசன் ஐயா
பாராட்டுகள் ஜகதீசன். இன்னும் நிறைய எழுதுங்கள். செந்தமிழும் நாப்பழக்கம்.
வழிகாட்டியமைக்கு நன்றி கலைவேந்தன்!
இருந்தமிழே உன்னால் இருந்தேன் இமையோர்
விருந்தமிழ்தம் என்றாலும் வேண்டேன்.
There are currently 1 users browsing this thread. (0 members and 1 guests)
Posting Permissions
Reply With Quote
Bookmarks