♔. ராஜாவின் ரவுசு பக்கம்..!

**ராஜா** · 13-12-2006, 03:09 AM

புத்தாண்டு சிறப்பு விற்பனை..வாய்ப்பை நழுவ விடாதீர்.நாய்கள் சிறப்பு விற்பனை..

மிகக் குறைந்த விலையில் வீட்டு நாய்கள்... இரவில் குரைத்து உங்கள் தூக்கத்தை கெடுக்காது.. நீங்கள் காலையில் எழுப்பும் வரை தூங்கக் கூடியது..

எந்த உணவு கொடுத்தாலும் தின்னும்.. குழந்தைகள் என்றால் கொள்ளை விருப்பம்..

காட்டு ராணி வீட்டுப் பிராணி விற்பனை நிலையம்.
____________________________________________________

மாமியாரைக் கடிக்க பயிற்சி பெற்ற நாய்கள் விற்பனை முன்பதிவு முடிந்து விட்டது

**ராஜா** · 13-12-2006, 03:10 AM

புத்தாண்டு சிறப்பு விற்பனை..வாய்ப்பை நழுவ விடாதீர்.

அக்கப்போர் கார்ஸ். எங்களிடம் வாங்கும் கார்களுக்கு இலவசமாக கயிறு தருகிறோம்.
ஒருமுறை எங்களிடம் கார் வாங்கிப் பாருங்கள்.. அப்புறம் நீங்கள் வேறு "எங்குமே" போக மாட்டீர்கள்..!!!

புத்தாண்டு சிறப்பு சலுகை ; 1 முதல் 3 தேதிகளில் வாங்கும் கார்களுக்கு ஆயுட்கால தள்ளி விடும் சேவை இலவசம்.
_________________________________________________________

வேறு எங்கும் சென்று ஏமாறாதீர்கள்.. முதலில் எங்களிடம் வாருங்கள்..!!

**ராஜா** · 13-12-2006, 03:12 AM

புத்தாண்டு சிறப்பு சலுகை..வாய்ப்பை நழுவ விடாதீர்.

கம்சன் குழந்தைகள் பராமரிப்பு நிலையம்.

அலுவலகம் செல்லும் தாய்மார்களே..! ஊர் சுற்றும் தந்தைமார்களே..!

உங்களுக்கு ஒரு நற்செய்தி. உங்கள் குழந்தைகளை காலை முதல் மாலை வரை நாங்கள் கண்ணும் கடுப்புமாய் கவனித்துக் கொள்கிறோம்..

அன்பான ஆயாக்கள்.. உடனடி ஆம்புலன்ஸ் வசதி.!!!

குழந்தைகள் விளையாட ஏற்பாடு.. கார்ட்டூன் சீட்டுக் கட்டுகள்..!!!

சென்னை குப்பத்து பாஷை இலவசமாக கற்றுத் தருகிறோம்..!
___________________________________________________________
முதல் 25 குழந்தைகளுக்கு லாக்-அப்பில் காவலர்களை சமாளிக்கும் வித்தை போதிக்கப்படுகிறது.

**ராஜா** · 13-12-2006, 03:13 AM

புத்தாண்டு சிறப்பு விற்பனை..வாய்ப்பை நழுவ விடாதீர்.ரூ.

217. 25 க்கு 27 இலவச பொருள்கள்..

1. பலாப்பழ தோலில் பஜ்ஜி தயாரிக்கும் இயந்திரம்.

2. பச்சை மிளகாய் அல்வா பாக்கெட்.

3. மாமியார் தொட்டால் ஷாக் அடிக்கும் ரேடியோ.

4. இரண்டு இறக்கை விசிறி..( பனை தொழிலாளர்கள் தயாரிப்பு.)

5. இரு சக்கர தள்ளு வண்டி..( பனை தொழிலாளர்கள் தயாரிப்பு.)

6. ஸ்கேட்டிங், ஜிம்னாஸ்டிக் பயிற்சி முறை.( பழம் உள்ளடங்கியது)

7. இருமும் தொல்லையையும், சளி பிரச்னையையும் உண்டாக்கும் இடத்தை இறுக்கி பிடிக்கும் மூன்று முழ உத்தர தொங்கி.

மற்றும் 20 நாய் விரட்டிகள்.
__________________________________________________________
இந்த விளம்பரத்தை வெட்டி எடுத்து வருபவர்களுக்கு கீழ்ப்பாக்கத்தில் இலவச அனுமதி கூப்பன்.

வெளியூர் வாடிக்கையாளர்களுக்கு வல்லவன் பட டிக்கட்டும், பழைய வாடிக்கையாளர்களுக்கு தர்மபுரி பட டிக்கட்டும் இலவசம்.

**ராஜா** · 13-12-2006, 03:15 AM

புத்தாண்டு சிறப்பு விற்பனை..வாய்ப்பை நழுவ விடாதீர்.

அமீனா அபார்ட்மெண்ட்ஸ்..

மாதம் 1234 வீதம் 4321 மாதங்கள் செலுத்தி வாருங்கள்..!

சென்னைக்கு மிக அருகில் சீட்டட் வீட்டடி மனைகளை சொந்தமாக்கிக் கொள்ளுங்கள்..

