Page 1 of 4 1 2 3 4 LastLast
Results 1 to 12 of 45

Thread: தமிழ்த் திரை இசை தோற்றமும் வளர்ச்சியும்

                  
   
   
  1. #1
    அனைவரின் நண்பர் பண்பட்டவர் rajeshkrv's Avatar
    Join Date
    05 Aug 2003
    Location
    Texas
    Posts
    1,208
    Post Thanks / Like
    iCash Credits
    17,983
    Downloads
    0
    Uploads
    0

    தமிழ்த் திரை இசை தோற்றமும் வளர்ச்சியும்

    [b][size=18]தமிழ்த் திரை இசை தோற்றமும் வளர்ச்சியும்

    வசனமே இல்லாத படங்கள் வந்து பின் பேசும் படங்கள் வந்து
    பின் படங்களில் வசனங்களுக்கு வேலை இல்லாத நேரத்தில் பாடல்கள் வந்தது.

    முதலில் வந்த பேசும் படம் ஆலம் ஆரா
    தமிழில் முதலில் வந்த பேசும் படம்கவி காளிதாஸ்
    டி.பி.ராஜலெட்சுமி தமிழில் பேச கதாநாயகன் தெலுங்கில் பேச துணை நடிகர்கள் ஹிந்தியில் பேசி நடித்தனர்!

    தமிழில் முதல் பாடலாசிரியர் மதுரை பாஸ்கரதாஸ்.

    1931- 1950 வரை கர்நாடக இசையின் ஆதிக்கம் திரையில் இருந்தது.
    புராணப்படங்கள் நிறைய வந்தன. படங்களில் பாடல்கள் முக்கிய அம்சமாயின. நிறையப் பாடல்கள் இடம்பெற்றன.

    கர்நாடக இசை வல்லுநர்களே இசையமைப்பாளராக பணியாற்றினர்.
    ஆம்.. எஸ்.வி.வெங்கட்ராமன், ஜி.ராமனாதன், எஸ்.எம்.சுப்பையா நாயுடு அவர்களைக் குறிப்பிடலாம்

    நாடகங்களுக்கு பாடல்கள் எழுதிய சங்கரதாஸ் சுவாமிகள், மதுரை பாஸ்கரதாஸ், பாபநாசம் சிவன், உடுமலை நாராயணகவி ஆகியோரின் பாடல்கள் இடம்பெற்றன.

    நடிகர் நடிகையே பாடி நடித்தனர். எம்.கே.ராதா, பி.யு.சின்னப்பா,
    எம்.கே.தியாகராஜபாகவதர், தண்டபானி தேசிகர், பி.எஸ்.கோவிந்தம், ஜி.என்.பாலசுப்பிரமணியம், டி.ஆர்.மகாலிங்கம், எம்.எஸ்.சுப்புலக்ஷ்மி, என்.சி.வசந்தகோகிலம், யு.ஆர்.ஜீவரத்னம்,கே.பி.சுந்தராம்பாள் போன்றவர்கள் பாடி நடித்து புகழ்பெற்றனர்.

    பாடல்களின் இனிமைக்காகவே படங்கள் 60 - 70 வாரங்கள் ஓடின.
    1944'ல் வெளியான ஹரிதாஸ் படம் பாடல்களுக்காகவே சென்னையில் பிராட்வேயில் 110 வாரங்கள் ஓடியது.

    பாடல் பதிவு என்பது அப்பொழுது இல்லை. பாடல்காட்சிக்கேற்ப பாடலாசிரியர் பாடல் இயற்ற நடிகர் நடிகையுடன் இசையமைப்பாளர் பல முறை ஒத்திகை பார்த்து பின் பாடி நடிக்கும் காட்சி படமாக்கப்பட்டது.

    பின் பாடல் இயற்றி, முறைப்படி மெட்டமைத்து பாடல் காட்சி படமாக்கப்பட்டது. அசோக்குமார் (1941) படத்திலிருந்துதான் இந்த முறை பின்பற்றப்பட்டது.

