நிழற்படப் பதிவுகள்...

[இளசு]

அன்பு நண்பர்களே...



நண்பர் அஞ்ஞானி (எங்க இன்னும் ஆளக் காணோம்? :wink: ) ஆரம்பித்து,

சென்ற மாதம் சிறப்புப் பார்வையாய் தம்பி பூ ,

பின் புதியவர்கள் கவிதை அலசலாய் ராம் ஆகியோர் வரை



மன்றத்தின் " நிழற்படப்பதிவுகள்"

தனித்துவம், சிறப்பிடம் பெற்றவை..



இந்த மாதம், இனி வரும் காலம்...

நிழற்படப் பதிவை நீங்கள் பதிக்க விரும்புகிறீர்களா?



ஒரே நேரத்தில் பலர் இந்த கனகாலமெடுக்கும் முயற்சியில்

ஈடுபடுவதைத் தவிர்க்க....

எனக்கு தனிமடல் அனுப்புங்களேன்...

மாதம் ஒருவர் என சுழற்சிமுறையில் வாய்ப்பு ஒரு வழி...

என்ன நினைக்கிறீர்கள்? இது சம்மதமா உங்களுக்கு?



பலர் பார்வையில் மாதாமாதம் வித்தியாச நிழற்படங்கள்

தொகுக்கப்படுவது கூடுதல் ஜொலிப்பாய் இருக்கும் என நம்புகிறேன்..



படைக்க விரும்பும் முன் புதிய உறுப்பினர்கள் வாழ்த்துகள் என்ற இதே பகுதியில் பழைய

நிழற்படப் பதிவுகளை முதலில் படிக்க வேண்டுகிறேன்..



நன்றி... வணக்கம்...

[gankrish]

ஐயா இளசே... என்ன நிழற்படம். எதை பற்றி கூறுகிறீர்கள். எனக்கு விளங்கவில்லை. முடிந்தால் விளக்கி கூறுங்களேன்.

[இளசு]

இளசே... என்ன நிழற்படம்.

இனிய நண்பனே,இதே வாழ்த்துகள் தலைப்பில்,
தேதியுடன் நிழற்பட படைப்புகள் என

அஞ்ஞானி (இன்று நம் தளம் ) முதல்

பூ வரை (சிறப்பூப் பார்வை ) பதித்து இருக்கிறார்கள்.

கவிதைகள் பற்றி ராம் பல பதிவுகள் படைத்திருக்கிறார்.



புகைப்படப் பதிவு போல்

மன்ற நிகழ்வுகளை "படம்" பிடித்து தொகுக்கும் முயற்சி இது!



இன்றைய மன்ற நிகழ்வுகள்...

நாளைய இணையத் தமிழ் வரலாறு!

[இளசு]

இப்படி அடம் பிடிச்சா எப்படி மன்ற சொந்தங்களே!

நானே மாதம் ஒருத்தர்னு பொறுப்பு குடுத்துடவா?

[anbu]

இளசு நண்பரே நான் நிழற்படப் பதிவு செய்ய ஆசைப்படுகிறேன் அதற்க்கு உங்கள் ஆலோசனை தேவை.

[poo]

அன்பு.... வாழ்த்துக்கள்.. முன்வந்தமைக்கு பாராட்டுக்கள்..



என்ன மாதிரியான ஆலோசணை வேண்டுமென நினைக்கிறீர்கள்?!!

[இளசு]

[quote]இளசு நண்பரே நான் நிழற்படப் பதிவு செய்ய ஆசைப்படுகிறேன். அதற்கு



அப்பாடி.. நண்பர் அன்பு அவர்களே

நீங்க ஒரு ஆளாவது இப்படி தாமாக முன்வந்தீங்களே..

இல்லன்னா, பள்ளி ஆசிரியர் போல்

கண்டிப்பான முறையில்

யார் தலையில் பொறுப்பைக் கட்டுவது

என யோசித்துக்கொண்டிருந்தேன்.



கீழ்க்கண்ட சுட்டிகளில் உள்ள பதிவுகளைக் காணுங்கள்.

http://www.tamilmantram.com/board/viewtopic.php?t=506

http://www.tamilmantram.com/board/viewtopic.php?t=675

http://www.tamilmantram.com/board/viewtopic.php?t=978

http://www.tamilmantram.com/board/viewtopic.php?t=1239


ஜூன் 13 வரை மன்ற நிகழ்வுகளின் பதிவுகள் இவை.
ஜூன் 14 முதல் வந்த பலவித பதிவுகளைப் பற்றி

உங்கள் பாணியில், உங்கள் பார்வையில்

தொகுத்து எழுதி அசத்துங்கள் தோழரே..

வாழ்த்துகள்!



(கவிதைகள் பற்றி ராம்பால் நல்ல பல பதிவுகள் தந்தார்.

இப்போது அவர் விடுப்பில்.

உங்களுக்கு விருப்பமாயின்

உங்கள் அலசலில் கவிதைகளையும் சேர்க்கலாம்..

இல்லையெனில் அதற்கு தனியே ஓர் அழைப்பு விடுக்கிறேன்..

நண்பன் என் முதல் குறி.. உஷார்!!! )


(சுட்டி பிறகு மாற்றப்படும் - மன்மதன் )

[anbu]

நன்றி நண்பரே !



உங்கள் ஆசீர்வாதத்துடன் இனி ஆரம்பம் செய்கிறேன்.

[இளசு]

அன்பு நண்பர் அன்புவின் அருமையான பதிவுக்குப்பின்

அடுத்து இப்பணி மேற்கொள்ளப்போகும் அன்பரை

அன்போடு அழைக்கிறேன்..

[gankrish]

ஐயா இளசு.. மற்றும் பூவுக்கு எனது வணக்கம். என் சந்தேகத்தை தீர்த்து வைத்ததற்க்கு என் நன்றி. நான் நம் அன்பு எழுதிய நிழற்பாடத்தை படித்தேன். ஐயா தமிழ் பண்டிதர்கள்.. கவிஞர்கள் உலாவரும் இவ்விடத்தில் நானும் ஒரு உறுப்பினன் என்ற தகுதியே எனக்கு பெருமை சேர்க்குது.

நான் ஏன் கூறுகிறேன் என்றால் என்றைக்கவது உங்கள் மனதில் ( இளசு/பூ ) என் பெயர் நினைவு வந்து இதை எழுத சொன்னால் நான் fail தான்.

[முத்து]

அண்ணா... என்னால் முடிந்த அளவுக்கு ஆறாம் நிழற்படப் பதிவினை நான் செய்ய முயல்கிறேன்...

[anbu]

வாழ்த்துக்கள் நண்பர் முத்து அவர்களே.......



உங்களால் அடுத்த நிழற்படப் பதிவை மிகவும் சிறப்பான முறையில் உருவாக்க முடியும் என்பதில் சந்தேகமே இல்லை.



உங்களுக்கு என்னுடைய அட்வான்ஸ் வாழ்த்துக்கள்.