Page 3 of 3 FirstFirst 1 2 3
Results 25 to 29 of 29

Thread: தமிழில் ஆங்கிலப் பாவடிவங்கள்

                  
   
   
  1. #25
    அனைவரின் நண்பர் பண்பட்டவர்
    Join Date
    15 Jan 2013
    Posts
    1,076
    Post Thanks / Like
    iCash Credits
    34,888
    Downloads
    10
    Uploads
    0
    தமிழில் அளவியல் இத்தாலிய சானட் உதாரணங்கள்
    6. முதல் எட்டடி குறள் வெண்செந்துறை + இறுதி ஆறடி குறள் வெண்செந்துறை

    இ6. சவலத்தில் மனம்தோய்வேன்!
    (அளவியல் இத்தாலிய சானட்: குறள் வெண்செந்துறை:
    இயைபுத் திட்டம்: அஆஆஅ-அஆஆஅ, இஈஎ-இஈஎ)


    எத்தனை புத்தகங்கள் எப்படிப் படிப்பேன்?
    இத்தனை சஞ்சிகைகள் ஈயென மொய்த்தால்
    மாமரப் பூக்களாய் மலைக்க வைத்தால்
    பாமரன் நானெதைப் படித்து முடிப்பேன்?
    இவைபோ தாதென்று இணையத்தில் கால்கடுப்பேன்
    கவையோ கலையோ கரைமீறிக் கால்வைத்தால்
    கனவிலும் அலைமனம் கட்டெறும்பாய் மொய்த்தால்
    நனவிலெதைக் கொள்ளுவேன் நலமெனவாய் மடுப்பேன்?

    மனதின் விருத்தியில் வளரும் வினைகளாய்
    நனவின் மாயயை நன்றாய் மறைப்பதில்
    உள்ளுறை ஆன்மாவை உள்ளுதல் தடுத்தே
    கள்ளுறும் போதையாய்க் காமச் சுனைகளாய்
    அவலத்தை நலிவை அறிவென்றே உரைப்பதில்
    சவலத்தில் மனம்தோய்வேன் சாதனை விடுத்தே.

    [கவை = செயல், வேலை; சவலம் = சபலம்]

    --ரமணி, 26/04/2015

    *****

  2. #26
    அனைவரின் நண்பர் பண்பட்டவர்
    Join Date
    15 Jan 2013
    Posts
    1,076
    Post Thanks / Like
    iCash Credits
    34,888
    Downloads
    10
    Uploads
    0
    தமிழில் அளவியல் ஆங்கில சானட் உதாரணங்கள்
    6. முதல் மூன்று நாலடிச் செய்யுள் குறள் வெண்செந்துறை + இறுதிக் குறள் வெண்செந்துறை

    ஆ6. காக்கையும் யாக்கையும்!
    [அளவியல் ஆங்கில சானட்: குறள் வெண்செந்துறை:
    இயைபு: அஆஅஆ, இஈஇஈ, உஊஉஊ, எ*எ]

    வாடைக் காற்றில் வானம் வழியும்
    கோடை மழையில் குளிர்ந்தது உள்ளம்
    சல்லடை மேகம் சலித்துப் பொழியும்
    உல்லாச முழுக்கில் உச்சிகள் துள்ளும்!

    மின்காற் றனலில் மேனி புழுங்க
    மின்னல் வெட்ட மின்வெட் டானது
    வெள்ளை வானை மேகம் விழுங்க
    உள்ளக் குமுறல் ஒருவழி யானது.

    மழைப்பொழி வோட மண்ணில் அலையாய்
    குழையும் சிறகைக் குறுக்கி யமர்ந்தே
    காக்கை யொன்றுமின் கம்பியில் சிலையாய்
    தாக்கும் மழையில் தவமாய்ச் சிறந்தே!

    காக்கையின் ஒருமை கண்ணுறும் போதும்
    யாக்கையின் கவனமே என்னிடம் மோதும்!

    --ரமணி, 27/04/2015

    *****

  3. #27
    அனைவரின் நண்பர் பண்பட்டவர்
    Join Date
    15 Jan 2013
    Posts
    1,076
    Post Thanks / Like
    iCash Credits
    34,888
    Downloads
    10
    Uploads
    0
    தமிழில் நெடிலடி இத்தாலிய சானட் உதாரணங்கள்
    1. இரண்டு கலித்துறை + ஒரு கலித்துறை + ஒரு குறள் வெண்செந்துறை

    இ7. தலைமேல் உறுமோ மழைக்கால்?
    (நெடிலடி இத்தாலிய சானட்: கலித்துறை (மா கூவிளம் விளம் விளம் மா) x 3
    + ஒரு குறள் வெண்செந்துறை: இயைபுத் திட்டம்: அஆஆஅ-அஆஆஅ, இஈஎ-இஈஎ)

    வெய்யில் அக்னியின் தணலெனப் பரவியே வேர்க்கும்
    கையில் ஜன்னலின் கம்பிகள் கனலுறக் காயும்
    மெய்யின் ஆடையை மீறியே அனலது மேயும்
    பெய்யும் வான்மழை நேருமோ அத்தனை பேர்க்கும்?
    செய்யும் காரியம் எதுவுமே சலிப்பினில் சேர்க்கும்
    நெய்யில் வாணலித் தணலுற வறுபடும் நேயம்
    ஒய்யா ரம்தரும் நிழலுமே குறுகியே ஓயும்
    கொய்யா மஞ்சளுள் வெண்மையாய்ச் சூரியன் கூர்க்கும்!

