குழி

[முரளி]

வருமானம் பெருக்கவே
சுருக்கான வழி
வெளிநாட்டு நிறுவனம்
வெட்டிய குழி
விழுந்தது இந்தியன் தானே !
எழுவானா விழித்து இனியேனும் ?

[M.Jagadeesan]

நூடுல்ஸாம் மேகியால் தீங்கின்றி வேறில்லை
நாடுவோர் நாடட்டும் விட்டிடுக - பாடுபட்டு
வீட்டினிலே செய்யும் இடியாப்பம் ஒன்றேதான்
நாட்டும் நலத்தை நமக்கு .

[முரளி]

அதுவும் சரிதான். ஜெகதீசன் !

இடியாப்பம் இட்லி தோசை வடகறி
என ஏராளமாய் கிடக்கையில்
ஏன் நமக்கு இந்த நூடுல்ஸ் வெறி

என்ன குறை நம் வீட்டினில்
யார் காரணம் நம் நாட்டினில்

தரங்கெட்ட அரசியல்வாதியா ?
துணை நிற்கும் அதிகாரியா?
தன்மானம் விற்ற வியாபாரியா?
தறி கெட்ட விளம்பரமா ?

ஏற்றமற்ற போட்டி கொண்டு
ஏமாற்றியவர் பலர் உண்டு
ஏமாந்ததில் இந்தியாவும் ஒன்று!
ஏதோ ! இன்றாவது விழித்தோமே !

[ravisekar]

அருமையான கவிதைகள். முரளி, எம் ஜெகதீசன் இருவருக்கும் பாராட்டுக்கள்.