கண்ணீர் காலம்....

[மஞ்சுபாஷிணி]

துளி - 2

நீ இருக்கும் வரை
காதல் கண்ணுக்கு தெரியவில்லை
அழகானவை மட்டுமே
எப்போதும் முதலாய்...
.

மனதை அறியுமுன் கண்ணுக்கு எதிரே தெரியும் அழகு தான் ஆக்கிரமிக்கிறது எல்லாவற்றையும்.....

அருமைப்பா...

[பென்ஸ்]

பின்னூட்டதிக்கு நன்றி மஞ்சுபாஷிணி..
புதியவர்களின் கவிதைகளுக்கும் இது போல்
அசத்தல் பின்னூட்டம் கிடைத்தால் சந்தோசபடுவார்களே.....
தொடருங்கள் இந்தநல்ல பணியை...

[Sasi Dharan]

காதலும்... காதல் நினைவுகளின் தனிமைகளும்..
என்றென்றும் சுகமான வலிகள்..

[பென்ஸ்]

துளி-12

இரண்டு கனவுகளுக்கும் இடையில்
என் இதயத்தின் காதலை பிழிந்து
உன் பயணத்தின் தாகத்தை தீர்க்கின்றாய்..

சக்கையான என் இதயத்தில்
உன்கனவுகளின் காலடியும் ,
என் கனவுகளின் காலடியும்
கல்யாணம் செய்திருப்பதை கவனிக்காமல்
எஞ்சி வடிந்தவற்றை துடைத்து செல்கிறாய்...

[ஓவியன்]

துளி-12
சக்கையான என் இதயத்தில்
உன்கனவுகளின் காலடியும் ,
என் கனவுகளின் காலடியும்
கல்யாணம் செய்திருப்பதை கவனிக்காமல்
எஞ்சி வடிந்தவற்றை துடைத்து செல்கிறாய்...

கனவுகளின் சுவடுகளின் சுமையை,
கனமாகப் பதித்து நிற்கும் கவிதை...!!!

வாழ்த்துகள் அண்ணா..!!

[கும்பகோணத்துப்பிள்ளை]

கனவுகளின் காலடிச்சுவடுகள் கனமானது
காதல்மாறினாலும் காதலர்(கள்) மாறினாலும் மாறாமல்!...
எத்தனை இதயக்கோவில்களில் இராமர்பாதமாய்!
அவைகள் இருந்து கொண்டேயிருக்கும்!
வாழுமட்டும் அந்த சுமைகளோடு!...

[jpl]

//ஞாபகக் கண்ணாடி எடுத்து அணிய வைத்து வாசிக்க வைத்துவிட்டீர்கள்..//

அழகான மாற்று மலரும் நினைவுகளுக்கு..இளசு..

[jpl]

துளி - 1

நினைவுகளை தழுவிகொண்டு
நான் காத்திருக்க
யதார்தத்தின் கையை
நீ பிடித்து நடக்கையில்
நம் காதல் மட்டும் அனாதையாய்..

அனாதைக்கு இப்படி ஓர் ஆதரவு..ஆம் கவிதை என்னும் ஆதரவு..

[jpl]

துளி - 2

நீ இருக்கும் வரை
காதல் கண்ணுக்கு தெரியவில்லை
அழகானவை மட்டுமே
எப்போதும் முதலாய்...
.

காதலே அழகுதானே பென்ஸ்..அதைவிட அப்பெண் அழகா? ஓ காதலுக்கு கண்ணில்லையோ?

[jpl]

துளி - 3

முத்தங்கள் கரையாதிருக்க
சரவம் செய்யாத
என் முகம் கண்டிராவியாம்

நீ கோதி விட்ட தலை முடி
வாரபடாவிட்டால் அழகில்லையாம்

உன்மணம் தேய்ந்த இந்த சட்டை
துவைக்கபட வேண்டுமாம்

பிரிவில் அழுகிறாயோ என்று
நிதமும் நினைத்து கொண்டிருபவன்
மற்றவருடன் சிரிக்கவில்லையாம்

பைத்தியங்கள்...
இவர்களுக்கு என்னை பார்த்து
சிரிக்க மட்டுமே தெரியும்..
காதலிக்கட்டும்
அப்ப புரியும்...

//முத்தங்கள் கரையாதிருக்க
சரவம் செய்யாத
என் முகம் கண்டிராவியாம்//

மனம் ஏனோ கரைகின்றது பென்ஸ்..

[jpl]

துளி - 4

திரும்பி பார்க்காதே
ஒருவேளை உன் கண்ணில்
ஈரம் இருந்தால்...!!!

இந்த ஆறு வார்த்தைகளும் ஆறாயிரம் வார்த்தைகளைச் சொல்கிறதே..பென்ஸ்

[jpl]

துளி - 5

உன் நினைவுகளை தராத
ஒரு நிமிடம் வேண்டும்
என்னை உணர...

உன் சாயல் இல்லாத
முகம் காணவேண்டும்
என் வாழ்வில் வர...

எவ்விடத்தையும் கடக்கையில்
எதோ நினைத்து புன்னகைத்து
புகையாமலிருக்க...

எல்லாம் பொய் என்று
ஒரு பொய்யாவது சொல்லி போ

இவ்வரிகளைப் படித்த பின் பொய் சொன்னாலும் பொய் என்று உணராது மனம்..
மனம் கனக்கும் வரிகள்


//எவ்விடத்தையும் கடக்கையில்
எதோ நினைத்து புன்னகைத்து
புகையாமலிருக்க...//