காதல் டைரி

[மன்மதன்]

இது அழகான துள்ளல் கவிதை மன்மதன்

மழை, நிலா என இயற்கையாக நெஞ்சை வருட வைக்கிற கவிதைகள் உங்களுக்குள் இன்னும் கொட்டிக் கிடக்கிறது. வாழ்த்துக்கள் .....

நன்றி பிரியன்... எல்லாம் உங்க தீபம் பண்ணிய வேலைதான்..

அன்புடன்
மன்மதன்

[மன்மதன்]

யப்பு இது யாரு..நம்ம மன்மதனா..ஆளே அடையாளம் தெரியலையே...

எப்பா உனக்கு இன்னும் எத்தனை முகம்தான் உண்டு...
"கவிஞன்" முகம் நன்றாக இருக்கிறது..வாழ்த்துக்கள்...இன்னும் எழுது...

நன்றி தேம்பா......
அன்புடன்
மன்மதன்

[மன்மதன்]

குற்றம்
புரிந்தவர்
வாழ்க்கையில்
நிம்மதி...??

காதல்
புரிந்தவர் ???

-

மொழி
முக்கியமா.
காதல்
முக்கியமா..

என் வீட்டில்
நீ பேசப்போவது
எம் மொழி
என்றாய்...

நான்
நம்
காதல் மொழி
என்றேன்..

கடைசியில்
என் மொழியை
நீ
ஏற்றுக்கொண்டது

என்
காதலை
ஏற்றுக்கொண்டதை
விட மேல்

-

வெறும்
சௌக்கியமாவில்
ஆரம்பித்த
நம் நட்பு..

இன்று
ஒருவருக்குள்
மற்றவர்
ஐக்கியமாகி

-

தட்டுச்சு
செய்யும்போது
உன்
பெயரில் உள்ள
எழுத்துக்களை
மட்டும்
என் விரல்கள்
தட்டுகின்றன...

படிக்கும்போது
என்
விரல்கள்
உன் பெயரில்
உள்ள
எழுத்துக்களை
சுற்றி வட்டமிடுகின்றன

ஆனாலும்
உன்
முகம் நோக்கி
பேசுகையில்
வார்த்தைகளை
தேடிப்பிடிக்க
கஷ்டப்படுவது
ஏனடி..

-

எனக்கு
பிடித்த
கவிதை
நீ



உனக்கு
பிடித்த
கவிதை
நான்.......


நமக்கு
பிடித்த
ஹைக்கூ
காதல்......

[பிரியன்]

அடப்பாவி மனுசா இவ்வளவு நாளா கவிதை எழுத வராதுன்னு எப்படி உன்னால பொய் சொல்ல முடிஞ்சது - தபூ சங்கர் தோத்தார் போங்கள்...

[karikaalan]

காதல் புரிந்த நுமது வாழ்வில் நிம்மதி இருப்பது போல்தானே இருக்கிறது கவிதைத்தொடரின் மற்ற வரிகள்!

===கரிகாலன்

[மன்மதன்]

நன்றி பிரியன்.. தபு சங்கரை என்னுடனா.. ?? ஹிஹி..
நன்றி கரிகாலன்ஜி..
அன்புடன்
மன்மதன்

[பிரியன்]

பயப்படாதீங்க மன்மதன் ... யானைக்கு அதன் பலம் தெரியாதும்பாங்க .....

[kavitha]

"என்
முன்னோர்கள்
பெரும் தவம்
செய்திருக்க வேண்டும்..

உன்னை
என்
வம்சா வழியில்
இணைத்துக்கொண்டதற்கு...."


சபாஷ் மன்மதா! தொடரட்டும் தொகுப்பு!

[மன்மதன்]

கட்டுப்பாடு
இல்லாமல்
திரிந்த
என்னை

கட்டுபடுத்தி
அழகு பார்த்தது
உன்
அன்பு

கட்டுங்கடங்காமல்
செல்லும்
என் காதலை

கொட்ட
முடியாமல்
தடுப்பதும்
உன்
அன்பு...

-

எதிரெதிரே
கடந்து
செல்கையில்

புன்னகையை
மட்டுமே
பரிமாறிக்கொண்டு

கடந்து
வந்த காலங்கள்..

சட்டென
ஒரு தடவை
நான்
நின்று விட..

ஒண்ணுமே புரியாமல்
நீயும்
நிற்க..

கண்கள்
பேசிக்கொண்ட
அந்த வினாடிகள்..

காதலின்
அஸ்திவார
துளிகள்...

-

ஒரு
தேர்வு
நாளில்

எதேச்சையாக
அருகருகே
நாம்.

நீ
பிள்ளையார்
சுழி போட்டு
தேர்வை
ஆரம்பித்தாய் ...

சுழிக்குள்
மாட்டுக்கொண்டு
தவிக்கிறேன்..
நான்.

-

கல்லூரி
விழாக்களில்
நடனம் ஆட
அழைத்த போது..

பல தடவை
மறுத்திருக்கிறாய்..
என்னிடம்
கோபம் கொண்டாய்.

அனைவரின்
முன்பு ஆட
நடிகை உண்டு.

நான் உன்
முன்பு மட்டும்தான்
ஆடுவேன் என்றாய்..

எங்கே ஆடிக்காட்டு
என்றேன்...

அன்று
ஆடினாய்..

ஆடிப்போனவன்
நான்..

-

மன்மதன்

[மன்மதன்]

"என்
முன்னோர்கள்
பெரும் தவம்
செய்திருக்க வேண்டும்..

உன்னை
என்
வம்சா வழியில்
இணைத்துக்கொண்டதற்கு...."


சபாஷ் மன்மதா! தொடரட்டும் தொகுப்பு!

இது மட்டும் பெண் எழுதின மாதிரி கவிதை .. நன்றி கவி..
அன்புடன்
மன்மதன்

[ஜீவா]

அருமை.. அருமை.. எத்தனை தடவை வேண்டுமானாலும் படித்து கொண்டே இருக்கலாம் போல இருக்கு...

[அறிஞர்]

அருமை அன்பரே... வேலைப்பளுவால் இங்கு வர இயலவில்லை.. ஒவ்வொன்றும்... முத்தான கவிகள்.. அனைத்திற்கும் பதில் எழுதினால்.. பக்கங்கள் நிரம்பிவிடும்... சிலவற்றிற்கு... சில வரிகள்...