வரும் 2020-ம் ஆண்டு ஏப்ரல் ஒன்றாம் தேதி முதல் பிஎஸ்6 விதிகள் கட்டாயமாக்கப்பட்டுள்ளது. இதையடுத்து,தயாரிப்பாளர்கள் தங்கள் தயாரிப்புகளை மாற்றும் பணிகளை மேற்கொண்டு வருகின்றனர். இந்த அப்டேட்கள் செய்து கொள்ள இன்னும் பல மாதங்கள் உள்ள நிலையில், மார்க்கெட்டில் கிடைக்கும் பிஎஸ்6 விதிக்குட்பட்ட பைக்குகள் இப்போது குறைவாகவே உள்ளன.

கடந்த ஆகஸ்ட் மாதத்தில் யமஹா இந்தியா நிறுவனம் வெளியிட்டுள்ள தகவலில், வரும் நவம்பர் மாதம் முதல் தங்கள் நிறுவன ஸ்கூட்டர்கள் மற்றும் மோட்டார் சைக்கிள்களை பிஎஸ்6 விதிகளுக்கு ஏற்ப அப்டேட் செய்யும் பணிகள் தொடங்கப்பட உள்ளதாக தெரிவித்துள்ளது.

இந்த அப்டேட்கள், அரசு பரிந்துரை செய்துள்ள 2020-ம் ஆண்டு ஏப்ரல் காலக்கெடுவுக்கு முன்பு செய்து முடிக்கப்படும் என்று எதிர்பார்க்கப்படுகிறது. யமஹா நிறுவனம் பிஎஸ்6 விதிகளுக்கு ஏற்ப மோட்டார் சைக்கிள் மற்றும் ஸ்கூட்டர்களை சில கட்டங்களில் வரும் நவம்பர் மாதம் முதல் மாற்ற உள்ளது. பிஎஸ்6 ஸ்கூட்டர்கள், வாடிக்கையாளர்கள் வரும் 2020-ம் ஆண்டு ஜனவரி மாதம் வரை காத்திருக்க வேண்டியிருக்கும்.

தற்போது, யமஹா நிறுவனம், வரும் டிசம்பர் மாதம் 19ம் தேதி செய்தியாளர்களை சந்திப்புக்கான அழைப்பை விடுத்துள்ளது. இந்த சந்திப்பில் எந்த வகையான மாடல் அறிமுகம் செய்யப்பட உள்ளது என்பது குறித்த தகவல் எதுவும் வெளியிடப்படவில்லை. ஆனாலும், இதுகுறித்து வெளியான தகவல்களின் படி, நீண்ட காலமாக எதிர்பார்க்கப்பட்ட யமஹா ஆர்3 பிஎஸ்6 மாடல்கள் அந்த நாளில் அறிமுகமாகும் என்று தெரிய வந்துள்ளது. 2019 யமஹா ஆர்15 பிஎஸ்6 மாடல்கள் அறிமுகம் செய்யப்பட்டால், உயர்த்தப்பட்ட விலையுடன் இருக்கும் என்று எதிர்பார்க்கப்படுகிறது. இந்த தகவலை ஆட்டோமேடிவ் ஆர்வலர் சிந்து வெளியிட்டுள்ளார்.

View Source: https://www.autonews360.com/tamil/ne...h-in-december/