காதல் கொ[ண்]டேன்...

[ஜீவா]

========================

காதல் கொ(ண்)டேன்...

இது என் காதலுக்கு இன்று நான் சூடிய தலைப்பு..

=======================



==================

தீக்குச்சியாய் இருக்கவும் விரும்புவேன்..

நீ பற்ற வைக்கும் அந்த சில நொடிகள் வாழ்ந்தாலே போதுமென்று!!!

=================



=================

காதல் ஹார்மோன்களின் மாற்றம் என்கிறார்கள்..

நீ இல்லா விடில்.. ஹார்மோனா.. உயிரே வேண்டாம் என்கிறேனே..

=============



==================

கடவுள் உன் முன் திடிரென்று தோன்றினால் என்ன கேட்பாய்!!!



என்னவள் என்னை விரும்பாமல் தவிர்த்தாலும்..

நான் வேறு யாரையும் விரும்பா

மன நிலை மட்டும் கொடு இறைவா என்பேன்..

ஏனென்றால், அப்போது கூட என் காதலை விட

உன்னையும் உன் உணர்வுகளையும் அதிகமாக மதிக்கிறேன்

==================



====================

இன்றோடு உலகம் அழிய போகிறது.. என்ன பண்ணுவாய்..



கண்டிப்பாக என்னவள் கண்ணில் படாமல்

மறைந்திருந்து அவளை பார்த்துக்கொண்டே இருப்பேன்..

ஆம்.. எனக்கு வேண்டாமடி உன் பரிதாப காதல்..



====================



=======================

ஒரு நாள் முழுவதும் உன்னவளோடு இருக்கும் வாய்ப்பு கிடைத்தால்

என்ன பண்ணுவாய்!!



அன்று முழுவதும் மெனண விரதம் இருப்பேன்!!!

ஆம்!!! அவள் இதழ் அசைவுகளையும்

கண் நடனங்களையும்

இமைக்காமல் ரசித்து கொண்டே இருப்பேன்..



======================



==========================

நீ உன்னில் விரும்பாத ஒன்று எது!!!



என் இருமல் தான் என்பேன்..

ஆம்!! நான் இருமும் போதொல்லாம்

என் இதயத்தினுள் என்னவள்

தூங்க முடியாமல் அசைகிறாளே..

அதை விட கொடுமை வேணுமா என்ன!!!



==========================

[ஜீவா]

ஏய் அலையே..
நீயும் என்னை போலவே,
தினமும் கரைக்கு வந்து போகிறாயே..
ஏன்!!! என்னை போலவே
உன்னவளும் இங்கு வருகிறேன்
என்று சொல்லிவிட்டு வரவில்லையோ!!!

[ஜீவா]

வைரமுத்து சொன்னார்.
காதலித்து பார்..
காக்கை கூட உன்னை கவனிக்காது என்று.. ........................
ஆனால்.. ஏன் உன் காசி மாமா மட்டும் என்னை
எப்போதும் முறைத்து கொண்டே இருக்கிறார்..

[ஜீவா]

இல்லை.. இல்லை ஒன்றே போதும் என்று நீ சொன்னாய்..
நானோ, உன்னை போல அழகான ஒரு குட்டி பாப்பாவும்.
என்னைப்போல, ஒரு அறிவான குட்டிப்பையனும் வேண்டும் என்றேன்..
உடனே, கோபப்பட்டு, "அப்போ.. எனக்கு அறிவில்லையா!" என்றாய்..
நானோ, அதிலென்ன சந்தேகம்.. என்றேன் நக்கலாய்..
உடனே.. நீயோ ஓங்கி.................
...
..
சுள்ளென்று மூஞ்சின் மேல் வெயில் அடிக்க..
அட நல்ல ஒரு கனவு முடிவு பெறாமலே..
என் காதலை போல...

[ஜீவா]

கிழக்கு சீமையிலே படம் பார்க்கணும் என்றாய்..
நான் கிரிக்கெட் மேட்ச் பார்க்கும் போது..
"சரிதான் போடி.. " என்றேன் சத்தமாய்...
உடனே, கோபப்பட்டு, டி.வியை அணைத்தாய்..
நான் மட்டும் என்ன சும்மாவா..
வேகமாக எந்திருச்சி...
உன்னை அணைத்தேன்..... ஹி ஹி ஹி ஹி

[ஜீவா]

என்னடா அப்படி மறைத்து மறைத்து இரண்டு நாளாக
படிக்கிறாய்.. என்று என்னிடமிருந்து நண்பர்கள் பிடுங்கி அந்த லெட்டரை படித்தார்கள்..
...
அரிசி - 10 கிலோ..
பருப்பு - 3 கிலோ..
...

அடச்சே.. இதுக்காடா இவ்வளவு பில்ட் அப் என்று லெட்டரை எறிந்து விட்டு சென்றார்கள்..
அவர்களுக்கு தெரியாது அல்லவா..
அது நீ கைப்பட எழுதிய உன் வீட்டு மளிகை லிஸ்ட் என்று...

[ஜீவா]

அது என்ன!!!
உன் மீது மட்டும் பொடா சட்டம் பாயவில்லையே!!
நீ என்னை உன் காதல் தீவிரவாதியாக உருவாக்கியதற்கு...!!!!

