ரமணி ஹைக்கூ

[ரமணி]

25.
காற்றடித்து விழுந்தன
எண்ணற்ற நட்சத்திரங்கள்
அட, வேப்பம்பூக்கள்!

26.
தோட்டத்தில் புதுமலர்
அடைமழை நீரில் மிதந்தாடும்
சாக்கடைநீர் சல்லடை

*****

[ரமணி]

23.
கன்னத்தில் மச்சம்
குழையக் காதல் தரும் மாலை
சின்னக் குழந்தை நகை

24.
நெகிழும் கண்ணாடி
செடி கொடி கல் ஆடவைக்கும்
மலையில் நீர்வீழ்ச்சி

*****

[ரமணி]

27.
தென்னை மட்டை மேல்
காக்கை மூக்கைத் தேய்க்கும் ஒலி
பதுங்கும் அணில் குஞ்சு

28.
ஜலதரங்கம் கூட்டும்
தனி ஆவர்த்தனக் கச்சேரி
குளியல் அறை சல்லடை

*****

[ரமணி]

ஹைக்கூவை அதன் உடலோடும் உயிரோடும் எழுத முயலும் என்னை ஊக்குவித்துப் பாராட்டும் ரவிசேகருக்கு மிக்க நன்றி.
ரமணி

[ரமணி]

29.
வெய்யில் கல்தரை குடம்
தரையில் படும்துளி உடன்மறையும்
காக்கை மூக்கில் துளி

30.
சீனித் துகள் சுவைத்தே
காலை இழுக்கும் கட்டெறும்பு
பாலாடை வலையில்

*****

[ரமணி]

31.
நள்ளிரவு மௌனம்
டிக்டிக் ஒலிக்கும் கடிகாரம்
நாணயம் விழும் சப்தம்

32.
தொட்டியில் காலிக் குடம்
நீர் மொள்ளும் சொம்பு குபுக் குபுக்
குழந்தை கால் உன்னும்

*****

[ரமணி]

33.
மழையில் சிறு கப்பல்
இழுத்துக் கரை சேர்த்தது குழந்தை
தப்பும் கட்டெறும்பு

34.
வீறிடும் குழந்தை ஒலி
செய்வது அறியாத் தாய் திகைத்தாள்
நாக்கில் மிளகாய் விதை

*****

[ரமணி]

35.
சீருடைச் சிறார் கலகல
ஆசையில் ஏங்கும் சிறுவன் முகம்
துருத்தியை இழுக்கும் கை

36.
அருவியாய் ஓடும் மழை
முள்மரம் முழுதும் வெண்மலர்கள்
காத்திருக்கும் கொக்குகள்

*****

[ரமணி]

37.
கண்ணாடி முன்னே
பழிப்புக் காட்டி மகிழ் குழந்தை
மறைந்து ரசிக்கும் தாய்

38.
குருவியின் ஆக்ரோஷம்
தாழ்வார நிலைக்கண்ணாடி
குழந்தை கண்ணில் பயம்

*****

[ரமணி]

39.
பழைய வாராவதி
காவிரி மேலே வாகனங்கள்
மின்தூண் சங்கீதம்

40.
மல்லாந்தே நடனம்
மரவட்டை செய்தது ஈர்த்தது
சுள்ளெறும்புகள் மொய்க்க

*****

[செல்வா]

21.
22.
அண்ணாந்து பார்த்தேன்
கண்ணாடி விரிசல் ஆச்சு
விண்ணின்று மழைத்துளி

*****

மிக மிக இரசித்தேன். தொடர்ந்து எழுதுங்கள்..!

[ரமணி]

41.
டி.வி.எஸ். 50
இருப்புப் பாதை சந்திப்பு
தெறித்து விழுந்த தலை!

42.
சின்னத் தவளை தலை
மெல்ல மெல்ல விழுங்கியது
ஒரு பாம்புக் குட்டி!

*****