    பின்னணி பாடும் முறை எவ்வாறு வந்தது என்பதை நாளை பார்ப்போம்

    ராஜ்
    Last edited by சுகந்தப்ரீதன்; 16-06-2008 at 09:05 AM. Reason: ஒருங்குறியாக்கம்

  2. #2
    இனியவர் தஞ்சை தமிழன்'s Avatar
    Join Date
    08 Apr 2003
    Location
    குடந்தை
    Posts
    719
    Post Thanks / Like
    iCash Credits
    5,040
    Downloads
    0
    Uploads
    0
    மன்றத்து பதிவுகளிலேயே சேமித்து வைக்க கூடிய பல அரிய தகவல்களை தரும் ராஜ் அவர்களின் பணி சிறப்புக்குறியது.

    அவருக்கு எனது பாராட்டுக்கள்.
    Last edited by சுகந்தப்ரீதன்; 16-06-2008 at 09:05 AM.

  3. #3
    மன்ற ஆலோசகர் பண்பட்டவர் பரஞ்சோதி's Avatar
    Join Date
    16 Jan 2004
    Posts
    10,688
    Post Thanks / Like
    iCash Credits
    26,644
    Downloads
    10
    Uploads
    0
    சினிமா பகுதியில் முடிசூடா மன்னராக விளங்கும் ராஜேஷ் அண்ணாவின் இந்தப் பதிவு எல்லோரையும் கவரும், மற்ற தலைப்புகளையும் போல் வரவேற்பு பெறும். தெரியாத விசயங்களை தெரிந்துக் கொள்ள ஆவலோடு காத்திருக்கிறோம். நன்றி அண்ணா.
    Last edited by சுகந்தப்ரீதன்; 16-06-2008 at 09:05 AM.
    பரஞ்சோதி


  4. #4
    மன்றத்தின் சுடர் பண்பட்டவர்
    Join Date
    17 Apr 2003
    Posts
    7,901
    Post Thanks / Like
    iCash Credits
    17,030
    Downloads
    62
    Uploads
    3
    சுவையான தகவல்களை அள்ளி வழங்கும் ராஜேஷக்கு என் மனமார்ந்த நன்றி.
    Last edited by சுகந்தப்ரீதன்; 16-06-2008 at 09:06 AM.

  5. #5
    இனியவர்
    Join Date
    24 Jan 2004
    Posts
    506
    Post Thanks / Like
    iCash Credits
    5,030
    Downloads
    0
    Uploads
    0
    சுவையான தகவல்களை அள்ளி வழங்கும் ராஜேஷக்கு என் மனமார்ந்த நன்றி.
    எனது நன்றிகளும் ....
    Last edited by சுகந்தப்ரீதன்; 16-06-2008 at 09:06 AM.

  6. #6
    அனைவரின் நண்பர் பண்பட்டவர் rajeshkrv's Avatar
    Join Date
    05 Aug 2003
    Location
    Texas
    Posts
    1,208
    Post Thanks / Like
    iCash Credits
    17,983
    Downloads
    0
    Uploads
    0
    1937'ல் சிந்தாமணி படத்தில் எம்.கே.டி. அசுவத்தம்மா இணைந்து நடித்தனர். இருவரும் சேர்ந்து பாடவேண்டிய கட்டத்தில் எம்.கே.டியுடன் பாட அசுவத்தம்மா மறுத்தார். ஆகவே கர்நாடக இசையுலகின் ஜாம்பவானாக இருந்த வித்வான் ராஜகோபால சர்மாவை எம்.கே.டிக்கு பாடவைத்து பாடலை பதிவு செய்தனர்.
    ஆக ராஜகோபால சர்மா தான் பின்னணிப்பாடுவதில் முன்னோடி!

    அதேபோல் சாந்தாசக்குபாய்(1939) படத்தில் நடிக்கும் போது அசுவத்தம்மா உடல் நலம் குன்றியதால் அவர் பாட வேண்டிய பாடலை வி.ஆர். தனம் பாடினார்.

    தமிழ்த்திரையுலகின் முதல் பின்னணிப்பாடகர் திரு.திருச்சி லோகநாதன் அவர்கள்; முதல் பின்னணிப்பாடகி பி.ஏ.பெரியநாயகி.

