தமிழ், இலக்கண சந்தேகம்.

[ஷீ-நிசி]

திடீரென்று எனக்கு ஒரு சந்தேகம் தோன்றியது நண்பர்களே!

எங்கெங்கே இரண்டு சுழி 'ன' அல்லது மூன்று சுழி 'ண' போடவேண்டும் என்று சிறுவயதில் படித்ததினிமித்தம் அதனடிப்படையில் நான் பதிக்கிறேன் முடிந்த அளவு சரியான வார்த்தைகளை உபயோகிக்கிறேன்.

இலக்கணப்படி எப்படி அமைக்கவேண்டும் சரியான வார்த்தைகளை?

உதாரணத்திற்கு..

தகவள் - தவறு
தகவல் - என்பதுதான் சரி...

ஏன் இந்த 'ள்' இங்கே உபயோகிக்ககூடாது.. ஏன் இந்த 'ல்' தான் உபயோகிக்கவேண்டும். என்னிடம் விடை இல்லை.. நண்பர்களே! உங்களுக்கு தெரிந்தால் எனக்கு உதவுங்கள்..

[ஓவியன்]

இன்னுமொரு தமிழ் செப்பனிடும் திரியா?

நல்லது, ஷீ - நிசி நல்லது.

இங்கும் என் பங்கிருக்கும்.

[ஷீ-நிசி]

நம் தமிழ் ஆசான்கள் அந்த நாளிலே தீர்மானித்து நமக்கு கற்றுக்கொடுத்திருக்கிறார்கள்.. அவர்கள் ஏதோ இலக்கணத்தின் படிதான் நமக்கு வார்த்தைகளை வரைமுறைப்படுத்தியிருப்பார்கள்.. அது எப்படி? எவ்விலக்கணத்தின்படி? அந்த சூட்சுமம் தெரிந்துக்கொண்டால் எந்த இடத்தில் மூன்று சுழி 'ண' இரண்டு சுழி 'ன' 'ழி' 'லி' 'ளி' ஆகியனவற்றை எங்கே உபயோகபடுத்துவது என்று பழகிவிடும்.

நண்பர்களே பதில் கூறுங்கள்!

[விகடன்]

எனக்கு சொற்பளவிலான இலக்கணந்தான் தெரியும் நண்பரே. உங்களுடைய துரதிஸ்டம், எனக்குத்தெரிந்ததில் இந்த "ல்", "ள்" ,"ழ்" விடயம் இல்லை.


தெரிந்திருக்கும் பட்சத்தில் கட்டாயம் களமிறங்குவேன்.

உங்களின் இந்த திரி சிறப்புடன் வளர எனது வாழ்த்துக்கள்.

[ஓவியன்]

உண்மை தான் ஷீ - நிசி, ஆனால் எனக்கு தமிழ் இலக்கணத்தில் அந்தளவு பரீட்சயமில்லை.

ஆனால் நம்ம நண்பர்கள் வந்து சரியான தகவல் தருவார்களென நினைக்கின்றேன்.

[crisho]

ஏதோ பாமரன் என் அறிவுக்கு எட்டியதை கூறுகிறேன்....
"ல", "ள", "ழ", "ல்", "ள்" ,"ழ்" -
இவ் எழுத்துக்கள் அதன் உச்சரிப்பு தன்மையை ஒட்டி மாறுபடுகின்றன.

தமிழர் நாம் இவ் உச்சரிப்புக்கு முக்கியத்துவம் கொடுப்பது அறிது (வாழைப் பழம் என்று உச்சரிப்பதற்கு பதிலாக வாலைப் பலம் என்று பேச்சு நடையில் சொல்கிறேம்) ஆனால் மலையாளிகள் (கேரளத்த்தவர்) இதற்கு விதி விலக்கு!!

என்னால் "ன", "ண", "ந" எப்படி கையாளப்படுகிறது என்றறியாமலுள்ளேன்!!

[பரஞ்சோதி]

நல்ல திரி ஷீ-நிசி

எனக்கும் ரொம்ப சந்தேகங்கள் உண்டு.
ஆனா பாருங்க தட்டச்சு செய்யும் போது தவறாக போட்டால் என்னை அறியாமல் அது ஏதோ போல் தோன்றும், உடனே மாத்திடுவேன்.

[ஷீ-நிசி]

ஆமாம் பரம்ஸ்.. எனக்கும் அதுபோல் நேரிடும், இரண்டுமுறையாவது என் பதிப்பை திருத்திவிடுவேன்..

[பரஞ்சோதி]

ஆஹா!

அப்போ நாம எல்லாம் ஒரே பாணியைத் தான் கடைப்பிடிக்கிறோம்.

என்னுடைய பிரச்சனை எல்லாம் ஒற்று எழுத்துக்களில் தான் வரும், க், ச், ப் எல்லாம் எப்போ போடுவது, எப்போ போடக்கூடாது என்று தெரியாது.

[ஷீ-நிசி]

தமிழ் என்றால் படிக்கும்போதே ஆர்வம், என் கட்டுரை நோட்டில் ஆசிரியரால் ஒன்றிரண்டு எழுத்துப்பிழையே காணமுடியும். ஆனால் இணையத்தில் தட்டச்சு செய்யும்போது என்னையும் அறியாமலே தவறுகள் சில பிழைகள் நிகழ்கின்றன... அதனால் ஒன்றிற்கு இரண்டுமுறையாவது பதிவை சரிபார்க்க வேண்டியுள்ளது.

[பரஞ்சோதி]

பள்ளி படிக்கும் போது தவறு செய்தால் அடியும், மதிப்பெண்கள் குறையும்.

இங்கே யாருமே தட்டிக் கேட்க ஆள் இல்லை என்ற எண்ணமும், வேகவேகமாக பதில் கொடுக்க நினைப்பதுவே தவறுகளுக்கு காரணமாக அமைகிறது.

[ஷீ-நிசி]

மிகச் சரியா சொன்னீங்க பரம்ஸ்