எனக்குதான் புரியும்

[gragavan]

காற்றுப் பல்லாக்கு
இன்னமும் தூக்கி வருகிறது
நாம் சேர்ந்து வெளியேற்றிய மூச்சுகளை

நேற்று போலுண்டு
மறக்கவில்லை காதோரத்தில்
நாம் சேர்ந்து பிதற்றிய பேச்சுகளை

வெற்றுப் போர்வைகள்
விலகிக் கிடக்க, மேனி மறக்கவில்லை
ஒருவருக்கொருவர் பதித்துக் கொண்ட அச்சுகளை

மூச்சும்
பேச்சும்
அச்சும் - என்னை
நொச்சு நொச்சென்று
தொந்தரவு செய்தாலும்
நானுன்னைத் தொந்தரவு செய்யவில்லை
உன் நிலை எனக்குத் தெரியும்
அது எனக்குதான் புரியும்

[pradeepkt]

இன்னொரு முதுமைக் காதல் போல் தோன்றுகிறதே?
ராகவன் எப்படியாயினும் உங்கள் சொல்லாடல் இனிது.
இன்னொரு விவாதம் துவங்கட்டும்.

[gragavan]

இன்னொரு முதுமைக் காதல் போல் தோன்றுகிறதே?

அதென்ன இன்னோரு.......

ம்ம்ம்ம்....நான் இப்ப எதுவும் சொல்லலை......மத்த நண்பர்கள் கருத்துகளைச் சொல்லட்டும். அப்புறம் நான் வாய்த் தொறக்கிறேன்.

[பிரியன்]

காற்றுப் பல்லாக்கு
இன்னமும் தூக்கி வருகிறது
நாம் சேர்ந்து வெளியேற்றிய மூச்சுகளை

நேற்று போலுண்டு
மறக்கவில்லை காதோரத்தில்
நாம் சேர்ந்து பிதற்றிய பேச்சுகளை

வெற்றுப் போர்வைகள்
விலகிக் கிடக்க, மேனி மறக்கவில்லை
ஒருவருக்கொருவர் பதித்துக் கொண்ட அச்சுகளை

மூச்சும்
பேச்சும்
அச்சும் - என்னை
நொச்சு நொச்சென்று தொந்தரவு செய்யவும்
நானுன்னைத் தொந்தரவு செய்யவில்லை
உன் நிலை எனக்குத் தெரியும்
அது எனக்குதான் புரியும்

இந்த வரிகள் வெறும் வாக்கியமாகவே நின்று விட்டது.
மற்றபடி உள்ளத்தின் கிளர்ச்சியில் உடல்சார் உணர்வுகளை நயமாக சொல்ல வருகிறது உங்களுக்கு. நான் மன்மதனிடம் பேசிக்கொண்டிருக்கும் போது சொன்னேன். ஆபாசமில்லாமல் எழுதுவதன் எல்லையை ராகவன் நன்கு தெரிந்து வைத்திருக்கிறார் என்று. இந்தக் கவிதை மற்றுமொரு எடுத்துக்காட்டு.

மற்ற கருத்துகளோடு விரைவில் வருகிறேன்

[மன்மதன்]

கவிதை நன்றாக இருக்கிறது.. விவாதத்தில் நான் கலந்துகொள்கிறேன்..ஹிஹி

[gragavan]

கவிதை நன்றாக இருக்கிறது.. விவாதத்தில் நான் கலந்துகொள்கிறேன்..ஹிஹி

அப்போ விவாதத்தை நீயே தொடக்கு நாரத(மன்)மதா.........

[மன்மதன்]

தலைப்பே 'எனக்குத்தான் புரியும்'.. 'உங்களுக்கும் புரியும்' என்று மாத்துங்க..

[gragavan]

தலைப்பே 'எனக்குத்தான் புரியும்'.. 'உங்களுக்கும் புரியும்' என்று மாத்துங்க..

புரியுங்கறது உண்மைன்னா....என்ன புரிஞ்சதுன்னு சொல்லு பாக்கலாம்?

[மன்மதன்]

இப்படி காமெடி டைம் 'உள்ளே-வெளியே' கணக்கா கேட்டா எப்படி?? அர்ச்சனா வரட்டுமே..

[gragavan]

நொச்சு நொச்சென்று தொந்தரவு செய்யவும்
நானுன்னைத் தொந்தரவு செய்யவில்லை

இந்த வரிகள் வெறும் வாக்கியமாகவே நின்று விட்டது.
மற்றபடி உள்ளத்தின் கிளர்ச்சியில் உடல்சார் உணர்வுகளை நயமாக சொல்ல வருகிறது உங்களுக்கு.

புரியவில்லை பிரியன்.வெறும் வாக்கியமாகவே நின்றுவிட்டதென்றால்?

நான் மன்மதனிடம் பேசிக்கொண்டிருக்கும் போது சொன்னேன். ஆபாசமில்லாமல் எழுதுவதன் எல்லையை ராகவன் நன்கு தெரிந்து வைத்திருக்கிறார் என்று. இந்தக் கவிதை மற்றுமொரு எடுத்துக்காட்டு.

நன்றி பிரியன். எல்லையை அறிதல் மிக முக்கியம். அது ஒருவிதமான பக்குவம் என்று நினைக்கிறேன்.

மற்ற கருத்துகளோடு விரைவில் வருகிறேன்

வாங்க வாங்க காத்திருக்கிறேன்.

[பிரியன்]

அது ஒரு வாக்கியத்தை வாசிக்கும் உணர்வைத்தான் தருகிறது.
என் பார்வையில் கவிதைக்குரிய ஒரு அழுத்தத்தை - ஈர்ப்பைத் தரவில்லை என்பதைத்தான் குறிப்பிட்டிருந்தேன்..

கத்தி மேல் ஆடும் ஆட்டம் உங்களுக்கு லாவகமாகவே வருகிறது

[pradeepkt]

இன்னொரு முதுமைக் காதல் போல் தோன்றுகிறதே?
ராகவன் எப்படியாயினும் உங்கள் சொல்லாடல் இனிது.
இன்னொரு விவாதம் துவங்கட்டும்.

இல்ல ஏற்கனவே ஒரு முறை முதுமையின் வேதனையைப் பற்றி நீங்கள் எழுதி இருந்தீர்களே, நாளை என்று தலைப்பிட்டு...
அது நினைவுக்கு வந்தது.