உளறல்கள்

[பிரியன்]

[quote=மன்மதன்,Jan 8 2005, 09:20 AM]
இந்த தொகுப்பை திடிரென்று நிறுத்தியதற்கான காரணத்தை தெரிந்ததும் கவலையடைந்தேன்.. நீங்கள்

வலியை தாங்கும் வல்லமை தந்த இறைவனுக்கு நன்றி சொல்லி மீண்டும் தொடங்குகிறேன்..இனி வருகிற இடங்களில் குழப்பம் நேர்ந்தாலும் உங்கள் மனதில் வைத்து கொள்ளுங்கள் இறுதியில் என் விளக்கம் இருக்கும் கவிதை உங்களுக்கு விளக்கா விட்டால் ....ஏதோ விளையாட்டாக உளறல்கள் என்று தொடங்கினேன்.ஆனால் என் வாழ்நாள் சேமிப்பாய் காலத்தின் கட்டாயத்தில் எனக்கென தரப்பட்டிருக்கிறது.....நான் மனதளவில் சிதையாமல் போக இந்த வெற்றுப்பாலையில் எனக்கு கிடைத்த நண்பனாய் தமிழ்மன்றத்தை கருதி உங்கல் நிழலில் நானும் கொஞ்சம் இளைப்பாற போகிறேன். இந்த மாதம் முழுதும் இந்த உளறலில் மட்டும்தான் என் பதிவு இருக்கும்

நாளை நமக்கு திருமணம்


நாளை முதல்
‏இருவருக்கான
தனிச்சொர்க்கம்...
நம் பார்வைக்குள்
நம் அறைக்குள்

உ‎‎ன்னில்
உன்னால்,
உனக்காக
தொடங்கும்
எ‎ன் விடியல்கள்...

தாயி‎ன் கதகதப்பாய்
எ‎ன்னை துளைத்து
நேசம் சொல்லப்போகும்
உ‎ன் மூச்சுகாற்று ...

சுவாசம் ரசித்து
உறங்க போனே‎ன்.
கண்கள் சொ‎ன்னது ...

இன்று எ‎ன்‎னை சிறைப்படுத்தாதே..
அத்தனை விண்மீண்களுக்கும்‏
சொல்ல வேண்டும் .
நீங்கலெல்லாம் உறங்கி
நாளை வாருங்கள்..
உயிர் நிறைக்கும்
என்னவள் விழியி‎‎ன்
ஒளியை காண ...


‏xxxxxxxxxxxxxxxxxxxxxxxxxxxxxxxxxxxxxxxxxxxxxxx

[பிரியன்]

பூரிப்பு நிரம்பிய விழிகளோடு,
நாணம் சூடி
என்னருகேயிருக்கும்
உன்னிடம்

என் உயிரையும்
உணர்வையும்,
உலகத்தையும்,
உள்ளத்தின் மஞ்சள் கலந்து
மங்கல நாணலாக்கி சூடுகிறேன்........

இரண்டாவது முடிச்சிற்கு
உரிமை கொண்ட தங்கையின்
கரம் தட்டி நானே சூட
உதிர்ந்த வெட்கத்தில்
கண்டேன் பேரழகியாய்....

ஆரவார இரைச்சலையிம் மீறி
தேனாய் கேட்டது ...
மாட்டிகிட்டியா கள்ளா
என நீ சொன்னது.........

[பிரியன்]

உங்கள் புரிதல் தவறு பாரதி.....மருமகளள் அல்ல ,நம் வீட்டிற்கு வருபவள் இன்னொரு மகள் என்று சொல்லும் பெற்றோரும் மரபு வழி நம்பிக்கையின் விளைவாக அந்த திருமணத்திற்கு தயங்குவதாய் அமைத்திருந்தேன்... முழுதும் இப்போது என்னால் சொல்ல முடியாது...சற்று பொறுத்திருங்கள்..
என் சுயத்தை எப்படி உண்ர்திருக்கிறேன் என்பதன் விடை இந்த தொகுப்பில் கிடைக்கும் என்ற நம்பிக்கையோடு மிகுந்த வலியோடு தொடர்கிறேன்.............

தொடர்ந்து படியுங்கள்.....இறுதியில் சொல்லுங்கள் என் எண்ணங்கள் சரிதானா என்று.......

[பரஞ்சோதி]

நண்பர் பிரியன் தன்னுடைய கவிதை தொகுப்பை மீண்டும் கொடுத்தமைக்கு நன்றி. கருத்துக்கள் கூறவில்லை என்றாலும் தொடர்ந்து படித்து வருகிறேன். தொடருங்கள். விமர்சனங்கள் தான் நம்மை அதிகம் எழுத வைக்கும். வாழ்த்துகள் நண்பரே!.

[பிரியன்]

‏திருமணம் முடிந்து
‏இன்றுதான்
நம் முதல் ஊடல் .
எ‎ன் தாமதத்திற்காக ...

எப்போதும் வீழ்த்தும்
உன் எதிர் எதிர் ஆயுதங்கள்...
மொழி திறக்கா மெளனம்
இமை சுருக்கி
எ‎னை உருக்கும் விழிகள்...

