நீயும் நானும்
ஆடும் சதுரங்கம்
அங்கே
யானைகள் இல்லை
குதிரைகள் இல்லை
சிப்பாய்கள் இல்லை
ராஜாவும் நீ
மந்திரியும் நீ
உனது குறியோ
எதிர் அரசை வீழ்த்துவது!
வீழ்த்தத் துவங்கிவிட்டாய்...
உன் ஒவ்வொரு வார்த்தைகளும்
இங்கே ஆயுதம்
எனது சேனைகள் தோற்றன
மந்திரி வியூகம் மழுங்கிப்போனது
உனக்குத் தடைவைக்கும்
ஒவ்வொரு சிப்பாயும்
கடைசிக்கட்டங்களில்
எதிர் அரசிற்கு
சாதகமாகிப் போகின்றன
தோற்போம் எனத்தெரிந்தும்
தொடுக்கிறேன் போர்
எனது ஆயுதங்கள்
ஒவ்வொன்றாய் கழலப்பெற
நிராயுத பாணியாக நான்
மௌனத்தில்...
உன்னை வீழ்த்துவது
எந்தன் நோக்கமல்ல
ஆகையினால்
சரணடைகிறேன்...
உந்தன் அன்பில் தோற்றுப்போய்...
Bookmarks