இந்திய அணி சாதனை

[இளையவன்]

சிம்பாப்பேயில் நடைபெற்றுவரும் இந்திய சிம்பாப்பே அணிகளுக்கிடையிலான முதலாவது தொடர் ஆட்டத்தின் முதலாவது சுற்றில் இந்திய அணி 554 ஓட்டங்களைப்பெற்று வலுவான நிலையில் உள்ளது. முதலில் துடுப்பெடுத்தாடிய சிம்பாப்பே அணி சகல விக்கட்டுக்களையும் இழந்து 279 ஓட்டங்களைப் பெற்றது. சிம்பாப்பே அணிசார்பில் ராபின் 56 மற்றும் கப்டன் தைபு 71 (ஆட்டமிழக்காமல்) ஓட்டங்களையும் பெற்றனர். இந்திய அணிசார்பில் இர்பான்பதான் 5 விக்கட்டுக்களையும் கும்ப்ளே மற்றும் ஜாகிர்கான் ஆகியோர் தலா 2 விக்கட்டுக்களையும் வீழ்த்தினர். பதிலுக்குத் துடுப்பெடுத்தாடிய இந்திய அணி 10விக்கட் இழப்புக்கு 554 ஓட்டங்களைப் பெற்று 275 ஓட்டங்கள் முன்னணியில் உள்ளனர். இந்திய அணிசார்பில் லக்ஸ்மன் 140, கங்குலி 101 திராவிட் 77 ஓட்டங்கள் எடுத்தனர். சிம்பாப்பே அணியின் Mahwire 4 மற்றும் Dabengwa 3 விக்கட்டுக்களை வீழ்த்தினர். இந்திய அணிக்கு இந்தப்போட்டியில் சுற்று வெற்றிக்கான வாய்ப்பு பிரகாசமாக உள்ளது. இந்த வாய்ப்பை இந்திய வீரர்கள் பயன்படுத்திக் கொள்வார்களா என்பதுதான் சந்தேகம்?

(சிம்பாப்பே 2வது சுற்றில் 3 விக்கட் இழப்புக்கு 9 ஓட்டங்கள் பெற்றுள்ளனர் 2விக்கட்டுக்களை வீழ்த்தியவர் பதான்)

[aren]

ஏதோ ஒரு சொத்த டீம் கிடைத்தவுடன் அவரவர்கள் அடிக்கிறார்கள். ஒரு நல்ல டீமுடன் ஆடி அடிக்கட்டும் பின்னர் பாராட்டலாம்.

அடிக்கவில்லையென்றால் அடுத்த ஆட்டத்தில் இடமில்லை என்ற நிலை வந்ததால் கங்குலியும், லஷ்மனும் அடித்தார்கள். அதுவும் கங்குலியின் ஆட்டம் மகாமட்டம். எதுக்கு ஆடுகிறார் என்று நன்றாகவே தெரிகிறது.

[அறிஞர்]

ஒரு இளிச்சவாயன் கிடைத்தால் போதுமே... திறமை காட்ட...

இரண்டு வருடம் கழித்து லட்சுமண் நூறு ரன்.

கங்குலி பதவியை தக்க வைக்க நல்ல நாடகம். (இது மாதிரி போட்டிகளுக்கு டிராவிடை நியமிக்க மாட்டேர்களே)....

கைப்பை நீக்கி சேர்க்கப்பட்ட யுவராஜ் என்ன சாதித்தார். கமிட்டி தேர்தலில் பஞ்சாப் ஓட்டுகளை கவர...என்ன நாடகம் நடத்துகிறார்கள்..

பாலாஜி முற்றிலும் ஒதுக்கப்பட்டு விடுவாரோ என அய்யம் உள்ளது.