உன்னிடம் சரணடைந்த எ‎‎ன்
தலையோடு தலை முட்டி
கண்ணடித்து சொ‎ன்னாய் .
உயிருள்ள கவிதை..

மடியிலும்,வயிற்றிலும்
சுமக்கிறே‎ன்
கணக்காத
பிள்ளைகளிரண்டு ...

[பிரியன்]

அமுதுண்டதில்லை இதுவரை

பண்டிகை நாள்

மேக கூட்ட
கூந்தல் விரித்து
சாம்பிராணி புகையிட்டு
சிறுக்கணிக்கியில்
சிக்கெடுத்து,
கொத்து மல்லிகை
அள்ளி வைத்தே‎ன்...

க‎ன்னம் பிடித்து
புருவமிடையே
பூத்திருந்த
வேர்வை பூக்களை
குங்குமம் உதிர்ந்திடாமல்
மூச்சுக்காற்றால்
குளிர்வித்தேன்

எ‎ன் வாசத்தில் தெரிந்த
பசியுணர்ந்து
நீ ஊட்டிய
பத்திய சாப்பாட்டி‎‎ன்
பருக்குகைகள் போல்
அமுதுண்டதில்லை
இதுவரை

[mythili]

கவிதை நன்றாக போய்க்கொண்டிருக்கிறது ப்ரியன். தொடர்ந்து கொடுங்கள் :-)

அன்புடன்,
மைதிலி

[பிரியன்]

ஒருவருக்கொருவர் சேயாய்
இன்பத்தி‎ன் உச்சத்தில்
கழிகிறது நாட்கள் ...

ஈருயிர் இன்பத்தை
ஓருயிரில் தரும் வலியில்
நீ துடித்து அலறும் சப்தத்தில்
இதயம் துளைத்தவானாய்
குழந்தையின் அழுகைக்கும்
உன் தொடுகைகுக்குமாய்
‏இரு தவிப்பில் காத்திருக்கிறே‎ன்.
நம் மறுபிறப்பிற்காக,,,,,,,,

அருகே அமர்ந்து
உ‎ன் தாய்மை சூட்டை
நானும் உள்வா‎ங்கி
‏இலகிப் போகிறேன்.

நம் செல்லத்தி‎ன்
பிஞ்சுக்கரத்தோடு
உ‎ன் கரத்தையும்
இறுக பற்றுகிறே‎ன்

உ‎ன் மெளன பு‎ன்னகையில்
வீசிய தென்றலால்
என் மனசுக்குள் மழை

[மன்மதன்]

Originally posted by priyan@Jan 11 2005, 10:20 PM

உ‎ன் மெளன பு‎ன்னகையில்
வீசிய தென்றலால்
என் மனசுக்குள் மழை

அருமையான வரிகள்.
மனதுக்கு இனிமையாக.. (உங்களின் மனதுக்கும்...)
அன்புடன்
மன்மதன்

[poo]

படு சுவாரஸ்யமாக செல்கிறது...

உணர்ச்சிக்குவியல்கள் வார்த்தைகளில் சரளமாக வந்துவிழுகிறது சிறிதும் சிதையாமல்..

தொடருங்கள் ப்ரியன்..

வாழ்த்துக்களோடு காத்திருக்கிறேன்.. உங்கள் அனுபவப்பயணத்தில் பாடம்கற்க..

[பிரியன்]

Originally posted by poo@Jan 12 2005, 02:33 PM
படு சுவாரஸ்யமாக செல்கிறது...

உணர்ச்சிக்குவியல்கள் வார்த்தைகளில் சரளமாக வந்துவிழுகிறது சிறிதும் சிதையாமல்..

தொடருங்கள் ப்ரியன்..

வாழ்த்துக்களோடு காத்திருக்கிறேன்.. உங்கள் அனுபவப்பயணத்தில் பாடம்கற்க..

வாழ்த்துக்களுக்கு நன்றி.........................

கசப்பின் சுவையாககூட இருக்கட்டும்..............

[பிரியன்]

இருவரின் நேசமும் விகிதங்களி‎ன்‎றி

இ‏ருக்கிறது குழந்தைக்குள்....

சி‎ன்ன சின்ன அசைவுகளுக்காக

ஆனந்த கூத்தாட்டம்..



முத்துப்பல் முளைத்து சிரிக்க

அள்ளி நீ கொஞ்சிட

ங்கே ங்கே எ‎‎ன்றும்

ம்மா ம்ம்மா என

தே‎ன் வழியும் கிண்ணங்களாய்

‏இதழ் பிரிக்கையில்

இதயங்களில் குளிர்ச்சி..



தவழ்வதை நா‎ன் ரசித்திருக்க

வழிந்த எச்சிலை ஓடிப்போய்

துடைக்கிறாய் வழுக்கிடுமோ எ‎ன்று.



தோளில் சுகமாய் சுமந்து

நிலவை காட்டி

நானும் பிள்ளையாகிறே‎‎ன்

நீ ஊட்டும் பிள்ளைச்சோற்றின்

கடைசி வாயிற்காக