படித்தவை (கதம்பம் - 4 -4 -2004)

[இளசு]

படித்தவை (கதம்பம் - 4 -4 -2004)

** ரொமானியர்களுக்கு நாடு பிடிக்க நடத்திய மோதல்களுக்கு இணையாக
பிடித்தமான இன்னொரு விஷயம் "காதல்"
Romans விரும்பி செய்ததால் அது Romance ஆனது.

** இன்றைய எகிப்தில் இருக்கும் பண்டைய அலெக்ஸாண்ட்ரியா பல்கலைக் கழகத்தில்
நல்ல நூல் சமர்ப்பித்தால் எடைக்கு எடை தங்கம் கொடுத்து வாங்கிக்கொள்வார்களாம்.

** கிழக்கே போகும் ரயில் புகழ் சுதாகர் போட்டிருந்த பெல் பாட்டம் மீண்டும் வரும்போல் தோன்றுகிறது.
நாகரீகக்கோலமும் காலமும் சக்கரம் போல் சுழல்பவை என்று மனோன்மணீயம் சொல்கிறது -

<span style='color:#0064ff'>"காலம் என்பது கறங்கு போலாடி
மேலது கீழாய் கீழது மேலாய்"</span>

** அன்றைய பாபிலோன் இன்றைய ஈராக்...

**லாக்ரிதம் (Logrithm) கண்டுபித்தவர் நேப்பியர்.. (Napier..)

** அப்பனோடு கல்வி போச்சு
ஆத்தாவோடு அறுசுவை உணவு போச்சு - என்பது பழமொழி.

கபிலரோடு குறிஞ்சிப்பாட்டு போச்சு
ஈசாப்போடு நீதிக்கதைகள் போச்சு
-இது புதுமொழி (?)

** உமர் கய்யாமின் "ரூபாயத்" ஒரு அதிசயக் கவிதைத் தொகுப்பு.
உலகின் எல்லா மொழிகளிலும் வெளிவந்த ஒன்று.

இதன் பாதிப்பை கவியரசுவின் பல படைப்புகளில் பார்க்கலாம்.

இதோ ஒரு சிறு துளி...

<span style='color:#1200ff'>" வெயிற் கேற்ற நிழலுண்டு
வீசும் தென்றல் காற்றுண்டு
கையில் கம்பன் கவியுண்டு
கலசம் நிறைய மதுவுண்டு.."</span>

** அரபி மொழி இடமிருந்து வலமாய் எழுதப்பட்டாலும்
எண்கள் இடமிருந்து வலம்தான்.
இந்திய கணித முறைக்கு அரேபியா தந்த முதல் மரியாதை!


** சில தொகுப்பு சாதனைகள்:

11ம் நூற்றாண்டு : அறிவியல் களஞ்சியம் (என்சைக்ளோபிடியா) - அவிசென்னா அவர்கள்.
18ம் நூற்றாண்டு : ஆங்கில அகராதி - சாமுவேல் ஜான்சன் அவர்கள்
20ம் நூற்றாண்டு : அபிதான சிந்தாமணி - ஆபிரகாம் பண்டிதர் அவர்கள்.

[சேரன்கயல்]

நல்ல தகவல் திரட்டு இளசு...
பாராட்டுக்கள்..
(மனோன்மனிய பாடல் சான்று அருமை)

[பாரதி]

பல விசயங்களை நினைவூட்டும் விதமாக இருக்கிறது. நன்றி அண்ணா.

[இக்பால்]

அண்ணா...கதம்பம் என்றாலும் சாதாரணக் கதம்பம் இல்லை.

எல்லா அயிட்டங்களும் போட்ட மிக்சர் சாப்பிட்ட திருப்தி.

தொடருட்டும். நன்றி அண்ணா.

[முத்து]

** கிழக்கே போகும் ரயில் புகழ் சுதாகர் போட்டிருந்த பெல் பாட்டம் மீண்டும் வரும்போல் தோன்றுகிறது.
நாகரீகக்கோலமும் காலமும் சக்கரம் போல் சுழல்பவை என்று மனோன்மணீயம் சொல்கிறது -

"காலம் என்பது கறங்கு போலாடி
மேலது கீழாய் கீழது மேலாய்"

ஜெர்மனியில் காலேஜில் படிக்கிற பொண்ணுங்க நிறையப் பேர்
இப்ப பெல் பாட்டம் பேண்டுதான் போடுறாங்க...
ஆனா நம்ம சுதாகர் போட்டிருந்ததுக்கும்
இந்த பேண்டுக்கும் என்ன வித்தியாசம்னா ,
மேலே கொஞ்சம்( ரொம்பவே) இறுக்கமாக ஆரம்பிக்கிறது ..
ஆனாலும் பரவாயில்லை .. இது சுதாகர் பேண்ட்டைவிடவும்
பார்க்க நல்லாதான் இருக்கிறது ...

[thiruarul]

பொதுஅறிவை வளர்க்க உதவும் தகவல்கள். அறிந்திராத விடயங்களை அறிந்துகொண்டேன்.தந்த மதிப்பிற்குரிய இளங்கரிகாலன் அவர்கட்கு நன்றிகளும் பாராட்டுகளும் உரித்தாகட்டும்.

நிற்க, ஆடைமட்டுமல்ல ஆண்களது சிகை அலங்காரமும் 1960 களின் பாணிக்குத் திரும்புவதை அண்மையில் கொழும்புத் (இலங்கைத் தலைநகர்) தெருக்களில் கண்டேன்.

அன்புடன் திருவருள்

[poo]

தகவல் திரட்டுகளுக்கு நன்றி அண்ணா...

படித்தவைகளை இன்னும் தரலாமே!!


இன்றைய ஈராக்கில்தான் தொங்கும் தோட்டம் இருக்கிறதா?!!

(இல்லை ஒரு பாடலில் பாபிலோனின் தொங்கும் தோட்டம்னு நம்ம (யார் யாருப்பா "நம்ம"ங்கற கூட்டணிக்குள்ள வர்றீங்க?!!..) மந்த்ராவை பாடுவாங்களே...!!)