[இளையவன்]

மட்டமான ரீம் என்று நாங்கள் எதையும் ஒதுக்கிவிட முடியாது. உலக சம்பியனான அவுஸ்திரேலியா பங்களாதேசிடம் தோற்கவில்லையா? கங்குலியின் ஆட்டம் மிகவும் மோசமாகத்தான் இருந்தது ஆனால் அணியின் எண்ணிக்கையை 554 ஆக உயர்த்துவதற்கு லக்ஸ்மனும் கங்குலியும்தான் தூண்களாக நின்று செயற்பட்டார்கள் நண்பரே. சேவாக் மாதிரி கங்குலியும் லக்ஸ்மனும் அதிரடியாக ஆடி சொற்ப ரண்ணுக்குள் ஆட்டமிழந்திருந்தால் சிம்பாப்பேயிடம் (சொத்த டீம்) அவமானகரமான தோல்வியைத் தழுவ நேரிட்டிருக்கும்.

[இளையவன்]

சிம்பாப்பே 5 விக்கட் இழப்புக்கு 18 ஓட்டங்கள். இர்பான் பதான் 4 மற்றும் ஜாகிர்கான் 1 விக்கட்.

[இளையவன்]

[இளையவன்]

இந்திய அணி முதலாவது தொடர் ஆட்டத்தில் 1 சுற்று மற்றும் 90 ஓட்டங்களால் சிம்பாப்பே அணியைத் தோற்கடித்துள்ளது. இரண்டாவது சுற்றில் இந்திய வீரர்களின் திறமையான பந்து வீச்சால் இந்த சுற்று வெற்றி கிடைத்துள்ளது. 2வது சுற்றில் சிம்பாப்பே சகல விக்கட்டுக்களையும் இழந்து 185 ஓட்டங்கள் பெற்றனர். அந்த அணி சார்பாக கப்டன் மட்டுமே 52 ஓட்டங்கள் எடுத்தார். மற்ற அனைவரும் சொற்ப ஓட்டங்களுக்கு ஆட்டமிழந்தனர். இந்திய அணிசார்பாக பதான் 4, ஹர்பஜன் 4 ஜாகிர்கான் மற்றும் கும்ப்ளே ஆகியோர் தலா 1 விக்கட்டுக்களையும் வீழ்த்தினர்.

[pradeepkt]

வாழ்க வாழ்க
இந்திய அணி வாழ்க, கிரிக்கெட் வாழ்க. ஊழலில்லாத கிரிக்கெட் வாழ்க.
அனைவருக்கும் வாழ்த்துகள்.

[இளையவன்]

இர்பான்பதான் ஆட்ட நாயகன் ஆக தெரிவுசெய்யப்பட்டுள்ளார்.இவர் 2 சுற்றிலும் மொத்தமாக 9 விக்கட்டுக்களை வீழ்த்தியதுடன் 52 ஓட்டங்களையும் பெற்றார். வாழ்த்துக்கள் இர்பான் மற்றும் அனைத்து இந்திய வீரர்களுக்கும்

[அறிஞர்]

என்னத்த சொல்லுறது... பலசாலியை வென்றால் வாழ்த்தலாம்....

[pradeepkt]

இந்த மட்டுக்காவது வென்றார்களே...
அதையாவது வாழ்த்தக் கூடாதா?

[இளையவன்]

இந்திய சிம்பாப்பே அணிகளுக்கிடையிலான இரண்டாவது மற்றும் இறுதித் தொடர் ஆட்டம் சற்று முன்பு ஹராரேரியில் ஆரம்பாமானது. இந்திய அணி இப்போட்டியில் சிம்பாப்பே அணியைத் தோற்கடித்து தொடரைக் கைப்பற்றுமென்பதில் எவ்வித ஐயமுமில்லை. இந்தத் தொடரைக் கைப்பற்றுவதன் மூலம், 1986க்குப் பிறகு (ஆசியா அல்லாத வெளிநாடொன்றில்) தொடரைக் கைப்பற்றும் பெருமை இந்திய அணிக்குக் கிடைக்கும்.

(இரண்டாவது தொடர் ஆட்டத்தின் முதலாவது சுற்றில் முதலில் துடுப்பெடுத்தாடும் சிம்பாப்பே அணி 1 விக்கட் இழப்புக்கு 31 ஓட்டங்களைப் பெற்றுள்ளது. )