இயற்கை

[பாரதி]

நிதம் நீராடு
நமக்கு மட்டுமா?

ஆடியில்லாமல்
ஆடினால்?

நாம் நீராடி விட்டு ஆதவனால் காய்வோம். ஆதவன் காய்ந்தது யாரால்?

ஆடியில் ஆடி...!
ஆடியில்லாமல் ஆடி...!!
ஆடாமல் ஆடி...!!
நிழற்படக் கருவிமூலம் கண்டு ஆடி...!!!
அடுத்தது காண ஆடி நமக்கு தேவையில்லை.

(ஆடியில்லாமல் ஆடினால் கண்பார்வை நன்று என்று பொருள்..!)

[ஆதவா]

நாம் நீராடி விட்டு ஆதவனால் காய்வோம். ஆதவன் காய்ந்தது யாரால்?

கடலில் குளித்தவனைத்
துவட்டியதோ
வானாடை

[பாரதி]

[ஷீ-நிசி]

குறும்பாய் சில குறும்பாக்களா?!!

அனைத்தும் அழகு!!

நடத்துங்கள் ஆதவா & பாரதி

[இளசு]

கிரகணம்

சூரியனுக்கும் நிழ(லா)லாடை
போர்த்திப் பார்க்கும்
நூற்றாண்டு வைபவம்.

அசந்தேன் பாரதி..

இயற்பியல் + கவியியல் கலந்து சுவைத்-தேன்!


ஆதவன் புகுந்து ஆடி-ய குறும்பாட்டம் குதூகலம்..

[ஆதி]

சூரியன்

அதிகாலையில் கடலில் குளியல்
ஆனாலும் ஈரம் சொட்டாமலே
தினசரிப் பயணம்!

நிலா சூரியனுக்கிட்ட பர்தா..

சூரியனின் கண் (நிலா)பாவை..

பிரிவு தாகத்தை
ஆற்ற துடித்து
நிலவின் உதட்டில்
நீர்தேடும் சூரியன்..

ஊரே கூடி வேடிக்கை பார்த்தும்
உதடு பிரிக்காத காதலர்கள்..

சுடும் வெளிச்சமும்
சுடாத வெளிச்சமும்
கட்டில் கொள்ளும்
காம நாடகம்

[பாரதி]

நன்றி ஷீ, அண்ணா.
உங்கள் கவிதை மிக நன்று ஆதி.
-------------------------------------------------
ஆகாய வீதியில்....

நிழலும் தொடாத வண்ணம்
நித்தமும் நடக்கிறான் - ஒப்புக்கும்
காண முடிவதில்லை நடந்த சுவடுகளை.