மனையின் சிறப்பம்சங்கள்..

கூப்பிடு தூரத்தில் கோவையும் திரும்பி பார்த்தால் திருச்சியும் மிக அருகில் அமையப்பெற்ற மனைகள்.

10 நிமிட ஹெலிகாப்டர் பயண தூரத்தில் பல்லாவரம்.

123456789 அடி ஆழத்தில் அருமையான அமெரிக்க குடிநீர்..

மனை தொடர்பான விவாதங்களுக்கும் சந்தேகங்களுக்கும் அருகில் உள்ள மதுரை உயர்நீதி மன்றக் கிளையிலேயே தீர்வு காண வசதி.
--------------------------------------------------------------------------
, அபூர்வ ஊர்வன வகைகள் பண்ணை, படகு குழாம், நீர் விளையாட்டுகள்..முதலிய வசதிகள் வருடத்துக்கு 2 மாதம் இலவசம்.

**ராஜா** · 13-12-2006, 03:18 AM

புத்தாண்டு சிறப்பு திரைப்படம்..காண (த)வராதீர்கள்..!

லிட்டில் 'டூப்'பர் ஸ்டார் வம்பு பாடி, ஆடி, ஓடி, இயக்கி, மயக்கி, கலக்கி, நசுக்கி நடிக்கும்...

அய்யோ சாமி பிக்சர்ஸ்.. வழங்கும்..

தப்பு இசை தென்றல் தலையிடி இசை ஒப்பாரியில்..

தமிழின் முதல் 4டி திரைப்படம்..

"உள்ளே வந்தா உதைப்பேண்டா" (anti dts).

பயங்கரமான பாடல்கள்.. கண்ணுக்கினிய வசனங்கள்.. கண்ணீர் வரவழைக்கும் காமெடி.. மனதைத் தொடும் வில்லத்தனம்..

_____________________________________________

டாய்லெட்டில் கூட்டம் அதிகமாக இருப்பதால் அவசர நிலையை அனுசரித்து கதவு திறந்து விடப்படும்.
படத்தின் இடையில் எக்காரணத்தைக் கொண்டும் தியேட்டரை விட்டு ஓட அனுமதி கிடையாது.

**ராஜா** · 13-12-2006, 03:21 AM

புத்தாண்டு சிறப்பு நிகழ்ச்சிகள் .

"அய்யோ" தொலைக்காட்சி வழங்கும் அசத்தல் நிகழ்ச்சிகள்..

காலை 6.00 மங்கள இசை.
கொலைகாரன் பேட்டை குணக்கொடி குழுவினர் நாதஸ்வரம்..

காலை 7.00 சிறப்பு உதைக்கும் உத்தரப் பிரதேசம்..
விருந்தினர்.. முத்தமிழ் மொத்துநர் (மீசை) முளைக்காத சிங்கம் மாதவம்.

காலை 9.00

வெட்டி மன்றம்..நடுவர் திரு.சோளமா கேப்பையா

தலைப்பு வம்பு காதல் முறிவு..

நம்புபவர்கள் நாங்கள்.. அணித்தலைவர் ..முனைவர் சொனைகோல் பாண்டியன்
மற்றும் புளுகர் பொன்னையா, அழுகை அனிதா.

வெம்புபவர்கள் நாங்கள்அணித்தலைவர் அறுவை அரசர் அரைப் பட்டினி தாசன்.
மற்றும் கொலைப் பட்டினி குணா, முறைவாசல் முனியம்மா.

11.00 மணி.

சீலம் மிகு செயலட்சுமி..

போலிஸ் புகழ் செயலட்சுமியின் புலம்பல்கள்..

பகல் 3.00

கடலை கன்னியப்பனின் ஊமை கானா..

மாலை 5.00

உலகத் தொலைக்காட்சிகளில் ஒன்பதாவது முறையாக.. திரைக்கு வந்து இரண்டே ரீல்கள் ஒடி டப்பா ஆன சூப்பர் ஹிட் திரைப்படம்..

டண்டான் டமுக்குடா..

**ராஜா** · 13-12-2006, 03:22 AM

புத்தாண்டுக்கு முதல்நாள்.. மனைவி சொன்னாள்..

என்னங்க.. நீங்க புத்தாண்டுக்கு வைர நெக்லேஸ் வாங்கி தர்ற மாதிரி கனவு கண்டேன்.. அதுக்கு என்னங்க அர்த்தம்..

அப்படியா.. நாளை வரை பொறு.. தெரிந்து கொள்வாய்..!

மறுநாள் ஒரு பரிசுப் பொட்டலத்துடன் கணவன் வீட்டுக்கு வந்தான்.. மனைவி எந்நாளும் போல் இல்லாமல் வாசலுக்கு வந்து வரவேற்று உபசரித்தாள்.. புரிந்து கொண்ட கணவன் புன்னகைத்தான்.. பொட்டலத்தை தந்தான்.. மனைவி மகிழ்வுடன் வாங்கி மட்டற்ற ஆவலுடன் பிரிக்க.. உள்ளே இருந்தது...

மணிமேகலை பிரசுரத்தின் ' கனவுகளின் அர்த்தங்கள்' என்னும் நூல்.