எம்ஜி நிறுவனத்தின் இந்திய இணையத்தள பக்கத்தில் இந்த வாரத்தின் முற்பகுதியில், இசட்எஸ் இவி வெளியிடுவது குறித்து தகவல் வெளியிடப்பட்டு இருந்தது. எம்ஜி மோட்டார் இந்தியா நிறுவனம் புதிய எலக்ட்ரிக் எஸ்யூவிகளுக்கான அதிகாரப்பூர்வ வெளியிடு தேதியை அறிவித்துள்ளது.

எம்ஜி இசட் எஸ் இவி கார்கள் வரும் டிசம்பர் ஐந்தாம் தேதி வெளியிடப்பட உள்ளதாகவும், இந்த கார்கள் வரும் 2020ம் ஆண்டின் முதல் காலாண்டில் மார்க்கெட்டுக்கு வரும் என்று எதிர்பார்க்கப்படுகிறது.மோரிஸ் கேரேஜஸ் நிறுவனம் வரவிருக்கும் மாடல்களுக்கான டீசரை வெளியிட்டுள்ளது. மேலும் இந்த ஆண்டு தொடக்கத்தில் அறிமுகம் செய்யப்பட்ட ஹூண்டாய் கோனா இவி-களுக்கு இந்த கார்கள் போட்டியாக இருக்கும்.

தற்போது, எம்ஜி இசட்எஸ் இவி கார்கள் இந்திய மார்க்கெடில் எப்போது வெளியாகும் என்ற தகவல் வெளியாகவில்லை. இந்த கார்கள் ஐரோப்பிய மோட்டார் மற்றும் பேட்டரி பேக்களுடன் வெளியாக உள்ளது. பிரிட்டனில் இவை காம்பேக்ட் எலக்ட்ரிக் எஸ்யூவி-யாகவும் 141 bhp மற்றும் 353 Nm பீக் டார்க்கில் இயங்கும்.

இந்த மாடல்கள் 44.5 kWh பேட்டரி பேக்களுடன் சிங்கிள் சார்ஜ்ஜில் 300 km தூரம் பயணிக்கும் திறன் கொண்டதாக இருக்கும். இதில் பொருத்தப்பட்டுள்ள லித்தியம் இயான் யூனிட்கள், 50 kW DC சார்ஜ் மூலம் 80 சதவிகிதம் சார்ஜ் ஆக 40 நிமிடங்களே எடுத்து கொள்ளும். இதுவே வழக்கமான 7 kW சார்ஜ்ஜராக இருந்தால், முழுமையாக சார்ஜ்ஜாக ஏழு மணி நேரம் எடுத்து கொள்ளும்.

View Source: https://www.autonews360.com/tamil/ne...er-5-in-india/