எங்கே இருக்கிறேன் .........

[Nanban]

எங்கே இருக்கிறேன் .........

வெகு நாட்களுக்கு முன்
சுவர்க்கத்திலிருந்து வெளியேற்றப்பட்டேன் -
இந்தப் பூமியிலிருந்தும் தான்.

கடிகார முட்களிலிருந்தும் விலகினேன்.
காலபரிமானமற்ற பிரதேசத்தினுள்
நான் தூக்கி எறியப் பட்டேன்.

'எங்கு தான் இருக்கிறாய்? '
என எல்லோரும் கேட்டு
துளைத்தெடுக்கின்றனர்.

எப்படி சொல்வேன்?
என்னை ஊமையாக்கி
எங்கோ நீ எறிந்து விட்டதை?

உன் ஒரே பார்வையால்.......

[poo]

காதலின் கொடுமை... அருமை!!!

[இளசு]

எப்படி சொல்வேன்?
என்னை ஊமையாக்கி
எங்கோ நீ எறிந்து விட்டதை?

உன் ஒரே பார்வையால்

ஈர்ப்பு விசையும் அதுவே
தூக்கி விசிறுவதும் அதுவே

எவ்வளவு உயரம் போகிறோமோ
அவ்வளவு அடி விழும்போது

என்றாலும்
சமதளத்தில் மட்டும் நடப்பதைவிட
சவமாய்க் கிடக்கலாம்.

[Narathar]

காதலுக்கு இத்தனை சக்தியோ????

[Nanban]

சமதளத்தில் மட்டும் நடப்பதைவிட
சவமாய்க் கிடக்கலாம்.

சமதளத்தில்
உருளலாம்,
புரளலாம்.
எங்கும் செல்லாமலே.

நடப்பது
மேட்டிலோ, பள்ளத்திலோ -
எங்காவது பயணிக்க முடியும்.

[rambal]

அந்த ஓரவிழிப்பார்வையில்
என்னை காகிதமாக்கி
புன்னகைமத்தாப்பைக்
கொளுத்தி போட்டுவிட்டு
ஓடி ஒளிந்து கொண்டாய்..
இங்கு நானல்லவா பற்றி எரிகிறேன்..


பாராட்டுக்கள் நண்பனுக்கு..

[அமரன்]

இந்த ஓரவிழிப்பார்வை செய்யும் ஜாலங்கள்தான் எத்தனை.

உரசல் பார்வையால்
எங்கோ தூக்கி அடிக்கப்படும் அளவுக்கு
வல்லமை மிகுந்து...

சொர்க்கம் தாண்டிய
இன்ப உலகம் காட்டி...

சொல்லவொண்ணா தாக்கங்கள்..
அருமையான வண்ணப் பாக்கள்.