    1945'ல் ஏ.வி.எம். தயாரித்த ஸ்ரீவள்ளி திரைப்படத்தில் முதலில் ருக்மணியே பாடினார். படத்தை திரையில் பார்த்த செட்டியார் மகாலிங்கத்தின் உச்சஸ்தாயிற்கு இணையாக ருக்மணியின் குரல் அமையவில்லை என நினைத்தார். மேடைக்கச்சேரிகளில் புகழ் பெற்ற பி.ஏ.பெரியநாயகியை பாட வைத்து படத்தில் சேர்த்தார்

    1943 முதல் 1950 வரை கர்நாடக சங்கீதத்தின் ஆதிக்கம் குறைந்து மெல்லிசையின் ஆதிக்கம் தொடங்கியது. இயல்பான தமிமும், எளிமையான வார்த்தைகளும் இடம்பெறத்தொடங்கின. மெல்லிசைக்கேற்ப பாடல்கள் எழுதத்தொடங்கியர் உடுமலை நாராயணகவி அவர்கள்.
    மருதகாசி, தஞ்சை ராமய்யாதாஸ், கொத்தமங்கலம் சுப்பு, டி.கே.சுந்தரவாத்தியார், கே.டி.சந்தானம், கே.பி.காமாட்சி, கம்பதாசன் அக்கால கட்டத்தில் குறிப்பிடத்தக்க பாடலாசிரியர்கள்.

    1949 - ல் கன்னியின் காதலி மூலம் கண்ணதாசன் அறிமுகமானார்.
    பாரதியாரின் பாடல்கள் திரையில் இடம்பெற்றன; காரணம் சுதந்திரப் போராட்ட காலம் என்பதால்.அதை செய்தவர் ஏ.வி.எம்.செட்டியார்.

    இசையமைப்பாளர்களின் நிலை மேலோங்கியதும் இந்த கட்டத்தில் தான்.

    பாடலுக்கு மெட்டு என்பதிலிருந்து மெட்டுக்குப்பாட்டு என மாறியதும் இந்த காலகட்டத்தில் தான். ஜி.ராமனாதன், சி.ஆர்.சுப்புராமன், எஸ்.எம்.எஸ்,ஆர்.சுதர்ஸனம், கே.வி.மகாதேவன், எம்.எஸ்.விஸ்வநாதன், டி.கே.ராமமூர்த்தி, டி.ஆர்.பாப்பா ஆகியோர் பெரும் பங்கு வகித்தனர்

    பொற்காலம்.
    1951-1975 குடும்ப, சமூக படங்களே அதிகம். இயல்பான காதல், சோகம்,சமுதாய வளர்ச்சி போன்றவற்றை மையமாக வைத்து படங்கள் வந்தன. இந்த கதைகள் மெல்லிசை சேர்ப்புக்கு பெரிதும் உதவின. மெல்லிசை மேலோங்கி வளர்ந்தது. இதற்கு வித்திட்டவர் ஆர்.சுதர்ஸனம் அவர்கள். விஸ்வ நாதன் - ராமமூர்த்தி, கே.வி.மகாதேவன், பாப்பா, வி.குமார் போன்றவர்கள் இந்த மெல்லிசை வளர்ச்சியில் பெரிதும் பங்கு வகித்தவர்கள்.

    இவ்வாறு வளர்ந்த தமிழ்த்திரையிசையில் பங்கு வகித்தவர்கள் பற்றி பார்ப்போம். இசையமைப்பாளர்கள், பாடலாசிரியர்கள்,பாடகர் பாடகியர் ஆகியோரைப்பற்றி ஒரு அலசு அலசுவோம்.

    விடுமுறையில் செல்வதால் செவ்வாய் அன்று தொடர்கிறேன்.

    மன்ற நண்பர்களின் ஆதரவை வேண்டுகிறேன்.

    ராஜ்
    Last edited by சுகந்தப்ரீதன்; 16-06-2008 at 09:07 AM.

  7. #7
    மன்றத்தின் சுடர் பண்பட்டவர்
    Join Date
    17 Apr 2003
    Posts
    7,901
    Post Thanks / Like
    iCash Credits
    17,030
    Downloads
    62
    Uploads
    3
    கேள்விப்படாத தகவல்களை எல்லாம் ஒரு சேர திரட்டி சிறப்பாக வழங்கி வரும் உங்களுக்கு என் நன்றி. உங்கள் விடுமுறையும் இனிதாக அமையட்டும்.
    Last edited by சுகந்தப்ரீதன்; 16-06-2008 at 09:07 AM.

