குறுந்தொகை

[Emperor]

நன்றி நன்பர் இளவல்குமரன்
---------------------------------------------------------------------
குறிஞ்சி 18

வேரல் வேலி வேர்க் கோட் பலவின்
சாரல் நாட செவ்வியை ஆகுதி
யார் அ�து அறிந்திசினோரே?சாரல்
சிறுகோட்டுப் பெரும்பழம் து�ங்கியாங்கு இவள்
உயிர் தவச்சிறிது காமம் பெரிதே!

-கபிலர்
(வேர்ப்பலாக்களுக்கு மூங்கில் வேலியிட்ட
மலை நாட்டின் தலைவனே
சிறிய கிளையில் தொங்கும்
பெரிய பலாப்பழம் போல
அவள் காதல் பெரிது
ஆனால் உயிர் மிகச் சிறியது
இதை அறிந்தவர் யார் ?)

[இளசு]

அருமை அருமை...
கபிலரின் இந்த உவமைக் கவிதை
(இ)எக்காலக் கவிஞருக்கும் ஒரு சவால்...
இப்படியும் சொல்ல முடியுமா....
காதல் தூதில் இது ஒரு மைல்கல்!!!!

பேரரசின் பலாச்சுளைத் தேர்வு... தேன்போல் இனிக்கிறது!

[Emperor]

வாழ்த்து கூறிய இளவல் சித்தப்பு அவர்களுக்கு என் நன்றி
----------------------------------------------------------------------------------
குறிஞ்சி 21
அகவன் மகளே அகவன் மகளே
மனவுக் கோப்பன்ன நல்நெடுங் கூந்தல்
அகவன்மகளே பாடுக பாட்டே
இன்னம் பாடுக பாட்டே
அவர்நல் நெடுங் குன்றம் பாடிய பாட்டே!
-ஓளவையார்

(அகவன் மகளே* அகவன் மகளே
வெண்சங்கால் ஆன மாலை போன்ற
நரைத்த கூந்தலுடைய அகவன் மகளே
பாடு, பாடு இன்னமும் பாடு.
அவருடைய நல்ல உயரமான குன்றைப் பாடினாயே
அந்தப் பாட்டை!)
அகவன்மகள் - குறி சொல்லும் பெண்

[இளசு]

பேரரசருக்கே சித்தப்பா
ஒரு கித்தாய்ப்பா
வாழ்த்துகிறேன்... முத்தாய்ப்பா!

[poo]

அரசரின் பணி மேலும் சிறக்கட்டும்.....

[lavanya]

அருமை பேரரசர் அவர்களே அருமை... தொடரட்டும் உங்கள் சேவை

[Hayath]

பள்ளி,கல்லூரிக் காலங்களில் படித்தது இப்போதுதான் நினைவிற்கு வருகிறது.பேரரசரின் பணி மகத்தானது மிக எளிமையான விளக்கங்கள் கொடுத்து அசத்துகிறார்.அவரது தமிழ் தொண்டு தொடரட்டும்.பாராட்டுகள்.

[goki]

விளக்கத்துடன் பாடல்கள் கொடுத்து இருப்பது மிக அருமை. தங்களின் பணி தொடர வாழ்த்துக்கள்,

[பாரதி]

அருமை. அருமை.

நன்றி.

[aren]

நான் இவைகளை பள்ளி நாட்களில் கூட தொட்டதில்லை. ஒரு முறை படித்தால் ஒன்றுமே புரியவில்லை. இரண்டாவது முறை படிக்கும்போது கொஞ்சம் புரிகிறது. அடுத்த தடவை படிக்கும்போது இன்னும் கொஞ்சம் நன்றாகப் புரியும் என்று தோன்றுகிறது.

தொடருங்கள் பேரரசே. எனக்குத் தெரியாத நிறைய விஷயங்களை இங்கே வந்து அறிந்து கொள்கிறேன்.

[gans5001]

(முருகன் சிவப்பு
போர்க்களத்தில் ரத்தம் சிவப்பு
எதிரிகளைக் கொன்ற ஈட்டி முனைகள் சிவப்பு
எங்கள் குன்றத்து
காந்தள் மலரும் சிவப்பு)

இடம் சுட்டி பொருளும் சேர்த்தால் அதிகமாய் சென்றடையும். நான் ஆரம்பித்து வைக்கிறேன்.

தலைவிக்கு தலைவன் கையுறையாய் காந்தள் மலர்களை கொண்டு வருகிறான். அவன் தலைவிக்கு பொருத்தமற்றவன் என நினைக்கும் தோழி கேலியாய் சொல்கிறாள் 'உன் பரிசு பொருத்தமற்றது. இந்த செங்காந்தள் மலர்கள் எங்கள் மலை முழுதும் மண்டிக்கிடக்கின்றன" என்று

[gans5001]

கொங்குதேர் வாழ்க்கை அஞ்சிறைத் தும்பி!
காமம் செப்பாது கண்டது மொழிமோ

இதற்கு விளக்கமே தேவையில்லை. நடிகர்திலகமும், நாகேஷ�ம், ஏபி.நாகராஜனும் கண்முன்னே நடத்திக்காட்டினார்கள், திருவிளையாடலில்