விதி...விலக்கு!

[poo]

இரைதேடும் பறவை...
எதிர்ப்பட்டவையெல்லாம்
கழுகுகளாகவே...
எதிர்ப்பார்ப்புகள்
ஏமாற்றப்பட்டன..

பார்வையில் பிழையல்ல..
பருவத்தில்!..

குலைந்துபோன கூடு..
கலைந்துபோன கனவு..

பிணம் தின்னும்
கழுகுகளோடு பயணம்..
தீர்க்கமானது பார்வை...
தீர்வென்ன..

கடலின் நடுவே
இறக்கிவிடப்பட்ட தேவதை..
கரை மறந்தாள்..
கரமும்....

விடியலைத்தேடும்
பயணத்தில் விலாசம்
தொலைக்க துணிந்தாள்..

அறியாமையா..
அறிவின்மையா..

வினாக்களுக்கு
விடையளிக்க இயலவில்லை..
அந்த இரவுப்பாடகிக்கு..
அது அவளுக்கு
அவசியமானதாகவுமில்லை....

[Nanban]

இரவின் பாடல்களில்
இயலாமையைச்
சொல்ல முடியாது தான்.

கேட்க வந்திருப்பவர்களின்
காதின் சவ்வுப் பறைகள்
காமரசத்திற்குத் தான் பசித்திருக்கின்றன

தர்மத்தின் குரல்கள்
அங்கு காவலிருக்கும்
செருப்புகள் விடப்பட்ட இடத்தில்

மாட்டிக் கொள்பவர்கள்
மறுநாள் நீதி சொல்வார்கள்
மரத்தடியில் நாட்டாமையாக
வழக்காடு மன்றத்தில்
சட்ட மன்றத்தில்
பத்திரிக்கை வளாகத்தில்

எல்லாவற்றையும்
சிரித்துக் கொண்டே
அவிழ்ந்த புடவையை
கட்டிக் கொண்டிருப்பாள்
இரவுப் பாடகி
பகலின் இருளில்....


(பாராட்டுகள் பூ - கவிதைக்கு
சந்தோஷம் - ரொம்ப நாளைக்கப்புறம் சந்திக்க முடிந்ததற்கு...)

[kavitha]

அவரவர்க்கும் செய்யும் தொழிலே தெய்வம்.

இதில் பாடுபவர்களைக் குறை சொல்வதா? இல்லை கேட்பவர்களையா?
தீர்வு காணுதல் அத்தனை எளிதல்ல.

கவிதை நன்றாக உள்ளது பூ.

[பிரசன்னா]

குலைந்துபோன கூடு..
கலைந்துபோன கனவு..


பாராட்டுகள்

[இளசு]

வீரியக்கவிதைகளுக்கு உரித்தான தம்பிக்கு

விலக்கு அளிப்பதற்காகவே சில விதிகள்..
தலைப்பே சொல்லி விட்டது இந்தச் சமூக முரணை..

எங்கும் உன் கவிதைகள் மன்றத்தில்..
ஒவ்வொன்றாய் படித்துவிட எண்ணம் என் உள்ளத்தில்..

[poo]

அண்ணா....

ஆஆஆஆஆஆஆஆஆஆஅ... அதிர்ச்சி..இன்ப அதிர்ச்சி!

இந்த நொழியில் என் உள்ளம் அடையும் பூரிப்பை சொல்ல முடியவில்லை!

அண்ணா.. இன்றைய ராசிபலனை (கன்னி ராசிக்கு!) படியுங்களேன்.. நீண்டநாட்களுக்குபின் முக்கியமானவரை சந்திப்பீர்கள் என போட்டிருந்தார்கள்!

உங்கள் அன்பும் ஆதரவும் இருக்கும்வரை நானும்.. கவிதைகளும் என்றென்றும்!!

[இளசு]

தம்பிக்கு
என்னால் இத்துணை மகிழ்ச்சி தருவிக்க இயலுமென்றால்...
என் ஜென்மம் பூரணம் அடைந்துவிட்டதாகவே நினைக்கிறேன்..

பனிக்கும் கண்களுடன்..
அண்ணன்

[அறிஞர்]

பூவின் கவிதை அருமை... நண்பனின் கவிதை மேலும் சிறப்பு சேர்க்கிறது..

கவி சொல்வதுபோல் யாரை குறை சொல்ல இயலும்