தொண்டி வந்தார் ஆஸ்திரேலிய பெண்: சிறிய படகில் உலகைச் சுற்றுகிறார்
கின்னஸ் சாதனை படைப்பதற்காக சிறிய படகில் உலகத்தைச் சுற்றும் ஆஸ்திரேலியப் பெண் தொண்டி வந்தடைந்தார்.
ஆஸ்திரேலியாவைச் சேர்ந்தவர் சேண்டி (35). இவர் கின்னஸ் சாதனை படைக்கும் நோக்கத்தில், 2011 ஆம் ஆண்டு ஜெர்மனியில் இருந்து சிறிய படகில் கடல் வழியாக உலகத்தைச் சுற்றி வருகிறார். பல்வேறு நாடுகளுக்குச் சென்ற சேண்டி சனிக்கிழமை இரவு ராமநாதபுரம் மாவட்டம், திருவாடானை தாலுகா, தொண்டிக்கு வந்தார். இதுவரை 7 ஆயிரம் கடல் மைல் பயணம் மேற்கொண்டுள்ளதாகவும், 2016-ல் மீண்டும் ஜெர்மனி திரும்ப உள்ளதாகவும் அவர் தெரிவித்தார். அவர் தனது சிறிய படகில் ஞாயிற்றுக்கிழமை புதுச்சேரி புறப்பட்டுச் சென்றார்.
Bookmarks