  8. #8
    மன்ற ஆலோசகர் பண்பட்டவர் பரஞ்சோதி's Avatar
    Join Date
    16 Jan 2004
    Posts
    10,688
    Post Thanks / Like
    iCash Credits
    26,644
    Downloads
    10
    Uploads
    0
    ராஜேஷ் அண்ணாவின் பதிவு என்றாலே ஓடி வந்து பார்க்கும் வழக்கத்தை கொண்டவன் நான், நீங்கள் தான் தெரியாதவற்றை சொல்பவர், அண்ணா தொடர்ந்து எழுதுங்கள். உங்கள் ஆதரவு தான் எங்களுக்கு வேண்டும். நன்றி.
    Last edited by சுகந்தப்ரீதன்; 16-06-2008 at 09:07 AM.
    பரஞ்சோதி


  9. #9
    மன்றத்தின் மகுடம் பண்பட்டவர்
    Join Date
    31 Mar 2003
    Posts
    15,683
    Post Thanks / Like
    iCash Credits
    57,367
    Downloads
    4
    Uploads
    0
    பொற்களஞ்சியப் பதிவுகள் தருவதில் இருவர் மன்றத்தில் முதலிடத்தில்..
    ஒருவர் பிஜிகே.. இன்னொருவர் குருகுரு ராஜ்..

    பிரமிக்கிறேன்.. அருமையான இத்தொடர் தொடரட்டும்..
    Last edited by சுகந்தப்ரீதன்; 16-06-2008 at 09:08 AM.
    எத்தனை மனிதர்கள் உலகத்திலே...
    எத்தனை உலகங்கள் இதயத்திலே...

  10. #10
    மன்றத்தின் மகுடம் பண்பட்டவர் மன்மதன்'s Avatar
    Join Date
    29 Nov 2003
    Posts
    11,633
    Post Thanks / Like
    iCash Credits
    26,837
    Downloads
    17
    Uploads
    0
    அனைத்தும் அறிய தகவல்கள.. பல புத்தகங்களை படித்து தெரிந்து கொள்வதை இங்கே எளிய முறையில் கொடுத்த ராஜேஷ்க்கு என் நன்றிகள்..

    அன்புடன்
    மன்மதன்
    Last edited by சுகந்தப்ரீதன்; 16-06-2008 at 09:08 AM.

  11. #11
    அனைவரின் நண்பர் பண்பட்டவர் rajeshkrv's Avatar
    Join Date
    05 Aug 2003
    Location
    Texas
    Posts
    1,208
    Post Thanks / Like
    iCash Credits
    17,983
    Downloads
    0
    Uploads
    0
    முதலில் எம்.கே.தியாகராஜ பாகவதர்.

    தென்னிந்தியா இசையிலும் சரி, பண்பாட்டிலும் சரி முதன்மை வகித்தது. குறிப்பாக தஞ்சை மாவட்டம். நெற்களஞ்சியத்திற்கு மட்டுமல்லாமல் கலைகளுக்கும் தான்.

    எம்.கே.டி பிறந்த ஊர்: மாயவரம்
    பிறந்த தேதி - 1.3.1910.
    தந்தை ஒரு பொற்கொல்லர்.
    பின்னர் அந்த குடும்பர் திருச்சிக்கு இடம் பெயர்ந்தது.
    தியாகராஜனுக்கோ படிப்பில் ஆர்வம் இல்லாமல் இசைக்கேட்பதிலேயே ஆர்வம் அதிகம் இருந்தது.

