நண்பர்களே...
முன்பு திஸ்கி எழுத்துருவை உபயோகிக்கும் போது User Defined என்ற Encoding முறையை நமது உலாவியில், குறிப்பாக Internet Explorer-ல் --> View --> Encoding-ல் தேர்வு செய்தோம்.
யூனிகோட் எழுத்துருவிற்கு மாறிய பின் நமது உலாவில் தன்னிச்சையாகவே Western European (ISO) முறையை தேர்வு செய்து கொண்டது. இது யூனிகோட் எழுத்துரு வசதியை உள்ளடக்கியது. அதனால், உபயோகித்து வந்தோம். ஆனால், யூனிகோட் எழுத்துருவிற்கென்று தனியாகவும் ஒரு Encoding உண்டு, அது தான் Unicode (UTF-8) என்பது. நேற்று சில புதிய வசதிகள் சேர்க்க முற்படுகையில், நமது பழைய Western European (ISO)-விலிருந்து Unicode (UTF-8) முறைக்கு தானாக மாறிவிட்டது, அதனால் நேற்று பதித்த சில பதிப்புகளை வேறு கணணியில் என்னால் காணமுடியவில்லை. ஒவ்வொரு முறையும் என்கோடிங் மாற்றிய பின்பே படிக்க முடிந்தது. உங்களில் சிலருக்கும் இந்த பிரச்சனை இருந்திருக்குமென நம்புகிறேன்.
இப்போது இந்த பிரச்சனையை என்னால் முடிந்த அளவு சரி செய்திருக்கிறேன். இங்கு நான் சோதித்த கணணிகளில் ஒழுங்காக தெரிகின்றன. உங்களுக்கு இந்த பிரச்சனை வந்திருந்தால், இப்போது எப்படி தெரிகிறது? சரியாகிவிட்டதா?
இன்னும் இந்த பிரச்சனை இருந்தால்,
1) ஒரு முறை Log out செய்து விட்டு
2) View --> Encoding --> Western European (ISO) தேர்வு செய்து கொள்ளுங்கள்
3) மீண்டும் Log in செய்து பாருங்கள்
இப்போது இந்த பிரச்சனை தீர்ந்து விடும் என நம்புகிறேன். இன்னும் தீராவிடில்,
1) எந்தெந்த பதிப்புகள், அல்லது பதிப்புகளின் பாகங்கள் ஒழுங்காக தெரியவில்லை எனக் கூறவும்.
2) என்ன உலாவி (Browser) உபயோகிக்கிறீர்கள்?
3) உங்கள் உலாவியின் Encoding என்ன காட்டுகிறது எனக் கூறவும்.
4) என்ன OS உபயோகிக்கிறீர்கள்
இந்த சிறிய தடங்கலுக்கு வருந்துகிறேன்.
நன்றி..
Bookmarks