ரமணி ஹைக்கூ

[ரமணி]

‪#‎ரமணி_ஹைக்கூ‬
67.
அலிமரக் கட்டை மேல்
ஊதா நிறத்தில் மீன் கொத்தி--
குரலில் திடுக்கிடும் குழந்தை!

68.
ஓயாது தேடும்
சின்னக் குருவி தேன்சிட்டு--
சீழ்க்கை காதுறுத்தும்!

*****

[ரமணி]

69.
கண்டது மேய்ந்த பசு
வாலை வீசி அசைபோடும்--
கால் நடுவே கொக்கு!

70.
கடுகுக் கண்ணுடன் அணில்
குழந்தை தின்ன வாயசைக்கும்--
மார்பில் முதுகில் கை!

*****

[ரமணி]

71.
தென்னையில் சலசலப்பு
விளக்கைப் போட்டுப் பார்த்தபோது--
குழந்தையின் ஆந்தை விழி!

72.
துரத்தும் கரையும் இனம்
பூனையின் வாயில் ஓர் காக்கை--
குழந்தை பரிதவிக்கும்!

*****

[ரமணி]

‪#‎ரமணி_ஹைக்கூ‬
06/01/2016
73.
அதிகாலை ஐந்து
துவாதசிநாள் வெண்பிறை நாட்டியம்--
சிறுமுகில் நட்டுவனார்!

74.
நிலா அருகிலோர் விண்மீன்--
உன்னிப் பார்க்கும் சிறுகுழந்தை
பற்றும் முந்தானை!

*****

[ரமணி]

‪#‎ரமணி_ஹைக்கூ‬
75.
மாமரம் மறைத்திருக்க
வடக்கில் சூரியன் அஸ்தமனம்--
ஓர் மாடி ஜன்னலில்!

76.
புதிதாய் வாசல் ராம்ப்
ஆசிர்வதித்தது பசு ஒன்று--
சாணி மூத்திரமாய்!

*****

[ரமணி]

#‎ரமணி_ஹைக்கூ‬
77.
’அப்பா, உஷ்!’ குழந்தை.
நுனிக்கால் உன்னிக் காட்டியது--
குட்டைநீர் பருகும் புறா!

78.
’கொக்குக் கெத்னை கால்?’
’நீ சொல்லு...’ ’நாலு!’
குழந்தை வரைந்த படம் காட்டும்!

*****

[ரமணி]

22/01/2016
79.
மாலை மென்காற்றில்
சீராய் மூச்சு சிலந்தி வலை--
உள்ளே சிலந்தி உடல்!

80.
எங்கோ குயில் கூவும்
குழந்தை மகிழ்வுடன் எதிரொலிக்கும்--
குயில் மட்டும் இன்று

*****