இதுதான் காதலா?

[நிலா]

பெண்ணே!

நான் உனைப்பார்க்காத வேளையென்றெண்ணி
நீ எனை ஓரக்கண்ணால்...........
என் உடை கசங்குதல்கண்டு
உன் முகம் சுருங்குகிறதுதானே?
எனக்குப்பிடித்த நிறங்கள்தானே
உன் உடையில்?
பேச எனை நெருங்கிவந்து
தள்ளிச்செல்கிறாயல்லவா?
உன்பெயரின் முதலெழுத்தை உச்சரிப்பினும்
உன் பெயரோ எனவெட்கித்தலைகுனிகிறாயல்லவா?
தூரத்தில் நான் தடுக்கிவிழ காற்றில்
உதவிக்கரம் நீட்டுகிறாய்தானே?
நான் உன் பார்வைக்கு வரவில்லையென்றால்
வருத்தப்படுகிறாயல்லவா?
உன் உறவுக்கூட்டத்தில் எனைத்தேடுகிறாய்தானே?
நீ செய்வதெல்லாம் எனக்கெப்படி............வியக்கிறாய்தானே?

நீ செய்யும் அத்துணை செயல்களும் என்னாலும்..............


இதுதான் காதலா?

[poo]

ம்ம்... அதேதான்... நிலா..அருமை... பாராட்டுக்கள்... தொடருங்கள்..

[Hayath]

நல்ல ஒரு அருமையான காதல் கவிதை.....நிலாவுக்கு எனது பாராட்டுகள்.

நிலாவின் அனுபவமோ ?

[Nanban]

காதலுக்கு விளக்கம் சொல்லும் பொழுது சிலர் கூறுவர் - கண்ணாடி முன் நின்று பார், நீ என்னவாக இருக்கிறாயோ, அதுவாகவே உன் காதலும் இருக்கும் என்று. தன்னைத்தானே விரும்பாதவனால், காதலில் ஈடுபட முடியாது. கவிஞர் கண்ணாடி முன் நின்று காதலியைப் பார்க்கிறார் போலும்.

அதுதான், யதார்த்தமாக இருக்கிறது........

பாராட்டுகள், நிலாவிற்கு........

[பாரதி]

பாராட்டுக்கள் நிலா..

[karikaalan]

மனமொருமித்த காதலில் இது சகஜம்.

வாழ்த்துக்கள் நிலாஜி.

===கரிகாலன்

[prabha_friend]

காதலின் இனிமையை சொல்லும் ஒரு இனிமையான கவிதையை தந்த நிலா அவர்களுக்கு பாராட்டுக்கள் .

[ஆதவா]

பெண்ணே!

நான் உனைப்பார்க்காத வேளையென்றெண்ணி
நீ எனை ஓரக்கண்ணால்...........
என் உடை கசங்குதல்கண்டு
உன் முகம் சுருங்குகிறதுதானே?
எனக்குப்பிடித்த நிறங்கள்தானே
உன் உடையில்?
பேச எனை நெருங்கிவந்து
தள்ளிச்செல்கிறாயல்லவா?
உன்பெயரின் முதலெழுத்தை உச்சரிப்பினும்
உன் பெயரோ எனவெட்கித்தலைகுனிகிறாயல்லவா?
தூரத்தில் நான் தடுக்கிவிழ காற்றில்
உதவிக்கரம் நீட்டுகிறாய்தானே?
நான் உன் பார்வைக்கு வரவில்லையென்றால்
வருத்தப்படுகிறாயல்லவா?
உன் உறவுக்கூட்டத்தில் எனைத்தேடுகிறாய்தானே?
நீ செய்வதெல்லாம் எனக்கெப்படி............வியக்கிறாய்தானே?

நீ செய்யும் அத்துணை செயல்களும் என்னாலும்..............


இதுதான் காதலா?

கண்டிப்பா இது காதல் தான் நிலா!! யாருங்க அந்த பொண்ணு.