[ஜீவா]

வாத்தியார் என்னிடம்..
அழகுக்கு அர்த்தம் என்ன கேட்டார்...
நானோ உன்னையே பார்த்தேன்.. நீயோ வெட்கத்தில் தலை குனிந்தாய்.
இது கூட தெரியவில்லையே என்று என்னை அடித்து விட்டு..
சரி, ஆணவத்திற்காகவாது அர்த்த்ம் சொல் என்றார்..
நான் அவரையே பார்த்தேன்..
அதற்கும் என்னை அடித்தார் பதில் தெரியவில்லையென என்னை நினைத்து..
ஆனால் நீ மட்டும் தலை குனிந்து சிரித்து கொண்டிருந்தாய் எல்லாம் அறிந்து...

[ஜீவா]

பார்த்து பழகியதற்கு அப்புறம்தான் ஒருத்தரை
விரும்ப முடியும் என்று சொன்னால்..
நான் விரும்பும் அப்துல் கலாமிடம் கூட நான் இதுவரை பேசியதில்லையெ..
அதையெல்லாம் தவறென்று சொல்லாத என் நண்பர்கள்
உன் விசயத்தில் மட்டும் அடம் புடிக்கிறார்களே.

இது என் தவறா! இல்லை அவர்களின் தவறா


யாரோ எழுதிய நடிகையின் கிசுகிசுவை படித்து விட்டு
இரவில் அலசும் நண்பர்களின் கூட்டத்தின் மத்தியில்
நான் மட்டும் தனித்திருந்து போர்வை மூடி உன்னை
நினைத்து கொண்டிருப்பதை கிண்டலடிப்பார்களே..

இது என் தவறா! இல்லை அவர்களின் தவறா

===
எப்படியோ வாழ்ந்து கொண்டிருந்த என்னை..
இப்படித்தான் வாழ வேண்டும் என்று உன் மூலம் அறிந்து
மாறியதை "எப்படி இருந்த இவன் இப்படி ஆயிட்டானே.. "
என்று சொல்கிறார்களெ..

இது என் தவறா! இல்லை அவர்களின் தவறா

இது எல்லாம் என் தவறென்றால், அந்த தவறை மீண்டும் மீண்டும் செய்து கொண்டுதான் இருப்பேன்.. உன்னிடத்திலிருந்து எதிர்ப்பு வரும் வரை..

[ஜீவா]

நானும் தோல்வியில் துவண்டேன் தோழி.. ஒரு காலத்தில்..
அப்போதுதான் என் மனதில் தோன்றியது..
யுகம் யுகமாக சுற்றியும் தான் விரும்பும் சூரியனை அடைய முடியவில்லையென
என்றாவது பூமி நினைத்ததுண்டா..
நான் மட்டும் ஏன் அப்படி இருக்க கூடாது என்று..

எட்டு வருடங்களாக முயற்சி பண்ணி.. இப்போதுதான் கிடைத்தது..
மகிழ்ச்சிக்கடலில் பெப்ஸி உமா ரசிகன் தொலைபேசியில்..

நான் வெறும் எட்டு மாதங்களுக்குள்
துவண்டு விடலாமா?
இதோ புறப்பட்டு விட்டேன் பூமியாக..
சூரியனாகிய உன்னை சுற்ற...

[ஜீவா]

இன்று உணர்ந்தேன் தோழி.

காத்திருப்பதிலும் இவ்வளவு சுகம் இருக்குமென!!!..



உனக்கு தெரியாது.. இன்று நான் எத்தனை முறை உன்னை நினைத்தேன் என்று..

எனக்கும்தான்.. ஆம் கணக்கில் அடக்க முடியவில்லை..



இதைத்தான், பிரிந்து இருப்பதிலும் உள்ள சுகம் என்கிறார்களோ..



இன்று உனக்காகவே ஒதுக்கி வைத்த இந்த நாளை, உனக்காகவே செலவிட ஆசைப்பட்டு, நம் பழய நினைவுகளை படிக்க ஆரம்பித்தேன்.. நான் அடைந்த மகிழ்ச்சிக்கு அளவே இல்லையடி..



இன்னும் நிறைய சொல்ல மனதில் இருக்கிறது..

வார்த்தைகளாக உருப்பெற தெரியவில்லை..

கருத்தறிக்க கூட பத்து மாதம் தேவைப்படும்போது..

என் உணர்ச்சிகளின் வெளிப்பாடுகளுக்கு கண்டிப்பாக

கால அவகாசம் தேவைதான்.



ஆனால், என் உணர்ச்சிகள் என்னோடு மட்டும் புதைந்து போக கூடாது என்று விரும்புகிறேன்..

அதை புரிந்து கொள் தோழி..ஆனால்.

புரிந்தும் என்னை கொல்லாதே...

[ஜீவா]

அது என்ன கடிகாரத்திற்க்கு கூட என் மீது பொறாமை..

உன்னை பார்கக துடிக்கும் இந்நாள் என்று அறிந்தும்

வினாடி முள் கூட வேகமாக சுற்ற மறுக்கின்றதே!!!