    சிறு வயதில் மேடை நாடகங்களும் எஸ்.ஜி.கிட்டப்பாவின் பாடல்களும் அவரை கவர்ந்தன. இவரது இசை ஆர்வம் தந்தைக்கு படிக்கவில்லை.ஒரு நாள் வீட்டை விட்டு வெளியேறினார். இவர் கடப்பாவில் இருப்பதை கேள்விப்பட்டு இவரது தந்தை அங்கு செல்ல அங்கே தன் மகனுக்கு கிடைத்த பாராட்டை பார்த்து மெய் மறந்தார். மகனை திருப்பதிக்கு அழைத்து சென்றார்.
    பின்னர் திருச்சியில் நடந்த பஜன்கள் அனைத்திலும் தியாகராஜன் இடம்பெற்றான். இந்த சிறுவனின் இசைஞானம் காட்டுத்தீ போல் பரவியது. இந்த பரப்பலில் சேர்ந்து கொண்டவர் திரு.F.G. நடேச ஐயர் . இவர் ஒரு ரயில்வே ஊழியர், திருச்சி ரசிக ரஞ்சனி நாடக குழு நடத்தி வந்தார். தனது ஹரிச்சந்திரா நாடகத்தில் லோகிதாஸா வேடத்திற்கு ஒரு சிறுவனை தேடி வந்தார். தியாகராஜனின் தந்தையை அனுகி சம்மதம் பெற்றார்.
    ஹரிச்சந்திரா தான் முதல் நாடகம். அதிலேயே புகழ் பெற்றார்
    அந்த நாடகத்தில் தியாகராஜன் பாடி நடித்தார். இவரது பாடும் திறமையை பார்த்த மதுரை பொன்னு அய்யங்கார் - வயலின்
    வித்வான் தானே அவனுக்கு சொல்லிக்கொடுக்க முன் வந்தார்.

    ஆறு வருட கடின உழைப்பிற்கு பின் திருச்சி கமலா தெருவில் உள்ள
    காளியம்மன் கோவிலில் முதல் அரங்கேற்றம் நிகழ்ந்தது.

    பவளக்கொடி -1926 இது தான் தியாகராஜர் நாயகனாக
    நடித்த முதல் மேடை நாடகம். டி.பி.ராமகிருஷ்னன் நாயகி வேடமேற்றார்.
    பின்னர் எஸ்.டி.சுப்புலக்ஷ்மி நாயகி வேடமேற்றார். இந்த ஜோடி சரித்திரம் படைத்தது. எஸ்.ஜி.கிட்டப்பா - கே.பி.சுந்தராம்பாள் ஜோடிக்கு இணையாக பேசப்பட்டது.

    தேவுடு ஐயர் ஹார்மோனியம் வித்வான் இவரது நாடகங்களுக்கு இசையமைத்து வந்தார்.
    பின் ஜி.ராமனாதன் இசையமைத்தார்.
    எம்.கே.டி - ஜி.ராமனாதன் ஜோடி சரித்திரம் படைக்க இணைந்தது.

    சினிமாவின் ஆரம்ப காலத்தில் கர்னாடக இசை வல்லுனர்களான ஹரிகேச நல்லூர் முத்தையா பாகவதர், வித்வான் ஸ்ரீனிவாஸ ஐயர், நடேச ஐயர், மகாராஜபுரம் விஸ்வநாத ஐயர், ஜி.என்.பி,சடகோபன், எம்.எம்.தண்டபானி தேசிகர், எம்.எஸ்.சுப்புலக்ஷ்மி, என்.சி வசந்தகோகிலம், எம்.கே.டி என எல்லோரும் கொடி கட்டி பறந்தனர்.
    பலர் சீக்கிரம் திரையிலிருந்து மறைந்தனர்.ஆனால் எம்.கே.டியின் குரல் அவரை நீண்ட நாட்கள் நிலைத்து நிற்க உதவியது.

    பவளக்கொடி நாடகம் 1934'ல் திரை வடிவம் பெற்றது.. அது தான் இவர் நடித்த முதல் படம். அதன் பின் 10 ஆண்டுகள் முடி சூட மன்னனாக விளங்கினார். 9 படங்களில் நடித்ததுமே மாபெரும் புகழ் பெற்ற நடிகர் இவரே..

    எம்.கே.டி நடிப்புத்திறமையை நம்பவில்லை . அப்படி ஒன்றும் அவருக்கு திறமை இருக்கவும் இல்லை. தன் குரலையே நம்பினார். அப்பொழுது நடிகர்கள் பாடகர்களாக இருந்தனர். மக்களும் அவர்களது இசையையே விரும்பினர்.
    நடிகராக இவரது பங்கு சிறிது என்றாலும் பாடகராக இவரது பங்கு அளப்பறியது.

    பவளக்கொடி-1934 இயக்கம் கே.சுப்பிரமணியம்
    எம்.கே.டி - எஸ்.டி.எஸ் ஜோடி
    50 பாடலக்ள் இடம்பெற்றன -
    எம்.கே.டி 22 பாடல்களை பாடினார்.
    இந்த படத்தின் மூலம் தான் பாபனாசம் சிவன் திரையில் நுழைந்தார்.

    சோம சேகரா , கண்ணா கரிய முகில் வண்ணா,
    முன்னம் ஒரு சன்னியாசி என பாடல்கள் அனைத்தும் புகழ்பெற்றன.

    நவீன சாரங்கதாரா - 1936 இயக்கம் கே.சுப்பிரமணியம்
    எம்.கே.டி - எஸ்.டி.எஸ் ஜோடி
    ஞான குமாரி, அபராதம் செய்தறியேன்,சிவபெருமான் கிருபை வேண்டும் புகழ்பெற்றன.
    இன்றும் சிவபெருமான் அதே சரணத்தில் தான் பாடப்படுகிறது.

    சிந்தாமனி - 1937 இயக்கம் -ஒய்.வி.ராவ்
    எம்.கே.டி- அசுவத்தம்மா ஜோடி.
    அசுவத்தம்மா அறிமுகம் இந்த படத்தில் தான்
    அவர் கன்னட நாடக நடிகை.
    இவர் 1939'ல் மறைந்தார். இவர் நடித்த இன்னொரு படம்
    சாந்தா சக்குபாய்.

    ராதே உனக்கு கோபம், பஜனை செய்வோம் கண்ணன் நாமம்,ஞானக்கண் ஒன்று என அனைத்துப்பாடல்களும் அருமை.

    சத்யசீலன் -1938எம்.கே.டியின் சொந்த தயாரிப்பு
    எம்.கே.டி- தேவசேனா ஜோடி
    தேவசேனா பின்னர் தண்டபானி தேசிகரை மணந்தார்.

    தாமதமேன் சுவாமி, உதயோகபட்டமெல்லாம், ராஜயோக ஞானகுருவே , சொல்லுப்பாப்பா பாடல்கள் புகழ்பெற்றன.

    அம்பிகாபதி -1938 இயக்கம் - எல்லீஸ்.ஆர்.டங்கன்
    எம்.கே.டி- எம்.ஆர்.சந்தானலக்ஷ்மி ஜோடி.
    படம் மாபெரும் வெற்றி.
    காதல் காட்சிகள் மிக நெருக்கமாக படமாக்கப்பட்டன.
    இளங்கோவனின் வசனங்களும் அருமை
    பாகவதர்-சிவன் - இளங்கோவன் கூட்டணி வெற்றிக்கூட்டணி ஆனது.

    உலகினில் இன்பம், இனி எவ்வாறு , சந்திர சூரியர்,மானே நான் உன்னை அடைய, பதி பாதம் பணிவது ,பஜனை செய்வாய் மனமே என அனைத்துப்பாடல்களும் புகழ்பெற்றன
    இந்த படத்திற்கு பின் இவரது படம் எல்லா இடங்களிலும் அலங்கரித்தன.

    நாளை கீழ் கண்ட படங்கள் பற்றி பார்ப்போம்.

    திருநீலகண்டர் - 1939
    அசோக்குமார்-1940
    சிவகவி-1942
    ஹரிதாஸ் -1944
    ராஜமுக்தி -1948
    அமரகவி-1952
    சியாமளா -1953
    புதுவாழ்வு-1957
    சிவகாமி -1959


    ராஜ்
    Last edited by சுகந்தப்ரீதன்; 16-06-2008 at 09:08 AM.

  12. #12
    அனைவரின் நண்பர் பண்பட்டவர் rajeshkrv's Avatar
    Join Date
    05 Aug 2003
    Location
    Texas
    Posts
    1,208
    Post Thanks / Like
    iCash Credits
    17,983
    Downloads
    0
    Uploads
    0
    மேலும் சில படங்கள்
    Last edited by சுகந்தப்ரீதன்; 16-06-2008 at 09:09 AM.

Page 1 of 4 1 2 3 4 LastLast

Thread Information

Users Browsing this Thread

There are currently 1 users browsing this thread. (0 members and 1 guests)

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •