தமிழ், இலக்கண சந்தேகம்.

[தாமரை]

ழ, ள, ல ஆகியவற்றிற்கு உச்சரிப்பு விதிகள் உள்ளன. ஆனால் இந்த வார்த்தைக்கு இந்த எழுத்தை உப்யோகிக்கவேண்டும் என வார்த்தை உருவாகும்பொழுது நிர்ணயிக்கப்படுகிறதென எண்ணுகிறேன்..

ண, ன, ந ஆகியவற்றிற்க்கு ஒரு விதி...

பந்தி, நந்தி, சந்தி, கந்தி.. மந்தி..

த விற்கு முன்னால் நகர ஒற்று வரும்
மண்டி, சண்டை, கெண்டை, என டகரத்திற்கு முன்னால் ணகர ஒற்று வரும்..

கன்று, மென்று, கொன்று, சென்று என றகரத்துக்கு முன் னகர ஒற்று வரும்.. அதனாலேயே இவை டண்ணகரம், தந்நகரம், றன்னகரம் என அழைக்கப் படுகின்றன.
www.thedmk.org உள்ள இலக்கணப் புத்தகம் எங்கு இவை உபயோகப்படுத்தப் படலாம் என சில ஆலோசனைகளைத் தருகின்றன

முழு விதிகள் ... தேடித் தேடிப் பார்க்கிறேன்..

[mukilan]

அருமையான விளக்கம் வாத்தியார் சார்!!! எங்கே போயிருந்தீங்க இவ்ளோ நாளா?

[விகடன்]

புதியதோர் பாடம்... எனக்கு

நன்றி செல்வன்

[மனோஜ்]

இதுவு எனக்கு தகரறாறு தான் நல்ல பதிவுகள் நன்றி

[இளசு]

ஷீ தொடங்க, செல்வன் பாடம் எடுக்க
மற்றொரு பயனுள்ள திரி..

பாராட்டுகள் நண்பர்களே..

நானும் கற்றுக்கொள்கிறேன்..

தொடருங்கள்... விளக்கம் கேட்போரும், அளிப்போரும்!

மன்றத்தில் ஒன்று சொல்லி நான் நம் நண்பர்களிடம் வசமாய் மாட்டிய சம்பவம் ஒன்று உண்டு..

பொருள் - இதன் பன்மை என்ன எனக்கேட்கப்பட்டது.

வாள், நாள் இதைச்சுட்டி நான் பொருட்கள் சரி எனச் சொன்னேன்.

நண்பர்கள் தமிழ் அகராதியில் பொருள்கள் என்பதே சரியான சொல்லாய்த் தரப்பட்டிருக்கிறது எனச் சுட்டினார்கள்..

அந்தப்பதிவைத் தேடி கிடைக்கவில்லை... மேல்விளக்கம் அளிக்க..


செல்வன், ராகவன் உள்ளிட்ட நம் நண்பர் குழு இதை விளக்கி
என் பிழையைத் திருத்த உதவவேண்டும்.. நன்றி!

[ஓவியா]

அருமையான திரி, எனக்கு முக்கியமான திரி,
நன்றி ஷி-நிஷி.

செல்வன் அண்ணா பாடம் ஆரம்பம்.........தூள்

ஓவியா எஸ்கேப் (பரிட்சை)

[leomohan]

நானும் கற்க ஆவலாக இருக்கிறேன்.

ஒரு எழுத்து அதிகப்படியாக நடுவில் பயன்படுத்தப்படுகிறதா முடிவில் பயன்படுத்தப்படுகிறதா அல்லது முதலில் பயன்படுத்தப்படுகிறதா என்பதை ஒட்டியே வல்லினம் இடையினம் மெல்லினம் எழுத்துக்கள் அமைக்கப்பட்டுள்ளன என்பது என் கருத்து.

மொழி ஆராய்ச்சி எப்போதுமே இனிமை தான்.

[ஓவியா]

பள்ளி படிக்கும் போது தவறு செய்தால் அடியும், மதிப்பெண்கள் குறையும்.

இங்கே யாருமே தட்டிக் கேட்க ஆள் இல்லை என்ற எண்ணமும், வேகவேகமாக பதில் கொடுக்க நினைப்பதுவே தவறுகளுக்கு காரணமாக அமைகிறது.

நன்றாக சொன்னீர்கள்.

இதை எப்படி நிவர்த்தி செய்யலாம் அண்ணா???

இப்பொழுதெல்லாம் தங்களின் பதிவுகளில் ஊசிபோல் கருத்துக்களை வைத்துதான் செல்கின்றீர்கள். நன்றி.

[இளசு]

நானும் கற்க ஆவலாக இருக்கிறேன்.

ஒரு எழுத்து அதிகப்படியாக நடுவில் பயன்படுத்தப்படுகிறதா முடிவில் பயன்படுத்தப்படுகிறதா அல்லது முதலில் பயன்படுத்தப்படுகிறதா என்பதை ஒட்டியே வல்லினம் இடையினம் மெல்லினம் எழுத்துக்கள் அமைக்கப்பட்டுள்ளன என்பது என் கருத்து.

மொழி ஆராய்ச்சி எப்போதுமே இனிமை தான்.

அட...அருமை!
இன்னும் விளக்கம் தாருங்கள் மோகன்...

[leomohan]

லாவகமாய் - இதில் ள முதலில் வருவதில்லை. ஆக ல முதலாக அதிகம் பயன்படுத்தப்படுகிறது. கல் செல் போன்றவை விதிவில்ககு.

ள - பெரும்பாலும் பன்மை குறிக்க உதவுகிறது.
கற்கள் சொற்கள் - ஆனால் முதலாக பயன்படுத்தபடுவதில்லை.
கள்வன் - நடுவிலும் வருகிறது.

ந - முதலாக வார்தைகளில் அதிகம் பயன்படுகிறது. நண்பன். நல்லவன்.

ன - பெரும்பாலும் ன் ஆகவும் ன வாகவும் முடிவில் பயன்படுத்தப்படுகிறது. நடுவிலும் வருகிறது. ஆனால் துவக்கத்தில் வருவதில்லை.

நண்பன் நல்லவன். நல்லவந் என்று சொல்வதில்லை. விதிவிலக்கு கன்று நன்று வென்று போன்றவை

ண - ஆரம்பத்திலும் முடிவிலும் அதிகம் வருவதில்லை. கண் மண் போன்றவை விதிவிலக்கு. கண்டு போன்ற வார்த்தைகள்.


இது என்னுடைய observation தான். முறையாக நான் இலக்கணம் கற்கவில்லை.

[இளசு]

இது என்னுடைய observation தான். முறையாக நான் இலக்கணம் கற்கவில்லை.

கூர்ந்து கவனித்தல் - முறையான கற்றலுக்குச் சளைத்ததில்லையே மோகன்..

தொடர்ந்து பகிருங்கள்.. நன்றி!

[ஆதவா]

என்னங்க ஷி!! இப்படி திரி திரி யா கொழுத்தி வுட்டு என் மனசுல பொறாமை வளர்த்தீட்டீங்களே!!!.....

வாழ்த்துக்கள்... அவ்வப்போது வந்து எட்டிப் பார்த்துக்கொள்கிறேன்.. எனக்கும் பல இடங்களில் பிரச்சனை வந்துட்டுது.