    வேற்றில் ஈரமாய் வேண்டியே கவிதையில் விதைத்தேன் ... ... [வேற்றில் = வேற்றுமை இல்லாத]
    சேற்றில் தாமரை விந்தையாய்க் கருமுகில் சிரிக்கும்
    போற்றும் மழையாய்ப் பூமியில் சிலிர்க்கப் பொழியும்!
    சீற்றம் மின்னலின் இடியென வெம்மையைச் சிதைத்தே
    நேற்றுக் கண்படாக் கார்முகில் நீரினை நிறைக்கும்
    ஏற்றம் பெற்றநீர்க் மழைக்கால் வரிகளாய் இழியும்!

    --ரமணி, 25/05/2015

    *****

  4. #28
    அனைவரின் நண்பர் பண்பட்டவர்
    Join Date
    15 Jan 2013
    Posts
    1,076
    Post Thanks / Like
    iCash Credits
    34,888
    Downloads
    10
    Uploads
    0
    தமிழில் நெடிலடி ஆங்கில சானட் உதாரணங்கள்
    1. முன்று கலித்துறை + ஒரு குறள் வெண்செந்துறை

    ஆ7. தனியெனில் நன்றே பொதுவெனில் ஊறே!
    [நெடிலடி ஆங்கில சானட்: முன்று கலித்துறை + ஒரு குறள் வெண்செந்துறை
    இயைபு: அஆஅஆ, இஈஇஈ, உஊஉஊ, எ*எ]


    சொன்னால் செய்பவன் எனக்கொரு நண்பனாம் சூர்ய
    மின்சா ரக்கதிர் ஆற்றலைக் கொண்டவன் இல்லம்
    அன்றா டம்கொளும் மின்னொளி வெம்மையை ஆர்ய
    மின்சா ரம்வழிப் பெற்றவன் வாழ்வது செல்லும்!

    மழையோ வெய்யிலோ தடையிலா மின்னளி மாட்சி
    இழியும் சக்தியின் காப்பென மின்கலன் இரண்டு
    நிழலாய் ராத்திரி அரசுமின் சார்ஜினில் நீட்சி
    கழுகாய்க் காத்திருக் கும்விசை தட்டிடக் கரண்ட்டு!

    அனலோன் ஆடிகள் பலமைல் பரப்பினில் அமைத்தே
    கனலின் ஆற்றலைப் பொதுசனம் பெறுதலைக் காணில்
    சனனம் கொண்டது கொல்லுமே பறவைகள் சமைத்தே!
    வினவும் நன்மையைத் தருமென முனைவது வீணே.

    தன்னில் லந்தனில் கதிரொளி நலம்தரும் சக்தி
    உன்னில் ஊர்க்கென ஊறுகள் விளைத்திடும் யுக்தி!

    --ரமணி, 27/05/2015

    உதவி:
    The Dark Side Of Solar Power
    http://news.investors.com/ibd-editor...olar-power.htm
    போன்ற இணையச் செய்திகள்.

    *****

  5. Likes ravisekar liked this post
  6. #29
    அனைவரின் நண்பர் பண்பட்டவர்
    Join Date
    15 Jan 2013
    Posts
    1,076
    Post Thanks / Like
    iCash Credits
    34,888
    Downloads
    10
    Uploads
    0
    தமிழில் நெடிலடி இத்தாலிய சானட் உதாரணங்கள்
    2. மூன்று கட்டளைக் கலித்துறை + ஒரு குறள் வெண்செந்துறை

    இ8. தீத்திறந் தான்வரும் சிந்தையிலே!
    (நெடிலடி இத்தாலிய சானட்: மூன்று கட்டளைக் கலித்துறை + ஒரு குறள் வெண்செந்துறை:
    இயைபுத் திட்டம்: அஆஆஅ-அஆஆஅ, இஈஎ-இஈஎ)


    மாலைப் பொழுதின் மயக்கில் பறவை மரக்கிளையில்
    ஓலம் விடுத்தவை ஒன்றோ பலவோ ஒருங்கமரும்
    சோலை மலர்கள் சொகுசாய் மலர்ந்தே மணங்கமழும்
    சாலை மருங்கில் சருகுகள் காற்றில் உருக்குலைவில்!

    மாடப் புறாவினம் மட்டும் எளிதாய் அமர்வதில்லை
    கூடும் துரத்தும் குழுவாய்ப் பறந்தபின் மீண்டமரும்
    சாடும் துணையைத் தவிர்க்க மறுபடித் தாண்டிவரும்
    ஓடும் ஒடுங்கும் உறையும் அவைதான் அயர்வதில்லை!

    ஒருநிலை கொள்ளா துலவும் புறாவின் மனமெனக்கே
    துருவும் அலகால் துரத்தும் பறக்கும் சிறகடித்தே
    உருவம் மயங்கியே உள்நினை வோடிடும் அந்தியிலே
    கருவம் செழித்துக் கனல்வரும் எண்ண வனமெனக்கே
    வெருவும் சினமும் வெளிப்படத் தாக்கும் விறகொடித்தே
    திருவெனக் கொள்முதல் தீத்திறந் தான்வரும் சிந்தையிலே!

    --ரமணி, 15/06/2015

    *****

Page 3 of 3 FirstFirst 1 2 3

Thread Information

Users Browsing this Thread

There are currently 1 users browsing this thread. (0 members and 1 guests)

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •