முகம் தொலையும் இடம்

[இனியவன்]

நான் அறிந்த
தவமணி அக்கா
விசித்திரனானவள்
எதிலும்
ஜெயிக்க வேண்டும் அவளுக்கு...

தாயம் ஆடுகையில்
அவள் தோற்பதாய்
தோற்றமிருந்தால்,
காய்களைக் கலைத்து
கட்டங்களை அழித்துவிடுவாள்.

தேடிக் கிடைக்காத
ஆலிவ் பச்சை புடவைக்காய்
ஒரு தீபாவளிக்கு
கோடித்துணியே அவள் உடுத்தாததாய்
ஞாபகம்

பின்னொரு நாள்
மணமாகி அவள் போக...
என்னைவிட்டு
தூரம் போனது
அவளின் நேசம்

தவமணிக்கு வாச்சவன்
மொடாக் குடியனாம்,
கூத்திகூட இருக்காம்
அடி உதையின்னு
இம்சிக்கிறானாம்
ஊருக்குள் பேசிக்கொண்டார்கள்.

சிவராத்திரிக்கு
வந்திருந்த
அக்காவைப் பார்த்தேன்
ஊர் சொன்னது
உண்மை எனப் புரிந்தது

ஏனிந்த வாழ்க்கை உனக்கு?
எங்கே போனது உன் தைரியம்?
விலகி வந்துவிடேன்
பழகிய பாசத்தில்
படபடத்தேன்
அவளிடம்

கண்களுள் நீர் தேக்கி
மேடிட்ட தன் வயிறு தொட்டு
என்னைப் பார்த்தாள் அக்கா...

தாயாய்
தோற்றுத்தான் போகின்றனர்
எல்லா தவமணிகளும்!

நன்றி சினேகிதி

[அல்லிராணி]

தோல்வியே வேண்டாமென்பவர்கள்
சிறு தோல்விகளை
காண்பதில்லை..
கண்களை
இறுக மூடிக் கொண்டு
கனவுகளில் ஜெயிக்க
முயற்சித்து விடுகிறார்கள்

வாழ்வு ஒரு
பந்தயமல்ல
பயணம்...
வெற்றியும் தோல்வியும்
தூரத்தில் மறைந்து கொண்டிருக்கும்
மைல் கற்கள்,,


தோல்விகளுடன்
எவையும்
முடிந்து விடுவதில்லை

வெற்றிகளுடன் எவையும்
நிலைத்து விடுவடில்லை...

தோல்வி அறியா
ராஜராஜன் கட்டிய
பிரகதீஸ்வரர் ஆலயம்..

அதன் சதய விழாவினில்
கலந்துகொண்டால்
நம் "கதி" அதோ"கதி"
அரசியல்வாதிகளின் சோதிடமிது...

தாய்மைக்காய்
பொறுமை என்பது
தோல்வியல்ல
இன்னுமொரு
புதுப் பயணம்


----அல்லி

[இனியவன்]

தோல்வியே வேண்டாமென்பவர்கள்

தாய்மைக்காய்
பொறுமை என்பது
தோல்வியல்ல
இன்னுமொரு
புதுப் பயணம்

----அல்லி

அல்லி இப்படி நிறையச் சொல்லி வையுங்கள்,
தடம் மாறுவோர் மனம் மாறலாம்.

[gragavan]

அல்லி சொல்வது உண்மைதான். சுருங்கச் சொன்னால் M.குமரன். s/o மகாலட்சுமி என்பதும் ஏற்றுக் கொள்ளப்பட வேண்டும்.

[தாமரை]

தாய்மைக்காய்
பொறுமை என்பது
தோல்வியல்ல
இன்னுமொரு
புதுப் பயணம்


----அல்லி

முகம் தொலையுமிடத்தில்
இதயம் வெல்கிறது...

----தாமரை

[அல்லிராணி]

முகம் தொலையுமிடத்தில்
இதயம் வெல்கிறது...

----தாமரை

இதயம் தொலையும் இடங்களில்
காதல் வெல்கிறது...

----அல்லி

[தாமரை]

இதயம் தொலையும் இடங்களில்
காதல் வெல்கிறது...

----அல்லி

காதல் தொலையுமிடங்களில்
கடமை வெல்கிறது...

----தாமரை

[இனியவன்]

கடமை தொலையும்
இடங்களில்
ல(வ)ஞ்சம் வெல்கிறது.

[ஓவியா]

கடமை தொலையும்
இடங்களில்
ல(வ)ஞ்சம் வெல்கிறது.

ல(வ)ஞ்சம் தொலையும் இடங்களில்
ஒழுக்கம் வெல்கிறது

[தாமரை]

ல(வ)ஞ்சம் தொலையும் இடங்களில்
ஒழுக்கம் வெல்கிறது

ஒழுக்கம் தொலையும் இடங்களில்
மிருகம் வெல்கின்றது

[இனியவன்]

மிருகம் தோலையும்
இடங்களில்
மனிதம் வெல்கிறது....

[தாமரை]

மிருகம் தோலையும்
இடங்களில்
மனிதம் வெல்கிறது....

மனிதம் தொலையும் இடங்களில்
தெய்வம்(இயற்கை) வெல்கிறது